يا غلطة ظلم باكت لذة العشرين

بارت ٣٢

السلام عليكم
*********

# بقلم/ الكاتبه - سانسا
****************

: وشفت ايوته بنت غدير اوووف وكعتي كلبي

ايوته - لعد وين راح ادم منتضرته يشتريلي
وكال أنتضري بره هسه أجي

: ولج وكعتي كلبي ولج

أدم - ها ضحى لا تحجين ويه أيوته

: وأجه شالها وهيه أتبوس بيه

أدم - ليش أتباعيلي هيج شنو اتغارين

:لا ومصدك نفسك والله

ادم - اي خلي اجيبج يمي أله اطلع ضيم كلبي
بيج مال أربع أشهر كلها الكضيتيها يم همام

: روح روح بابا عيب عليك هيج تحجي وشمرلي
بوسه بل هوى وراح وسديت الباب أبكل قوتي
ماريد اشوف وجها لأن مشاكلي كولها من ورى
يحجي وكولش واثق من نفسه والله لو يضل
اخر واحد هم ماأخذه والله وراح ادم ورجعت
اكمل تنضيف البيت وخليت سماعات بس ماعرف
ليش كل اغنيه اسمعها اتذكر همام بيه مجاي
يروح من بالي كل اذيته وأهاناته وضلمه أليه
ماأكدر انسه
وكولشي كملت ترتيب البيت ورحت سبحت
ومشطت شعري المتقطع واكو فراغات ابراسي
وهم صفنت
ضحى كافي ضحى من التفكير بيه كافي خل
يطلع من راسج ماأريد افكر أبشي عقلي كوله
أمخربط وبدلت ونزلت اشوف ماما توها جايه
هيه واخواني من بيت عمو

ماما - لو جايه وياي متونسه ويه البنات يسلمن
عليج

:هله ماما لامرتاحه هيج مااريد أطلع

ماما - شنو اتضلين حابسه نفسج 

: ماريد اطلع واشوف الناس تشمت بيه

ماما -  أبراحتج

: وصار المغرب وصارت الصلاه وصلينه وكلت
الماما روحي يم بابا أكعدي اني اسوي عشه
واخواني بنين وعلي يتعاركون يمي وأجه
محمد جان طالع واشرلي بيده

محمد - وين بابا

: تعال بل صاله كاعد

محمد - اوف اشوه

: ليش تبقه طالع من العصر من طلعت مرجعت

محمد - غير رحت ويه أصدقائي بابا مانعني
حتى من الطلعات اني شاب وحقي اطلع مثل
باقي الشباب

:اي حقك حبيبي

محمد - شنو أمسويتنه عشه تره جوعان

: سويت فنكر وبيض وطماطه اعرف أتحبها

محمد - يروح اخوج انتي يلله اني رايح يم
بابا وأدعيلي ماأحصل رزاله

: هههههه اي روح
ورجعت اكمل بل عشه واسمع بابا يحجي على
محمد لأن جان طالع استلم محمد وكملت وصبيت
العشه وكعدنه واخواني جمعو وكولنه كعدنه احب
من عائلتي تجمع هيج
وكملنه وغسلت المواعين ودنشرب جاي واسمع
الباب يندك