يا غلطة ظلم باكت لذة العشرين

بارت ٣٦ قبل الأخير

السلام عليكم
*********

# بقلم/ الكاتبه - سانسا
****************

: أبيومها محد كدر ينام لا اني ولا همام
من طريقت كلام بيبي ودعائها وتعبت من
التفكير واتلمس ابطني خايفه يصير شي
على أبني أريد احس عليه يتحرك شي
اريد بس اتطمن عليه لأن خفت من دعائها
لأن دعت أبحركت كلب وشهكت وبين النايمه
والكاعده حسيت همام يتكلب وما مرتاح ابد
وماكدرت ما أسئله شنو الصار اليوم ليش
ميخليني انزل جوه أشبيه شنو ألي أمضوجه
وأنداريت عليه ولزمت ايده
همام أشبيك يا عيني اشصاير وياك ليش متنام
واندار عليه بس شفت عيونه لونهن أحمر عبالك
بل كوه متحمل ولزمت خده وطاحت دمعه
من عينه بدون مينتبه ومسحتها بيديه عفيه
همام احجي لتضل ساكت أحجي شي لتخوفني
عليك لتزيد همي وخوفي صاير شي

همام - مقهور كلش من امي ومن الكلام الكالته
احس سهم ونبت ابصدري ما اتوقعت هيج شي
يطلع من أقرب الناس عليه من أمي أشلون كلبها
أنطاها هيج تدعي على أبني ألي حد هسه ماشفته
وتدعي عليه

:اعرف بيك مقهور على أبنه وخايف عليه اتوكل
على رب العالمين بس ماأعرف ليش هيج بيبي
دعت عل طفل وهيه الي جانت تنتضره يجي
ليش هيج حتى لو خافت علينه بس ما ألها حق
هيج تدعي

همام - ماأكدر من البارحه لليوم واني النوم
مشايفه تعرفين يعني شنو تنتضرين طفل
صارلج 5 سنوات وكل هل الانتضار وغير راح
يصير طفل عندي ويصيحلي بابا وامي خربت
فرحتي أبهذا الدعاء مافكره بينه

: عيني لتخاف أنشالله ماكو شي وباس بطني

همام - أنشالله

: أحاول أخفف عنه التفكير والهم بس اني منو
راح يكدر يقنع احساسي انو راح يصير شي موزين
وردت اغير عليه الجو
أكول عيني ابو حسن صاير ابد متحبني وهاملني
شنو مليت مني وأشوف همام أبتسم وأتقرب مني

همام - اني امل من روحي وما أمل منج

: وأتقرب عليه حضني وهو بعده بس صافن
ما أعرف شنو بيه وكعدت ويه صلاه المغرب
وأشوف همام نايم وخرت منه ورحت بدلت
بس ماحبيت أكعده لأن منايم وكلت خلي
انزل جوه وعفته ونزلت واسمع غصون
تحجي ويه بيبي

غصون - بيبي شوفي من هسه يسمع حجيها
وحته مانزلو يتغدون ويانه من هسه سيطرت
عليه حسبيها بعد كم يوم وأتخلي همام يعزل
أنوب حملت شوفي همام أنوب عليها يتخبل

بيبي - خلي أتولي وشنو واذا حامل بس هيه
حبلت شنو هاي النسوان كولها تحبل وتشتغل
والله تنزل وتشتغل حالها حالجن أتريد نخدمها
حضرتها لأن حبلت وآلله لشوفها أنجوم الضهر

: وهسه أني عرفت بيبي ليش أتغيرت طلعت
غصون هيه ألي توز أبراس بيبي علمود تكرهني
بس حته لو ضايجه كولش مني ميصير هيج
تصرف بيبي سويت نفسي ماسمعت شي ودخلت
للمطبخ بس شافني سكتن ورحت فتحت الثلاجه وأخذتلي تفاحه