يا غلطة ظلم باكت لذة العشرين

بارت٣

السلام عليكم
*********

# بقلم/ الكاتبه - سانسا
****************
بابا حرمني من أحلامي مو بس حلم
وفوك كل هذا طلعلي أدم احس تصرفه مثل بابا
بس
هوه جان كولش حلو وكلما يجي يباوع عليه بس
اني كأني ما شايفته ويوم من الأيام
واني امشي بل شارع اني وبنات عمي
شافني وسلم علينه عل بنات
واني ما رديت عليه السلام
وكلي ليش متردين السلام اني مو سلمت لو مطرشه شمسويلج اني
اشكد عيب فشلني كدام بنات عمي وسكتت ماجاوبته ابنص الشارع
ماحس اله سحب أيدي حيل ويحجي وعوجه الأيدي حيل
كال ثاني مرة من اسلم عليج اسلمين وتردين السلام عليه
وخرت ايدي منه ابعصبيه واني ابجي بسرعه ما أتحملت  وصار وجهي احمر  خنكتني العبره لبصدري
وكتله أشلون تتجرء تلمسني
كال أبكيفي علمود ثاني مره تحسبيلي أحساب
ردت ارد عليه بس اجه ابن خالي الثاني
كال بنات روحن منا روحن للبيت اشعدجن واكفات بل شارع العالم شتكول
هو ابن خالي اسمه سيف
ومشينه من يمهم ورجعت اني والبنات
كللي لاتبجين خلي يولي ورجعت ابجي
لحد ماوصلنه البيت ودخلت وامي شافتني
كلتلي أشبيج
كتلها وكعت وتعورت
كلتلي غير أديرين بالج بنيتي
وصرت كولش اضوج من أدم ومن اشوفه بل شارع. كأني ماشايفته ومن صديقتي انخطبت ماما قنعت بابا حتى اروح بل بدايه ماقبل وعلكها علينه بل أعياط وكذا بس بل أخير قنعته وكلتله
ماما بنات خالها يروحن وبنات عمها يروحن ليش اله هيه متروح خلي اتغير جو
وبابا قبل واني عندي ملابس لان ماما من اتروح للسوك اتشوف ملابس حلوه اجيبها حتى لو ماكو مناسبه اتجيبلي المهم
ورحت اني والبنات وماما ولسبت فستان ترابي كولش حلو
ف كملت رتبت نفسي طبعآ مكياج بس مسكاره ومرطب شفايف
محطيت مكياج لان اني بشرتي بيضه ورحت ويه البنات وطلعنه دنمشي حتى نوصل البيتهم
وشفت أدم بل شارع ويه أصدقائه الي همه كرايبنه يعرفون بي عصبي ميتفاهم من شافني وراد يجي
بس الولد مخلو لأن امي ويايه
صار عصبي وعيونه حمر أصدقائه يشاقون
ويضحكون وهو ولايمهم بس يباوع علينه
ودخلنه البيت صديقتي وشفناها كولش طالعه حلوة
بس خطيبه كولش عينه نكسه بس يباوع عاف خطيبته وباوعلي وباوع على بنات عمي هم ما ارتاحن من نضراته كلش ضجت من تصرفه وصديقتي طايره من الفرح
وأجتي بنت خالي صغير عمره 5كلتلي امي تكول خلي تجي يمي
لأن بيتهم قريب علينه
كلت الأمي
كالت الاتتئخرين شوفي مرت خالج وتعاي أبسرعه شوفي شتريد
وكتلها ماشي ما اتئخر
ورحت اني ألبس عبايه مال راس لان ابويه ميقبل
اني حلوة احلى شي بيه عيوني عسليات وكلش بيضه جسمي رشيق مو سميه ولا ضعيفه ولبسني عبايه يكول حتى ميبرز جسمها وهم تقاليدنه
اي ورحت الخوالي زنوبه صغير كلتلي بهاي الغرفه ماما دخلت وما أشوف اله شخص جرني حيل من أيدي ردت اصرخ بس
خله ايده على حلكي وشفته ونصدمت هذا أدم
