يا غلطة ظلم باكت لذة العشرين

بارت ٥

السلام عليكم
*********

# بقلم/ الكاتبه - سانسا
****************
خل اكوللكم على فد مشهد
شي اكيد الكل مر ابهيج مشهد
وعاش الظلم والحزن والغدر
خل نرجع كم سنه
بسنه ٢٠١٤ من بدت حرب الدواعش
اول واحد عمي اتطوع بل حشد عمي الجبير
ابيوم الثاني من محرم جوارينه عدهم مجلس عزاء الإمام الحسين عليه السلام
وبدت الملايه تقره وسمعنه أصريخ مال نسوان
أنخمش كلبي طلعنه بره ماأسمع بس
لصريخ يم بيت عمي ابو زينب
يا الله اني مااكدر ادخل واكفه بل باب
وأخاف ادخل واسمع خبر مو حلوه
ودخلت ولحضة واسمع فاطمه تصرخ وتكول
لالا ابويه ميعوفني لتجذبون هوه وعدني
بعد يومين ويرجع
وتملخ أبروحها واشوف عماتي وامي يبجن
ويصرخن وماكدرت اكوللهن أشبيجن
لمن عمتي الجبير عايشه بعيده عنه دخلت
وكالت لا اخوي ميموت وضلت تصرخ ولتمن عليها النسوان تهدي بيها
واني لمن استوعبت بجيت وبجيت
والله كلبي ماأمصدك أشلون
شنو بعد منشوفه هو كولش حنين علينه
ودموعي تنزل
ولازمه فاطمه حتى ابكتها جنه اصغار ما اعرف
اشلون اصبرها الله يعينها وأنهارت حته صوتها
راح من البواجي ضلت بس تناشغ بيومها
كولش حزنه حته الاكل ماأكلنه انسدت نفسنه
من الموقف الصار
واشوف ابويه اول مرة أبحياتي منزل راسه
ويبجي بحرقه ويصيح ياخويه كسرت ضهري
وبدت الفاتحه مالكيناله أثر جثته ماكو
بس كالو مات صارت ايامنه كولش كئيبه
والحزن بقه ويانه خلصت الفاتحه ثلاث أيام
ويوم السابع وماكو جثته واني
بقيت يم فاطمة ماأكدر اعوفها وحدها
فاطمه صارت متحجي بس تبجي أبهدوء
والحد هسه ممصدكين لأن
ماكو جثته ومثل باجر الأربعين مالت عمي
بليل انحضر لأن باجر سوينه عزيمه
كولش جبير الساعه تقريبن 12بليل
وصار أصريخ بغرفت عمي أتئكدو انه
مات لأن دزو صورته الأبنه الجبير هو مقتول
ولكو نص من جسمه لأن هاي المده كلها باقي هو واصدقائه بمنطقه متروكه محد بيها وعلى صوت الصريخ وبيوم الأربعين جابو نص جثته
وكئنما هسه صدكنه انو مات وبعد ميرجع هاي السنه كولش اتئذيت بيها على افراك عمي وحالت فاطمه
كلش اتئزمت لأن متعلقه اب أبوها وعشنه
حياتنه ماألها طعم ولافرح على افراك عمو
وفاطمه انريد انطلعها من الصدمه واشويه
اشويه بدت تتغير وتعيش حياة طبيعيه
وحتى بل مدرسه اتريد تترك بس ماخليناها
ومشت حياتها واتئقلمت عل وضع بس
بقت حسره لبكلبها متروح على شوفت أبوها
صح اتغيرت بس دائمآ اتكوللنه مشتاقه البابا

الكاتبه-سانسا
*********
شتحبون اتكولون الفاطمه
وشي أكيد كم وحده عاشت
معانات فاطمه من فقدت
أبوها لأن فقدان الأب صعب
والأم بعد أصعب
الله يرحم كل عزيز وغالي

