يا غلطة ظلم باكت لذة العشرين

بارت ١٠

السلام عليكم
*********

# بقلم/ الكاتبه - سانسا
****************

ضحى : من بعد موتت ساره مرة اشهر وابد
مانسيناها الساره ولحد الان أتذكر اشلون جانت
صداقتنه وسوالفنه واشلون جانت اداهر أمها واتغار
حتى من أخوها ادم بس جانت كلش حبابه بس بل
فتره الأخيره اتغيرت كلش علينه حتى ويه أمها
وطبعآ ماما أبد ماتركت خاله ام أدم وحتى فاتحه
ماسوولها اشكد خاله اتوسلت بيهم اتكوللهم

- بس دلوني على قبرها

ضحى: ماقبلو يكولولها

- ماتستاهل تتعنيلها وطت روسنه

ضحى: واشكد اتوسل بيهم أدم وهم مارضو ينطون مكانها يكلوله خوالي

-أنته بلذات لتحجي لو منتبه العرضك جان
مصار هيج شي ولا انفضحنه

أدم- واني اشبيدي اني انطيتها كل الثقه ودللتها
وماخليتها تفقد دلال ابويه ماخليت شي ابنفسها اشمذريني هيج اتسوي وينضحك عليها
وانتو تذرون بيه بل فتره الأخيره بل دوام
ما اكدر اترك دوامي واني مامتواجد بل بيت
اذا انزل من دوامي يادوب ٣ أيام
كافي اتلوموني

ضحى: حالت أدم كلش انكسر ابتصرف اخته عاش الخذلان من اخته
وعاش الحرمان من اخته
لان جانت روحه مو بس اخته
وخاله ابد ماسكتت بس اتنعي وتبجي وتذكرها
ابكل مكان البيت وكل مشوفني تحضني ونبجي سوه
وتبوس بيه وتكولي

-اشوف ساره بيج

ضحى: واخذناها فتره انروح ونجي بس بابا
ماقابل على روحتي ويه ماما ابيت خاله ام أدم
بس ماما اتقنعه وتكوله

- خطيه ام أدم تطلبها أخذها ويايا

ضحى: وبابا يقبل اروح ابكل روحتي اذا اصادف أدم
الكاه ابغرفه ساره ويطلع عيونه حمر وكلام الناس ابد مارحمهم من كلام الكرابه وكلام الغربه
وره هاي الأيام اهواي شغلات اتغيرت
ادم وخاله اسماء من بعد سالفت ساره أبشهر
أنتقلو عاشو بل بصره ابغير مكان
لان الناس لحد هسه أتلوم بيهم ومانسو
الموضوع خالي الجبير اول شي ماقبل ينتقلون
ابغير مكان بس بعدين وافقو
وادم لكه بيت وبلشو يلمون غراضهم اني وماما ساعدناهم ابد ماتركناهم
ومن رادو يحملون غراضهم رحنه نودعهم ودعت
خالتي وحضنتني وتبجي كالت اشوف
بيج ساره لان احنه مو بس بنات الخال والعمه
احنه مثل الخوات وصديقات بس ابفتره الأخيره
اتغيرنه
وحزنه على كسرت خالتي خطية على بنتها
وكرهت حته خوالي لان سوو هيج ابنتها
وآدم ابد ماشفته بس ألمحه من يطلع من غرفه
ساره او من يجي من الدوام أبد منتواجب ابمكان
من ودعناهم أدم ويشيل بل غراض شفته كولش
متغير وضعفان وعيونه حمر رفع راسه شافني ودنك راسه رحت اشيل الجنطة خالتي احطها بل سياره لان حالتها كلش تعبانه وتبجي وكلي