يا غلطة ظلم باكت لذة العشرين

بارت ٩

السلام عليكم
*********

# بقلم/ الكاتبه - سانسا
****************
طبعآ هذي المره البارت
يختلف عن البارتات
جريمة قتل
جريمة شرف
القتل من أجل الحفاظ على الشرف
أو القتل من أجل محو العار
وطبعآ اكو هيج احداث دصير ويه بعض البشر
طبعآ البشر لازم يخطأ ويتعلم من اخطائه
واكو لا يستمرون ابخطئهم وهمه يعرفون
هذا الشي غلط يسيئ لسمعت الأهل وسمعت
لبنيه كلش عزيزه هذا شرف وعرضها بس لازم
اكو كومت حلول مو اله غسل العار بس هذا طبع
العشاير المشدده ابحكمها واهدافها وسمعتها
صح العرض مو هين
بس الحب موعيب ولا حرام بس الحب
هم اله حدود تعبير وتفاهم وموده وطبعآ
كل هذا علمود الديانات والتقاليد بين السنه والشيعه كومه ضحاياا راحت ابسبب التقاليد وكومه اتحطمت حياتهم وعاشوا معانات والحرمان ابسبب التقاليد

***************
ضحى: وبعد فتره وره زواج فاطمة أحس ساره
مو على بعضها وكولش متغيره وحتى
اذا كعدنه سوه مسولف ولا اتشارك ويانه
بس صافنه ومن اسئلها تكلي
- ماكو شي تعبانه ومالي خلك
ضحى: بس أمبين عليها من عيونها اكو شي
لان الصغير امبين عليها كلش واضح
ودائمآ اسئلها بيج شي احجي اني حسبت اختج وصديقات لتضمين عليه بس ماجنت اتخيل ساره هيج اسوي بينه ابيوم جنت كاعده اباوع التلفزيون
وابويه بل دوام وامي بل مطبخ ودك تليفون
امي واسمع امي تحجي وتبجي رحت عليها
كتلها اشبيج ماما صاير شي عافتني ودخلت الغرفه
واني قلقت عليها اشبيها ماما منو اتصل
عليها شنو صاير ومجاوبني وتخابر مدري منو وتبجي
كولش خفت شنو صاير وطلعت امي من الغرفتها
لابسه عبايتها
كتله اشبيج ماما اشصاير وين رايحه
- كلتلي مصاير شي بس ابن خالج امسوي حادث
ورايحه اشوفه
ضحى:  تقصد ابن خالي الثاني اسمه علي كتلها انشالله مابية شي بس حسيتها السالفه جذب اذا مابي شي
علي ليش هل بجي ماما جذبت عليه
- كلتلي عينج على اخوانج
ضحى:  وراحت وبقيت يم اخواني الساعه 10 بليل وماما ماكو اشويه ودك الباب وطلعت واشوف مصطفى ابن عمي وزينب ويااا كتلهم اتفضلو
- مصطفى أجينه نبقه يمج لان بحدج
ضحى: بس اني ما ارتاحيت المنضرهم صاير شي
ودخلو جوه وراح مصطفى ويه محمد اخوي للديوان
وأجت يمي زينب وحضنتني وتبجي وكالت
- راح يكتلوها ضحى راح يكتلوها
ضحى: كلتلها منو يكتلوها أشبيج انتي اشصاير شكو خوفتيني  كالت
- ولج ساره
ضحى: كتلها أشبيها ساره
-كالت شردة ساره هيه والد اليوم الفجر وكلها ادور عليها ومالكوه
ضحى: شهكت وكتلها لا لا ساره مسوي هيج متوصل لهيج مواصيل وبقيت تصرخ وتبجي وابجي وياها ليش سوت هيج ابنفسها وتحاضنه اني وزينب
و كالت
- بس يلكونها يكتلوها ميرحموها
ضحى: كتلها اشلون ساره اتعرفت على الولد ليمته
عرفته
- كالت ماأدري تعرفينها ساره بأخر فتره مكامت نلتقي وياها وأبد مسولف ويانه وحتى صداقتنه مو شي وياها ومتحجي أبد
ضحى: واليل كوله واني وزينب انفكر بساره وماحسينه على الوقت صار الصبح وأجت ماما بل كوة تحجي وصوته مبحوح من البجي وماحجت شي ساكته وزينب راحت البيتهم وامي حته متغدت بس بغرفتها وبقينه هيج منا لمن صارت خمس ايام بيوم الخامس من أختفائها
بليل وصايره هوسه بيوم الخامس بليل خابرو امي
كلوله لكينه ساره وهسه هيه أبيت خالي الجبير وامي كامت أتعيط وتملخ بروحها ولبست عبايتها وراحت وردت اروح اشوفها بس امي ماخلتني بس زينب
راحت وشافتها هيه وكالت
زينب- اول ما دخلت الخوالج
لكينه كلها تبجي وآدم يم الباب يبجي ويدخن
والناس كلها أتلوم بيه ويكلوله لوبيك خير جان حميت اختك مكان ماجابتلنه العار
وهوه أدم صاير وجها شاحب ومنزل راسه ويبجي
وماصدك ساره هيج أسوي بيه
ضحى: وكالت زينب شفت بل غرفه نسوان ملتمات ويبجن ودخلت وشفت سارة كاعده أبنص النسوان وأسولف وتبتسم واسوي حركات غريبه
وخالتي اسماء حضنتها وتبجي وكلتلها
- ليش يمه هيج سويتي ابنفسج وبينه ليش ماكلتي النفسج من اتروحين شيصير بيه ماكلتي اخوج وين ينطي وجها من العالم كليلي شسوي هسه اشبيدي عليج يمه اشلون انطيهم روحي ابنيتي يمه بس حاجيني
ضحى: ومن شافت زينب واكفه بل باب الغرفه
وابتسمت وكالتلها
ساره-  تعالي
ضحى: وراحتلها زينب وحضنت زينب كلتلها ساره
-وين ضحى اريد اشوفها صيحيلها
ضحى: وكلتله
زينب- اي اي هسه
ضحى- وراحت ساره على امي كلتله
ساره -  اريد ضحى عمه اريد اشوفها عفيه قبل لااموت ضحى:وامي تبجي كالت
- اي هسه عمه
ضحى: ودزت عليه امي وأجيت وشفتها ورحت عليها وحضنتني واني ابجي وهيه تبجي كالت
ساره- لا تبجين
ضحى : كتلها ليش هيج سويتي بينه هيج سويتي ابنفسج كالت
ساره-  ولج احبه ضحى طلبني مرتين من خوالج
وماقبلو صارله سنتي ينتضرني ضحى
ضحى: وكتلها أشلون أتعرفتي عليه كالت
ساره - مره رحت للسوق وشفته وصار بينه اعجاب ومخابره وبقينه سنتين وأجه طلبني من خوالج
وماقبلو لان سني واني شيعيه وأتفقنه اني ويااا
نشرد سوه بس ماجنت اتخيل يلزمونه ويضربو