يا غلطة ظلم باكت لذة العشرين

بارت ٨

السلام عليكم
*********

# بقلم/ الكاتبه - سانسا
****************
فاطمة وووو اريد انام بعد وكت بل 7 نعسانه
اريد انام
وكالتلها عمتي ولج فطومه كومي يمه اليوم
عرسج يله لاتتئخرين على الصالون
فاطمة يمه مااريد اعرس بطلت اذا تكعدني
كله من وكت روحو كولو الأحمد مااريدك
كلتلها امها ولج يمة اشبيج كومي يله اتكول ماريد اعرس كومي يله يله بنات كعدنها اني نازله
عندي خطار
ونزلت عمتي وجينه اني وزينب ونكعد فاطمة
وجينه ذبينه عليها ماي كومي ولج
احمد ينتضرج
فاطمة ووووو كمت كمت متخلون الواحد ينام
وكامت راحت سبحت وبدلت ونزلنه جوه
للمطبخ ساعه 8وناس كلها ملتمه وصايره هوسه
كعدنه نتريك
وكالت عمتي يله فاطمة علمود ترحين الصالون
فاطمة ضحى وزينب يرحن وياي يمه
كلتها عمتي ابكيفهن
واني كلت الأمي
وكالت خاف ابوج مايقبل
وهوه صدك ابويه ميقبل كولش ضجت
وفاطمة كالت تعاي ضحى هسه هوه اشمدريه
ترحين وياي
كلتلها لا علمود اذا يعرف يموتني
كالت عمتي اني اكله انطوني التليفون
وكلنه احنه اتجمعنه عليها واني قلبي يدك سريع
كولش خايفه
وجاوب هلا خويه اشلونج كلتله عندي طلب
وماريدك ترده
كلها شنو
كلتله فاطمة تريد ضحى تروح وياها الصالون
وعمتهن وياهن ومصطفى ياخذهن شتكول خويه
كال ولله ماعرف شنو اكولج
كلتله هاي اول مره اطلب منك شي
كله خلي تروح بس عبايته متنزل من راسه وعمتها
تبقه وياهن
عمتي سوتنه اوكي
واحنه اني وفاطمه وزينب كمنه نركص
وكتلهن ولج ماصدك ابويه وافق اروح يلا انروح
انبدل ورحنه بدلنه لبست بنطرون وقميص نيلي بيه اسود كولش حلو وشال اسود
وفاطمه بنطرون وبدي احمر وابيض
وزينب فستان كولش ناعم وحلو
وطلعنه ومتضرين مصطفى يجي ياخذنه الصالون وشويه دقايق واجه أخذنه الصالون اشويه بعيد عنه الصالون تقريبن نص ساعة وصلنه وبلشو
بفاطمة بل مكياج ضلينه نسوالف ونضحك وشويه نركص ماأعرف طار الوكت ابسرعه وكملت
فاطمة اتخبل كولش حلو البدله البيضه طلعت عليها كولش حلوة
واني وزينب خلينه هم اشويه مكياج
اني برزت بس شويه عيوني وشفايفي
ولبست حجاب لأن بدلتي مال محجبات لون وردي كولش حلوة برزت جسمي ودقايق وأجه
احمد ياخذ صور وانشوف فاطمة كلش متوترة
وخجلانه واحمد ماشايلته الفرحه كملو صور واخذ فاطمه للبيت وأحنه وياهاا وشبعنه ركص
ووصلنه البيت فاطمه ونشوف يم الباب
بس زلم ولج زينب اشلون ندخل ونشوف
ادم يم الباب يدخن
وكالت زينب خلي ننزل ابسرعه محد يشوفنه
عمتي اني انزل وانتن وراي خوش ونزلو العروس
وبيت عمتي ماعدهم طرمه حتى اتطب السياره جوه نزلنه بره حتى فاطمه وستقبلنه عماتي وامي بل باب نزلنه من السيارة وره عمتي ونمشي واني امدنكه ومااحسلك اله انطخيت ابشخص اباوع والكه