وكتله شسوي أهنا شتريد مني لازم أيدي قوي ميقبل يوخر
كلي اي عيني ست ضحى أشلونج ماحجيت وياا ولاجاوبته وعصر أيدي أقوي حيل
كال أحجي مو راح أتموتيني شمسويلج اني لأن حريص عليج واحبج وأخاف عليج هيج اتعامليني هيج أتسوين بيه
ماحجيت كلي
هم سكتت راح تجلطني
كتله انته تعاملك وياي ما اعرف اشلونه
وذاك اليوم من لزمت أيدي كولش ضجت منك
ماأحب هيج تصرفات خلي بينه حدود و بس وكلي
يعني ليش من احجي متحجين ويايا ولا اتجاوبيني
كتله
يعني اتريدني احجي وياك بل شارع واكفه وياك واسولف اتريد احد يشوفني وبابا بس يسمع والله يموتني حتى لو ماعندي شي ويااك ميقبل بابا
كلي
تمام لا تحجين شنو هذا الفستان الابسته عيني تردين تبرزيلهم جسمج للولد تردين كلها اتباوع عليج ماتستحين لو تردين تجذبين الشباب بعيونج العسليات ونصدمت وفتحت عيوني عليه
وكال
راح أتموتني هل اعيون
كتله
اول شي متستحي تحجي وياي هيج لابسه عبايه
اني ومحتشه حته عيوني ماأرفعها على احد من امشي بس هذا تفكيرك الوصخ هيج يخليك أتحس
ردت اطلع
وكلي
لاتطلعين هيج من يم الشباب خاف يشوفونج
كتله
هسه امي تقلق عليه
كلي
ضحى بس حسي بيه عفته وطلعت خفت منه اتغيرت نبره صوته وهو ضل يباوعلي لمن و صلت البيت صديقتي ودخلت وجهي احسه صار نار من تصرفه مرات احسه عصبي ومره احسه حنون
رجعت البيت صديقتي وبعدني مداخله الباب البيت وصار ابوجهي خطيب صديقتي وكلي
أ هلآ عيني باوعتله بقرف ودخلت البيت كلت ابكلبي أشافت بيك وأخذتك عابت على لشكول النكسه
وامي كلتلي وينج يابنتي تأخرتي
كلتلها
ساعدت مرت خالي لأن حمودي ابنه صغير تعبه وجنت الزمه ورحت أتباركت الصديقتي
كلش فرحنالها خطية بس ما ارتاحيت الخطيبها
وخلصت الخطوبه ورجعت للبيت ولكيت ابوي جاي من الدوام وصاير عصبي كولش خفت منه هوه ميضربني بس اني أخاف منه صاح علينه بصوته عصبي
وين جنتن وعايفات البيت اني كلتلجن روحن بس ماكلت هيج تتئخرآ
كلتله امي جنت عند بيت ابو حمزه خطوبة بتهم ورحنه كللها اعرف واذا خطوبة بنتهم يعني ترحين تفترين بل أبيوت انتي وبنتج ممنوع بعد تتئخرآ وأطلعن واني ماموجود ممنوع بعد تتئخرآ يلا  ابسرعه عندي أصدقائي وصيت أكل من بره
كلتله امي تمام دقايق عيوني انته
ورحت بدلت أبسرعه ووصل العشه الطالبه بابا كباب وصمون ومشروبات غازيه
ورحت حضرنه العشه اني وامي كلش طيبه وحنونه وصابره على ابوي لأن اتحبه ودائمآ اسئلها اذا رجع بيج الزمن هم تختارين ابوي زوج الج جاوبني
بأبتسامه اي اكيد غير هو أبو بيتي
ا تعجبت على تفكير امي وطيبتها
الي وصلت بابا على استغلال شخصيتها وطيبت كلبها
واذا كعدنه على سفرة الاكل مايقبل احد يحجي أنضل ساكتين وكت الاكل لمن يخلص الاكل يله نبدي سوالف اني وامي واخواني نضحك ونشاقه واسهر عل تلفزيون واكعد متئخره ويمشي يومنه
ومن أبويه اذا بلبيت اكعد بل 9 الصبح لأن ميقبل اتئخر بل نوم وأنام بليل من وكت بس اذا ابويه بل دوام
