يا غلطة ظلم باكت لذة العشرين

بارت ٣٤

السلام عليكم
*********

# بقلم/ الكاتبه - سانسا
****************

: كعدت بس مانزلت جوه ضليت اتكلب ماكدرت
انام شبعانه نوم وضوجه همام ماموجود خلي
اروح اكعد يم اسماء ونزلت جوه واشوف بيبي
وغصون كاعدات بل صاله يحجن على موضوع
علاء

بيبي - بس اريد اعرف أمنين عرفها

غصون - تلكينها ويااا بل دوام

بيبي - ماراضيه عليه لأن ماأخذ شورنه

: ودخلت عليهن

بيبي - أشعجب اليوم منايمه مو من عوايدج

: اي شبعانه نوم ردت اروح الغرفت اسماء
وصاحتلي

بيبي - ضحى تعاي وين رايحه

: رايحه يم اسماء

بيبي - لا روحي للمطبخ نظفيه صاير هوسه

: قبل ساعتين اني نظفته أشوكت أتوصخ

بيبي - شنو بعد ميتوصخ يلله روحي نظفيه
احسن من السوالف

: كلت أبكلبي لعد انتن شسون بس كاضيتها
سوالف رحت للمطبخ واشوفه هوسه وجهال
غصون اكيد أني صوجي نزلت لو باقيه أبغرفتي
احسلي ونظفته المطبخ وكملت خلي اروح الغرفتي احسلي حته ماروح يم اسماء ورحت الصاله وهنه
على كعدتهن وردت اصعد الدرج وصاحت عليه

بيبي - ضحى وين رايحه

: للعشار يعني وين رايحه للغرفه
ياربي صبرني

بيبي - وكت صعده هسه سوي عشه وياج

: شنو وليش وغصون مسوي عشه بس كاعده
ودك سوالف

غصون - شعليج بيه

بيبي - عوفي غصون انتي أسوين عشه يلله

: وضلت تنتر عليه نتر واني لا ماأتحمل بعد
والله اني مامجبوره اغسل وانظف وجهال غصون يوصخون منو كلها تجيب عشيره

غصون - شوفي بيبي حاطه عينها على الجهال

بيبي - ولج شنو هل لسان اني يجي همام وحاجيه

: اي حاجيه عود لتنسين وعفتهن وردت اصعد فوك واشوف غصون ضلت تتمسكن البيبي من أمداج اي
والله وصعدت الغرفتي رتبتها وبخرتها وأشويه صارت صلاه المغرب وأتوضيت وصليت وقريت قرآن وشويه ودخل عليه همام واني بمحرم الصلاه

همام - أشلون الحلوه

:زينه

همام -مشتاقيتيلي

: ها

همام - لاتجذبين تره كاعده على سجادت الصلاة

: اي والله استفقدتك

همام - اروح فدوه للي يشتاقلي

: وأجه كعد يمي وهو بعده أبقاطه ممبدل علاء
أشلونه