ادم باوعتله مصدومه يباوعلي ابعصبيه
كأنه يتواعد سحبتني فاطمة ودخلنه وقلبي بعده
يدك سريع دخلت ونزعت عبايتي
والبيت متروس ناس وبدت
الهلاهل وكعدت فاطمه وردت اروح انزع عباتي
وكلتلي ضحى لاتعوفيني عفية
وضحكت عليها كلتلها ولج خلي انزع عباتي وأجي
رحت الغرفه فاطمه ذبيت عبايتي وعدلت حجابي وباوعت على نفسي بل امرايه كلش عاجبني شكلي ونزلت ولكيت مرت همام يم عماتي
وسلمت عليها
وكلتلها تعاي ركصي وياي
كالت والله استحي
كلتلها اني وياج وركصت اني وياها ولمن صاحو
أجت الزفه وصارتلك هوسه أشويه ودخل
احمد وخالو الشيخ العشيره سلم فاطمة الأحمد
وفاطمه ودعت امها وضلت تبجي خطية
وراحت صعدت بالسيارة
واني رحت ويه امي وزينب وسارة بل كوستر
النسوان هم قريبين علينه ربع ساعة تقريبآ
وصلنه البيت احمد والهلاهل علكت
احمد يصير هم من كرايبنه وكعدت
يم فاطمة كولش متوترة وخايفه واتعشينه
ورادو يزفون احمد الغرفه
وصعدنه فاطمه الغرفتها اخذنالها كم صوره بس هيه متوتره
وكالت لااتعوفيني عفية
وكتلها ولج فاطمة اشبيج شنسوي كاعدين
يمج لعد مو جنتي متحلفتله الأحمد احنه خلص دورنه
وسلمنه عليها وطلعنه من الغرفه
ودخل احمد وجت امي
كال يله بنات خلي نمشي
وكالت زينب عمه منو يرجعنه
والله عمه ماادري هسه ندك على مصطفى
يجي ياخذنه وشويه دك جهاز امي
وجاوبت ها اي عمه يله عادي المهم يجي
يله منتضرينه
زينب ها عمه
وكالت ماما مصطفى ماكدر يجي راح يجي
ادم ياخذنه
واني متت ابدمي يبووو اشلون يجي ياخذنه
بس مالي علاقه بيه وشويه ودك جهاز امي
وطلعنه ولكينه منتضرنه بل سيارة
امي صعدت يمه وأحنه وره وهو من صعدنه
بس يباوع عليه عبالك يريد يكتلني
صرت وراه كاعده ويباوع عليه ويسولف ويه امي ويضحك وياها وعينه عليه
امي كلتله
ماما- يوم الك عمه ونفرح بيك
أدم- انشالله عمه عن قريب
ضحى:وغمزلي بلمرايه الأماميه وباوعتله وهو
مبتسم ومنا لمن وصلنه البيت وامي والبنات نزلن
وكاعد اعدل ابعباتي وكلي
أدم- اويل قلبي اني ولج موتيني يلوعت كلبي
بعيونج العسليات شنو هذا الجمال وطالعه
هيج ست ضحى والولد تباوع عليج
ضحى: كتله مالك علاقه بية روح الصاحباتك
احسلك ابو البنات ضحك وكال
أدم-هو منو ماخذ كلبي بس انتي
وعفته ونزلت رحت البيتنه وهو راح
حرك السيارة وراح ورحت اذب ملابسي
واسبح ونمت نومه عميقه من تعب بدون تفكير
وكعدت الساعه بل 10 الصبح ميته تعب من البارحه وخلص عرس
فاطمه رحت مباشرتآ غسلت ونزلت
للمطبخ جوعانه لكيت ماما صباح الخير ماما
صباح النور بنيتي شنو هذا كوله نوم
كلتلها والله نعسانه
كالت ابوج طلع من الصبح الدوام كلت بعد احسن
كلتلها شنو امسويه غده
كالت برياني راح اسوي انتي تحبيه
