#مذكرات جندي مجهول
#للكاتب عبد الله محمود
خسارة شخص عزيز عليك كلش و بهيجي ضروف راح تقلل حبك للحياة
صرت مقتنع بان هاي الحرب نصيبي
الموت تاليتي
من كدما شفت الموت كدامي بكل مرة
و شفت الموت ياخذ أقرب الناس الي من صديق الى اعز شخص عندي و مثل اخوية
صار كل همي الواجب العسكري
الحقد زاد ؟
اي زاد
بالعقل متكدر تكول للايراني ليش قتلت هذا الشخص لان هو ضدك يعني لو تقتلة لو يقتلك !!؟
بس دائما هيجي امور يتحكم بيهة الكلب مو العقل
* جانت نضرتي على الجبال مال غيلان غرب بالرعيل مالتي و الوضع هادئ
شكد شالت دم هاي المنطقة
رغم خسارة بعض المناطق الي سيطرنة عليهة بالجنوب بس بعد اكو أمل ان الحرب تنتهي
املي بالتسريح انتهى و راح
هذا جان اقوى سبب خلاني اطلب من سعد ان ينهي علاقتي بمنى
الدافع الثاني لمن شفت وضع زوجة عمر و هي حامل
لو بكر الي جانت ترقيتة جديدة لمن استشهد و ترك بنتة و زوجتة
هذا الطفل اذا رادت تتزوج راح يتربى على ايد غريبة هاي اذا وافق احد ان يتزوج ارملة
مستحيل اخلي ابني بهيجي حالة و مستحيل اخلي بنية حبيتهة بهيجي وضع
جان لازم اني الي ابادر لان ادري بيهة ماراح تبادر بهيجي شي
لازم احد ياخذ موقف عقلاني
_ أول اسبوع جنت اريدهم يهجمون
خايف من الموت اكيد
بس حسيت ان بي راحة
يمكن الدافع زاد لمن مات عمر لان محد يعرف علاقتي بي شكد قوية
سامع بالي يعرف كل اسرارك و كل سوالفك و اذا عندك فرحة او مشكلة لازم هو اول واحد يشاركك بيهة
عمر جان أخ مو ابن عم
قريب علية اكثر حتى من أخوتي
* دتمر الايام و الجيش الايراني ماسوة اي هجوم
صار اسبوعين !!
و هذا متوقع بالنسبة الي
لان جانو ملتهين بمعركة المحمرة و يريد يرجعوهة
أنت تقرأ
مذكرات جندي مجهول
Historical Fictionقصة واقعية بكل تفاصيلها ،، كل احداثها و حواراتها واقعية ما عدا اسم بطل القصة و اسماء عائلته و كذلك ارقام الوحدات العسكرية ساتجنب ذكرها على حقيقتها حفاضا على خصوصية بطل القصة و تلبية لرغبته ، تركز القصة على ما مر به بطل القصة في الحرب العراقية الايرا...
