يا غلطة ظلم باكت لذة العشرين

بارت ٢٨

السلام عليكم
*********

# بقلم/ الكاتبه - سانسا
****************

:كعدت وانداريت عليه ترى هاي موعيشه
همام كافي مذله ماجبرتك اترجعني لو انته
ماعندك كلمه ورئي لو ابوك هوه اليمشيك
ورجعتني
بعدني مكملت كلامي وجرني من مقدمه
الدشداشه ولواها وسحبني عليه وعصب
كلش وعيونه اتخوف ودمارات أيده برزت

همام -ولجج والله هسه اموتج اذا اتجاوزتي
وعليتي صوتج لو شفتيني منطيج مجال

: وشمرني ورجعني ليوره استهضمت تعامله
ليش هيج تتعامل ويايا بس اريد اعرف هل
كد اني رخيصه عندك وتذل بيه اني مامجبوره
ابقه يمك وعلى فكره تره هم اني مطايقتك
وعلى طاري اهلي
ماذبوني عليك بس انطوك فرصه اتعدل
تعاملك وياي
بس ميفيد وياك على فكره
كلشي ينتهي بيناتنه من هسه انته مارايدني
من البدايه ليش هيج سويت ورطت نفسك
وورطتني بيك

همام - ضحىىى خليني محترمج لتخليني
اجاوز عليج اعرفي كلامج يلله تحجين
انطمري ورايه دوام

: بعد مالي علاقه بيك ولاانته
ألك علاقه بيه كلمن يروح ابحال سبيله
لحد مااترجعني الأهلي
ونمت بفراشي انطيته ظهري ولفيت الديباج
عليه ونمت ابحافت الجربايه بي دموعي
ينزلن ابجي ابحستي من كلامه وتجاوزه
مااعرف شنو اصرف كاتمتها ماريده يعرف
دبجي ماريد أبين ضعفي كدامه وانوب ظهري
احسه مكسور اجر النفس بل كوه كلش دتعب
وأذني الزوالي لحد ما كعدت الصبح وحسيت
على كرصات خفيفه على خدي فتحت عيوني
واشوفه

همام - صباح الخير

: يعني يحجي ويجاوز ويذل ويهين ولصبح
ولا عبالك صاير شي البارحه
أممم صباح النور

همام - اليوم اريدج أسويلي ريوك اريد اروح
للدوام

:ماحبيت أرده وبدون أهتمام أممم وكمت
وغسلت وبدلت وطلعت من الحمام
وحجيت بدون ما ألتفتله ودلف ابشالي
وقررت من هذا اليوم ما احجي وياا بس
لضروره همام شتريد ريوك

همام : شنو

: شتريد ريوك

همام - شنو يعني بس همام ماكو عمو

: اي ماكو عمو لأن الشخص اذا احترم
المقابيله ينداس عليه ويظلم نفسه

همام - وللجججج احجي عدل

: اي اني مغلطانه ماريد اتندم على
الذكريات الطفوله لأن جنت مخدوعه
بيك وكلمن يعرف حقيقة نفسه لأن
هاي الحقيقه وعفته حاير ويه نفسه
ونزلت واشوف بيبي وجدو يتريكون
وصبحت عليهم صباح الخير

جدو - صباح النور ضحاوي

: احس بيبي بل كوه جاوبت ليش اني شنو
سويتلها وهيج أبيوم وليله أتغيرت عليه وجه
همام صبح عليهم وحطيتله الريوك