ونرجع انكمل
*********
يوم بعد يوم يجيني أحساس غريب على أدم
وخايفه منه أهواي
وسمعت ابويه يكول الامي أدم راجع مره ثانيه
متقدملي للزواج
وابويه اموافق من بعد تفكير
وامي أتكله أدم خوش ولد ومئدب مابيه شي
اذا نطيته ضحى
كال ابويه واني مامرتاحله ميعجبني تصرفاته
هل فتره
كلتله ماما فكر وشوف أبراحتك
امي بين الفرحت والحزنت ماأدري ليش
وأجاني محمد اخوي وكلي ضحى
اشراح أسوينه عشه
كتله أبكيفك شنو أتريد
كال بيض وطماطه من ايدج كولش احبها
كتله تئمر من عيوني ورحت اسوي بل عشه
بس بالي سارح بعيد وافكر كملت العشه
كعدنه اني واخواني وابويه طالع ويه جماعته
واخواني يضحكون ويسولفون
وتابعنه فلم اني واخواني دنباوع وماحسلك
اله زينب وفاطمه فوك راسي هلا ولجن اشجابجن
بنات أشلونجن اشلون طبيتن
زينب الحمد الله يل كاطعه مسئلين علينه كولي صديقاتي وين ماوين يمكن متنه وانتي متدرين
لامابيجن شي كل وحده السانها ابطولها مينخاف
عليجن تربيتي انتن
فاطمة انجبي ولج شنو تربيتج حسستيني
انتي امي وتحجين وياي
اي مو اني اكبر منجن مثلآ زينب أبشهرين
اكبر منها
يله امصدقه روحج هنه شهرين
وكالت فاطمه
يله يله كافي أشكد أسولفن مامليتن
وكالت زينب لا ماانمل اي ضحاوي شخبارج حبي
شكو ماكو
وووو زينب ماكو شي كاعده بلبيت وساكته
يعني ماكو تطورات
لا ماكو
وكالت زينب علينه ضحاوي
كافي لاتلحين
يله استعجلي وافقي عل خطوبه انريد
نركص صارلنه أهواي ماراكصين
لا والله عرسي انتي وركصي العرسج الحد متملين
اي طبعآ ليش مااركص بس خلي أحمد يكمل جامعته وغصبآ عليه يجي يخطبني
والله ضحكتيني صارت عكس انت تخطبيه
فاطمة والله شلع كلبي بدراسته ولجن راح اموت منه هو صاك والبنات أشلون الذبان عليه بس ينشر صورة على فيسبوك بس بنات يعلقله ومن أراسله ليش بس بنات
يكلي مو هو بكيفي اكلهم لاتعلقلي
وتعاركت وياا كتله بعد لاتنشر صورك ماقبل
كتله ها هيج يعني تمام اني هم راح انشر صورتي واشوف منو الي يعلقلي ماحسن اله كضني من ايدي وعوجه راد يكسره
كلي اي كملي كملي والله العضيم لو بس اسمع بيج يافاطمه اموتج ابمكانج وتعرفيني اسويها
فاطمة واخر عني وجعتني أيدي وخره الأيدي
وخر ودفعني حيل
كتله لعد بس انته تنشر صورك تخليني اموت من الغيرة احمد ولج اني ولد عادي انشر صورتي انتي ابنيه
أشلون والله يافاطمه لو اسمع بيج ديري بالج
هو مو صوجك صوجي اني احجي وياك
احمد أنوب هيج صارت يلا تمام ترى اني الازم
ازعل مو انتي
فاطمه لابلله
فاطمة روحي البيتكم الاجيج
وضجت من عنده صالنه يومين ماأحجي وياا
حته هوه ماكلف نفسه ويسئل عني
اني وزينب ههههه والله متنه من الضحك والله حقه الولد موتيه بشكج وغيرتج هاي بعدج ممزوجته وهيج من تتزوجينه شسوين الله يساعدك يا ابن عمي حمودي فاطمة هذا منو حمودي اموتج والله ضحى بس تكليله حمودي
زينب اوي عيني متتحمل
فاطمة يلا كافي عوفني انتن صديقات انتن عود احجي الصديقاتي اكول يفهمني طلعتن عدواتي بعد والله ماأحجيلجن وماأعزمجن أبعرسي متنه ضحك على سوالفها
لعد منو يرقص وياج ومنو اليغنيلج عروسته جوكليته بسرعه ضحكت زينب والله فطيره شويه وما نحس اله دق جهازها وطلع احمد يدك عليها طارت من الفرح
كلنالها جاوبيه
كالت لا أشويه خلي اشلع كلبه صاله يومين معيشني بكئابه وحزن
ووووو كافي فاطمة جاوبيه جاوبته
الو
أحمد أشلونج حبيبتي
فاطمة توك عرفت عندك حبيبه
احمد لاوالله كم مره اجيت البيت عمي وانتي مطلعيلي يل زعلانه كلت شويه خلي اتوبج على مود متعوديها فاطمة وهسه شتريد
اني وزينب كاعدين يم فاطمة نسمع سوالفهم ونضحك على طنكورتها
احمد فاطمه اريدج انتي حبيبتي مشتاقلج يومين عبالك سنتين
واني هم مشتاقتلك ياروحي
زينب مو أكلج فطيرة بحجايه نست كولشي عفناها ورحنه للمطبخ انسوي اندومي على فكره احمد خاطب فاطمه بس بعدهم امئجلين العرس
علمود احمد
واخذنه الحديث على عرس كرايبنه
يصير ابن خالي الجبير ونخطط شنو
نلبس وشنو لحد مااجه هذا اليوم
معزومين ابعرس ابن خالي الجبير ومسوي عرس
كولش جبير وصارلي اسبوع اني والبنات انحضر
العرس
العروس هم من كرايبنه يعني بيت بصف
بيت بل حنه لبست بدله سوده اني احب الون الأسود ولوردي بس رحت البيت خوالي بدلت وحطيت مكياج خفيف بس برزت شفايفي وعيوني
اول مره ابحياتي البس بدله قصيرة من شفت روحي
بل أمرايه كولش اتفاجئت من نفسي والله لو امي أشوفني اتموتني
أشلون بيها هاي ساره ورطتني
ساره أشبيج ضحى هيه بس أشويه قصيرة
متكليلي قابل اشلابسه راح اتموتيني
لالا ماانزل هيج استحي
زينب تنزلين لو اشلون
فاطمة يلا ضحى كلنه لابسين هيج مو بس انتي

حساب التيك توك للواتباد : asio621

لتنسون تابعوني وصوتو

وعلقو حتئ تصعد الروايه

للحكايه بقيه

لتحكمون ع الروايه من بدايتها

لتنسون التصويت⭐ والتعليقات🌹

اتركو أثرآ جميلآ