" ဟင့်.....အင့်.....ဟင့်....အင့် "
ညနေ duty ကပြန်လာပြီး အိမ်မှာကျန်နေခဲ့တဲ့ညီ့ကို စနောက်ဖို့အတွက် တိတ်တိတ်လေးခြေသံမကြားအောင် မနည်းတက်လာခဲ့ရတာ
အိပ်ခန်းလေးထဲမဝင်ခင် ရှိုက်သံတစ်ချို့ကြားတာနဲ့ ပိုပြီးသတိထားလျှောက်လာမိတယ်
အသာယာအခန်းတံခါးလေးတွန်းဖွင့်ကြည့်တော့
" ဟ့...ဘုန်း ဘယ် ဘယ်တုန်းကပြန်လာတာလဲ "
ညီ ငိုနေတာ...ငိုနေခဲ့တာပဲ
" ညီ ဘာဖြစ်လို့လဲ ညီ့ကို ဘသူဘာလုပ်လဲ ပြော
ဘာလို့ငိုနေတာလဲ "
နားထင်ကြောတွေထောင်နေတဲ့အထိ စိုးရိမ်တစ်ကြီးမေးလာတဲ့ ဘုန်းကြောင့်...
" ဟင့်အင်း ငါဘာမှမဖြစ်ပါဘူး ဘုန်း ဘာမှမဖြစ်ဘူး "
" မလိမ်နဲ့ ညီ ကိုလိမ်တာမကြိုက်ဘူး ပြော "
" ဟင့်အင်း ဟင့်အင်း မမေးပါနဲ့ " ဆိုပြီး ဘုန်းရင်ခွင်ထဲ အသာယာတိုးဝင်ကြည့်မိတယ်
လှိုက်လှိုက်လှဲလှဲ ကြိုဆိုလာတဲ့ ဘုန်းရင်ခွင်က
နွေးထွေးလိုက်တာ....
ဘုန်းရဲ့ ကိုယ်သင်းနံ့ကအစ သဘောကျမိနေတယ် နောက်ဆို ဒီရင်ခွင်ထဲမှာ နေရဖို့မသေချာတော့ဘူး ဟင့်
နူးနူးညံ့ညံ့တိုးဝင်လာတဲ့ ညီ့ရဲ့ခန္ဓာကိုယ်လေးကို
အသာယာဖက်ထားပေးရင်း ရှိုက်သံတစ်ချို့ထွက်နေသေးတဲ့ ညီ့ကြောင့်....
" ဘာဖြစ်လို့လဲ ပြောလေညီ ကို့ကိုမှမပြောရင် ညီဘယ်သူ့ကိုပြောမလဲ နော် ဘာဖြစ်လို့လဲ ပြောမှ
ကိုတို့ အဖြေရှာလို့ရမှာလေ နော် "
" ဟင့်အင်း အိမ်မက်ဆိုးမက်ပြီးလန့်နိုးမိသွားလို့ပါ ဘာမှမဖြစ်တော့ဘူး အခုသက်သာသွားပီ "
" ဘာများဖြစ်လို့လဲလို့ ကို့မှာစိုးရိမ်လိုက်ရတာကွာ ဘာတွေများမက်လို့လဲ ပြောပါအုံး "
" မင်းနဲ့ငါ ဝေးသွားတယ်လို့အိမ်မက်မက်တာ "
" ဒါဆိုရင်တော့ အိမ်မက်ကအမှန်မဖြစ်လာနိုင်ဘူး ဆောင်းတွင်းအိမ်မက် ကယောက်ကယက်တဲ့ "
" ဟုတ်လို့လား "
" ဟုတ်တာပေါ့ဗျာ
ကဲ ဒါဆို ရေလေးသောက်ပြီး ညစာစားဖို့ပြင်ကြတာပေါ့
ညီ မင်းကြိုက်တဲ့ မှိုပွင့်လေးတွေ ဆေးရုံမှာလာရောင်းလို့ ဝယ်လာတယ်
အ့တာနဲ့ ဒီည ကြော်စားရအောင် "
KAMU SEDANG MEMBACA
Reflection
Romansaလူငယ်တွေရဲ့ စိတ်ခံစားမှုကနေ ဘဝအတွက်ရုန်းကန်ရင်း နှလုံးသားနဲ့ဉီးနှောက် ယှဉ်ပြီးစဉ်းစားလာရတဲ့အခါ..... မိဘတွေရဲ့အမြင် စိတ်သဘောထားကရော... သားသမီးတွေရဲ့ အားသာချက် အားနည်းချက်ကို သဘောထားကြီးပေးနိုင်ပါ့မလား နားလည်ပေးနိုင်ပါ့မလား... ဘဝအလှည့်အပြောင်းအရရော...