لا اكعد ويه اذان الضهر امي تخليني أبراحتي وبليل اسهر للخمسه الصبح اباوع على افلام هنديه واشتغل ويه امي أكثر شي اغسل اماعين واني واخواني بليل نلعب وحجيلهم قصص ونسهر سوه اخوي عمره 14سنه والثاني عمره 11سنه واختي 9سنوات واخوي الصغير عمره 5 سنوات بس اني كولش متعلقه بأخواني
وابويه دأئمآ عنده خطار يعني من يجي أجازة يخبصنه بس اليوم عازم أفلان وباجر عازم أفلان واني وامي نركض ركض ومن لحك
وبيوم ابويه عنده دوام وبقيت نايمه وماأحس بس ماي بارد على وجهي وصرخت ماأسمع بس الضحك وطلعن بنات عمي فاطمة وزينب كومي ياتنبل مال نوم متشبعين نوم
لا بنات ليش فززتني عن الحلم كولش حلوة
زينب اي عيني بلله سولفي شنو حلمتي
فاطمه يعني شنو حلمت اكيد فارس أحلامه الماعده غيرة
وكتلهن وخرن وخرن خربتن ام الحلم بنات لو اتشوفنه شنو من جسم عنده وعضلات
زينب اي اي كملي كملي وبعد
وكلي ضحى اذا ماتحبيني اقتل نفسي اموت عليج ضحى
فاطمة اي ست ضحى وشنو حبيتيه لو قتل نفسه خطية
لا طبعآ حبيته وتزوجته وعشت اني وياه أبسعاده وفززتني
فاطمه يعني خلصتي الحلم ويه فارس الأحلام كومي غسلي وبدلي حتى انروح الأهلي اليوم جمعه وعازمينكم عل غده حته بيت جدي
اهوووو وهسه شي اكيد أدم المكروه موجود ويضوجني زينب اويلي عيني وأدم ماعنده شغله ولاعمله يزعج انسه ضحى دكومي كومي لاأضربج أم الرومانسيه يلا أمج راحت قبلنه هيه واخوانج
كالت كعدنهاوتعالن ورانه يلا كومي
وكتلهن بنات بس أشويه انام وأكعد
وكالن كلنه لا يعني لا أدكومين لو أشلون
فاطمه ها زينب هجوم وهجمن عليه وكامن يدغدغني واني ماأتحمل متت ضحك يلا كافي كمت كمت عافني ورحت اسبح ابسرعه وبدلت اليوم ابويه ماموجود خلي اخذ راحتي لبست كلبيه ورديه بيه قليل اسود وشال اسود ولبست عباتي وطلعت هم كولش قريبين علينه تقريبن خمس دقايق ونوصل وصلنه وسلمت على عماتي وعمامي وخوالي هم جايين ولكيت عمي الصغير العشق مالتي وكلي ها ولج ضحاوي صايره أتخبلين بعد عمج شنو هذا الجمال عمي لاتنحسدين
فدوه العمرك عمي عيونك الحلوه لا عمي لا أتبالغ
وكلي والله ماأبالغ
اني وعمي عبالك أصدقاء ونشاقه ونضحك ويحضني وزينب وفاطمه يغارن وهو يكللهن كلجن احبجن بس ضحى محبتها تختلف بشويه أكثر منجن
واني ابقه بس اعيب عليهن ويكلي
خوش بعد منو اليحاجيج وأضحك عليهن واني حاضنه عمو اجه ادم هو والولد عمامي ودخل وشافني بحضنه وأضحك وأشاقه اني وياه ماشوف بس العصبيه حسيت بعيونه ايريد ينفجر اجه سلم واني كئني ولا اشوفه كاعدة يم عمو والسوالف ويه عمو
وأجاني أدم وكلي ست ضحى عيني كومي هذا مكان الولد روحي ويه البنات مكانج بل مطبخ كتله لاوالله اني مشتاقه العمو ماريد اروح اريد اكعد يمه أدم لا كومي يلا عمو كله على كيفك وياها أشبيك