كلتلها اروحلج فدوة حبيبتي ضحكت ماما مو بس امي ماما صديقتي كولش اكلت بس لفت جبن وجاي ورحت نضفت البيت
وبالي مشغول ويه ادم مااعرف ليش
اهوووو خلي اكمل شغل احسلي وخلصت شغل البيت وصاره الصلاة صليت ورحت اتغده وتغدينه وغسلت المواعين ورحت الغرفتي
وماما كالت تعاي نروح نبارك الفاطمه همينه انشوفها وبدلت وكملت ورحت اني وامي الفاطمه
وتلكتنه فاطمه حضنتني وصايره وجها ينور اتخبل واحمد يمها
كللها على كيفج فاطمة ويه ضحى مو هيج
شسالفة
كلتله شنو احمد اتغار مني
كال لاعمي ماأغار بس اكول شافتج وعافتني
كلتله فاطمه غير صديقتي وبنت عمي همينه
ابهل أثناء واجه ادم سلم على احمد
لان صديقه المقرب وعينه مني
كال احمد تعال ادم حبيبي وحضنه
وكلتله فاطمه شنو هاي
كللها غير صديقي اشلون ماأحضنه تعال
خلي ابوسك
كله ادم والك وخر اشبيك اليوم زوجناك واتخبلت
كله اشبيك هيه بوسه
كله ادم والله اجيك بل نعال
وضحكنه عليهم
وآدم باوعلي وغمزلي واني كلت بين نفسي
أشبي هذا هم مستخف فد مره
رحت أسولف ويه فاطمه وكولش امبينه فرحانه
من ضحكتها و سوالفها
وكالت امي يله ضحى خلي نمشي
كلتلها فاطمة عمه خلي ضحى اشويه يمنه
كلها احمد فاطمة تره اني زوجج مو ضحى
كلتله احمد اشبيك اليوم تغار من ضحى
كلها عمي منغار بس فكينه
وعافنه وراح وهو يضحك وودعت فاطمة ورحت
اني وامي وبل باب ولكينه
ادم واكف بره البيت
وكال الأمي عمه شنو هل ايام ماتجينه مشتاقيلج
كلتله والله عمه جنت مشغوله ابعرس فاطمه
انشالله ابهل يومين أمركم اشوف امك
كللها اي عمه اتشرفينه أبئي وقت
ويباوعلي من فوك لي جوه وعضلي شفته
وخزرته وضل يضحك
وكال تعاي عمه اوصلجن البيت
كالت امي ماكو داعي عمه
كللها لاعمه تعاي
وهو يمشي ويه امي
واني وراهم وهو بقه يضحك ويشاقي امي
وكلتله امي عمه اشلونك بل دوام اتعودت لا
كللها اي عمه اشويه شويه نتعود
كلتله سمعت بيك ابمكان كولش خطر دير بالك عمه
كللها لا عمه ماكو شي كلمن يموت ابيومه
واتمنه انال الشهاده وارتاح
شهكت وكتله اسم الله عليك لعد متخاف على امك
واختك متفكر بيهن
ودار عليه هو وأمي
وامي خزرتني
كتلها لا مو ادم يبقه مثل اخويه وماريده يتئذه
باوعلي وكال اي ست ضحى لا اتخافين عليه
ودار وجها عني وصلنه البيت ودخلت ورحت ذبيت عباتي وسويت عشه اتعشينه غسلت المواعين واليوم منتضره فلم شاروخان اريد اشوفه ماطول بابا
مو اهنا وحضرت الجبس والحب
وكعدت اتفرج على الفلم للساعه بل 4 الفجر
يله خلص ونمت وكعدت الساعه 11 الصبح كولش متئخره بس بعدني نعسانه ورحت الماما
كالت صباح الخير شنو هذا كله نوم لو باقيه
وره الصلاة مو احسن
كلتلها والله البارحه نمت متئخرة
كالت اي من الأفلام ألي اشوفيها
