#مذكرات جندي مجهول
#للكاتب عبد الله محمود
" في الحرب ليس هناك جندي غير مصاب "
عبارة تختصرلك أوجاع الحرب للعسكري
الإصابة :
هواية ناس تتوقع ان كلمة إصابة محصورة بمعنى واحد و هو لو انضربت بطلقة لو انكسر شي بجسمك لو انقطع عضو بجسمك !
و هذا شي غريب !
ترة إصابة الحرب نفسية مو بس جسدية
إذا انضربت بشضية او طلقة او انبتر عضو عندك
راح يبقى الأثر
و نفس الشي إذا جانت الإصابة نفسية
انتة تتغير
ما راح تبقى نفس الشخص قبل الحرب
و للعلم ما راح تكدر ترجع نفس قبل أبدا
مهما حاولت
الإصابة مو إصابة جسد بس
الإصابة إصابة روح
إصابة مشاعر
إصابة نفسية
إصابة عقلية
* جان الجو كئيب كلش و هادئ
من الهدوء الي تشوفة بعيون الجنود راح تعرف ان الوضع مثل ما تركتة
يمكن من اكول هدوء هواية ناس راح يتوقعون ان ماكو لا قذيفة ولا طلقة ههه
هدوء بالحرب معناها : قذايف هاون ، قناصين ، مدافع تسمع صوت الإطلاق مالتهة و توكع ع القطعات الخلفية ، يطلع كم جندي ايراني يرمي كم طلقة اتجاه الجبهة و احنة نرد عليهم بكم طلقة و نرد عليهم بكم قذيفة هاون و قناصينة يردون على قناصيهم و مدافعنة هم ترد على مدافعهم
سمتيات مراقبة مرات تجي تشوف الوضع
هذا هو هدوء الحرب
تعتاد على المنضر
تعتاد على الصوت
تعتاد على كل شي
حتى القتل يصير سهل عندك
تتأقلم
خلص انتة هاي حياتك
أملك ان يكلولك انتهت خدمتك و كل الضباط و الجنود الاحتياط يرجعون لأهلهم
المفروض بعد ٥ أشهر يبدي موضوع تسريحي من الجيش
حتى لو قضيتك عادلة هم الخوف راح يزور كلبك مية بالمية و راح تخاف وراح يجي اليوم الي ياكلك التوتر و راح تتعب
_ دخلت للرعيل
بدلاء لبعض الجنود
طبيعي بعض العسكريين عدهم اجازات
أنت تقرأ
مذكرات جندي مجهول
Historical Fictionقصة واقعية بكل تفاصيلها ،، كل احداثها و حواراتها واقعية ما عدا اسم بطل القصة و اسماء عائلته و كذلك ارقام الوحدات العسكرية ساتجنب ذكرها على حقيقتها حفاضا على خصوصية بطل القصة و تلبية لرغبته ، تركز القصة على ما مر به بطل القصة في الحرب العراقية الايرا...