وكلي عمو حبيبتي ضحاوي عمو كومي ويه بنات عمج بعدين وره الغده اجي يمج ونسولف
كتله تمام عمو ردت اكوم واشوفه يباوعلي من فوك لي جوه كتله شبيك وكمت مشيت وكال أبهمس وصاك على أسنونه شنو هاي الكلبيه لابستها تردين تستعرضين انسه ضحى
كتله لا والله وانته منو علمود تدخل أبلبسي كلي ضحى روحي منا ترى صبري اله حدود لا اموتج
كلبت عيوني ومشيت ولاعبرته وهو حته بل غده بلكوه اكل لكمتين وبس
يباوعلي أشلون واشاقه وأضحك ويه الكل بس وياا لا خلصنه غده والولد كعدو بل ديوان وعمتي كلتلي عفية ضحاوي صبي جاي وأخذيه للولد
كلتلها اي عمه صار صبيت الجاي ورحت دكيت الباب وطلع ادم اويلي على قلبي اني شنو أشكلت
كلت الوردي كلش مو حلو عليج
و كتله بل عكس كله أتكلي طالعه اتخبلين ادم ومنو هذا الماعده نضر وكلج هيج
عمو والكل
وكال اي عيني يجاملونج
وكتله يلا يلا أخذ الجاي برد
وكال تعرفين اني كولش احب الجاي اموت على جاي بس شالع قلبي
وكتله اي كولها أتحب الجاي حته مصطفى يحب الجاي من ايدي ماأحسلك اله صرخ ابوجهي
وكلي روحي منا لاأذب الجاي كوله على راسج راح اتموتني ابسوالفها يلا والي
كتله والله ياالله اني صوجي جبتلك جاي
وكال ولج روحي لا أنتقم بيج هسه
واني رجعت واني ميته من الضحك عليه وعلى سوالفه رجعت وأنسولف اني والبنات ونضحك كلتلهن خلي انسوي اندومي كالت يلا بس انتي تسوينه لأن كولش طيب يصير بيدج
وكتلهن اي اي اضحكن عليه ابهاي سوالفجن ضلآ يضحكن وعفتهن ورحت المطبخ واسوي بل الدوامي واغنيه غنيه كولش احبه  مال قيس هشام لو عندك قلب ثاني أصدق راح تنساني ودندن بيه وماحسلك ادم وراي ويضحك وكمزت أشبيك خرعتني هيج الواحد يدخل هههه ضحك
وكال صوتج حلو
كتله كلشي بيه حلو ضيق عيونه وتقرب مني كلي كولشي كولشي
واني ابتعدت عنه وكتله شنو قصدك ادم
وكال لا ماقصدي شي بس هيج سؤال اريد اندومي
هسه دقايق ويكمل
وكال بس اني اريده هسه
وكتله يعني تأكله وهو ممستوي اي اطيب خليته ابصحن وأكل
وكال كلشي من عندج حلو حته لو سم هم حلو سكتت ماجاوبته وكال
ضحى حسي بيه اشويه اني كولش احبج ليش هيج اتعامليني انتي اتحبيني والله حته حجيت عمامي يخطبوج اليه بس اريد اشوفج توافقين عليه لو لا من هسه كوليلي علمود احسم الموضوع ريحي قلبي ضحى وجاوبيني
كتله بعدني مامستعد للزواج بعدني اصغيرة
وكال اموت عليج والعباس ابو فاضل ميت بيج تعرفين اني كولش اتعذبت من مات ابويه وبقيت بس اني معين العائلتي
وكلش اتعذبت ضحى لتعذبيني اكثر بس من حبيتج حسيت الدنيه ضحكتلي بس وافقي لاتشلعين قلبي باوعت بعيونه
وكلي بويه بعيونج موتني عفته وطلعت من المطبخ بس كولش ضايجه ماريد اكسر قلبه
بس الدنيا ضامتلي ضميمه

حساب التيك توك للواتباد : asio621

لتنسون تابعوني وصوتو

وعلقو حتئ تصعد الروايه

للحكايه بقيه

لتحكمون ع الروايه من بدايتها

لتنسون التصويت⭐ والتعليقات🌹

اتركو أثرآ جميلآ