والله لو يدري ابوج يموتج
اهوووووو ماما شنو حته من التلفزيون تحرموني 
كلتلي يلا تعاي ساعديني
وساعدتها وره يومين رحنه البيت خالتي اسماء
وماما كالت تعاي وياي بدلت ورحنه
وفتحت الباب خاله اسماء وسلمت على امي وعليه وتعال اتفضلن ودخلتنه الاستقبال
وكلتلها خاله لعد وينها سارة
كالت ابغرفتها روحي شوفيها خلي تنزل
وصعدت فوك وأنصدمت أدم موجود وباوعتله
وفتح عيونه
وهو كلي اويلي على لعيون
كتله وخر خلي افوت على أساس اتهمك عيوني امشي ابو البنات
كلي اي ست ضحى ههههه اني صرت اخوج مو
كتله اي اخويه جاب أيدي ولواها حيل
كال اي اي اخوج اذا اخوج تعالي اخذلي بوسه على خدج شتهي اذوك مو اني اخوج مو حرام تعاي
وجرني ووخرت منه صدك متستحي
كال وكولش مااستحي بس وياج ولج
اموت عليج صدك رفضتيني بس راح اطلبج
مره ومرتين حته أتملين وتوافقين عليه
كتله انشوف منو يوافق عليك وعفته ورحت
وكال اذا صرتي الي إلى اجرم بيج حاسبهن
الج وحده وحده
وخنزرت عليه
وكلي كلشي حلو منج حته من اتعصبين
وعفته ورحت الغرفه سارة ودكيت الباب
وسادتها دكيت الباب ماكو احد دكيت مره ثانيه
أجت فتحت الباب سارة
كالت ها هلا ضحى أشلونج
بس من شفتها مو على بعضه ومتوتره وضامه شي وكلتله زينه انتي اشلونج
كالت الحمد لله ليمته اجيتي
كلتلها قبل اشويه أجيت اني وامي
كالت ها
كلتله امج كالت صيحي السارة وشفتها صافنه
وكلتله سارة أشبيج بيج شي احجي
شو اتوترت
وكالت لا لا مابيه شي
كلتلها سولفيلي أحنه مو صديقات
كالت ها لا ماكو شي خلي ننزل
واني ابد ماارتاحيت الكلام سارة أمبين
من كلامها ضامه شي علينه ونزلنه وضيفته سارة وكعدت بس كله سرحانه متحجي مو مثل قبل
وتصفن
وأكلها سارة احجي وياج
كالت ها اسمعج
وكالت خالتي اسماء قبل كم يوم أجتنه
جارتنه ام علي وطلبت سارة العلي والله
اني كلش فرحت لان اعرف جيرانه خوش
ناس وكلت هم علي صديق ادم كولش
كلتلها انرجعلكم الجواب بعدين
واني اشوف ساره ضايجه
كالت سارة ماما اني بعدني ماأفكر بل زواج
كلتلها هسه شوفيه وبعدين أحكمي
وكالت ساره لا كلت اني ماأموافقه رجعيلهم
الجواب خوش
وعافتنه وصعدت فوك
وكالت خالتي اسماء أشبيها هاي لبنيه
راح أتموتني بس ضاله ابغرفتها حته متسمع
الحجي بله شسويلها بالله
كلتلها امي لا أجبرينها خطيه خليها على راحتها
ورجعنه البيت وافكر أبساره أشبيها هيج
صايرة وبدت سارة تتغير وسوالف ويانه ماكو
ومتطلع من البيت ومن نسئلها
اتكول تعبانه او ماله خلك اطلع من البيت

حساب التيك توك للواتباد asio621

لتنسون تابعوني وصوتو

وعلقو حتئ تصعد الروايه

للحكايه بقيه

لتحكمون ع الروايه من بدايتها

لتنسون التصويت⭐ والتعليقات🌹

اتركو أثرآ جميلآ