#مذكرات جندي مجهول
#للكاتب عبد الله محمود
داخل مكان عشت عمري بي كلة
بس الخوف الي حسيتة و اني داخل لهذا المكان
اكبر من الخوف الي عشتة على الجبهة نفسهة
خطوة ثكيلة كلش
نفس متسارع
وجهتي لبيت عمي مو بيتنة
دكيت الباب
ماكو احد طلعلي
ضليت ربع ساعة ادك بالباب ماكو أحد طلع
رحت لبيتنة و اني بديت احس ان الي ابالي صح
احس كلبي راح يوكف من سرعة دكاتة
وصلت لبيتنة و دكيت الباب
طلعت أمي و حضنتني
" يمة عمر وين !؟
امي و هي تبجي : هاي شبيهة كصتك شوكت مضروب
" يمة عمر بي شي !!؟
لا ابني مابي شي الحمد لله على كل حال
" لعد ليش ماكو احد ابيت عمي
عمر متصوب و بالمستشفى و اهلة هناك
ارتاااحيييت كلش ! رغم اني ماعرف نوع الاصابة بس المهم عايش
جبل و انزاح من فوك صدري بحيث وكعت كل غراضي من ايدي بالطرمة
" و شنو اصابتة شلونهة ؟
لا ان شاء الله بخير بس انتة فوت ارتاح و بعدين يوديك سعد تشوفة بس خلي يرجع لان ودة مرتة يم اهلهة
" سعد هنا زين
دخلت و من التعب النفسي الي شفتة كلتلهم ماريد لا غدة ولا اي شي بس اريد اسبح و انام
سلمت على ابوية و اخواني و لطيت خواتي هم سلمت عليهن بس استغربت لان هنة من يوم تزوجن قليل يجن يمنة يعني كل فترة ٦ شهور تشوفهن مرة
سبحت و نمت
اول ما كعدت تغديت و سلمت على سعد كتلة :
شنو الاصابة مال عمر ؟
سعد : والله اصابة قوية مضروب ٣ طلقات
أنت تقرأ
مذكرات جندي مجهول
Historical Fictionقصة واقعية بكل تفاصيلها ،، كل احداثها و حواراتها واقعية ما عدا اسم بطل القصة و اسماء عائلته و كذلك ارقام الوحدات العسكرية ساتجنب ذكرها على حقيقتها حفاضا على خصوصية بطل القصة و تلبية لرغبته ، تركز القصة على ما مر به بطل القصة في الحرب العراقية الايرا...
