#مذكرات جندي مجهول
#للكاتب عبد الله محمود
الجو كلش بارد
المطر ينزل بغزارة
السماء مغيمة
الغيوم حاجبة كل بصيص أمل او راحة ممكن تشوفهة وية ضوة الشمس
جو كئيب كلش
يمكن اني أحب الشمس لان احس بالطمأنينة بيهة
هم اكو احد يحب هيجي جو وقت الالتحاق ؟
ماريد المطر
المطر يذكرني بهواية شغلات
كل قطرة من المطر تلامس الشارع تذكرني بموقف معين
علاوي الله يرحمك
اتذكر وجهك كلش زين
جان المطر يغسل وجهك
ملحكت ع الضيم الي شفتة اني
اكيد انتة بمكان احسن
الي تبترت رجلية شصار بي هسة ؟
يمكن مات
* سيارة الايفا طالعة باتجاه خانقين
السايق عاشق لحزب البعث
الاغنية الي مشغلهة بالمسجل بيهة كمية ذكريات !!
دلال الشمالي
لحد الان اتذكر اغنيتهة من جنت صغير
سنة ١٩٧١
تنعرض كإحتفال بثورة تموز ( ثورة حزب البعث )
نصعد بالباص الخشبي اني و امي و اخواني حتى نروح لكرايبنة
طبعا ابوية ميكدر يروح بسبب شغلة
و يصادف بالعطلة الصيفية احتفال تموز
و جنة نسمع الاغنية هاي و هي مشتغلة بالباص الخشبي
من قاسيون أطل يا وطني
فأرى بغداد تعانق السحبا
ذكرياتهة مطبوعة براسي
قبل ركوبي للباص
أنت تقرأ
مذكرات جندي مجهول
Historische Romaneقصة واقعية بكل تفاصيلها ،، كل احداثها و حواراتها واقعية ما عدا اسم بطل القصة و اسماء عائلته و كذلك ارقام الوحدات العسكرية ساتجنب ذكرها على حقيقتها حفاضا على خصوصية بطل القصة و تلبية لرغبته ، تركز القصة على ما مر به بطل القصة في الحرب العراقية الايرا...
