𝗣𝗘𝗥𝗙𝗘𝗖𝗧 𝗠𝗔𝗥𝗥𝗜𝗔𝗚𝗘 || 𝖧𝖤𝖤𝖲𝖤𝖴𝖭𝖦 𝗫 𝖩𝖴𝖭𝖦𝖶𝖮𝖭 √

10

" ဂျယ်ယွန်းနား .. အဲ့ဒါက ဘယ်ကိုသွားမလို့လဲ "

နှစ်ဖက်မိဘ​တွေ့ဆုံပွဲက​နေ အိမ်ကိုပြန်​ရောက်​ရောက်ချင်း ဟွမ်မီ​ယောင်းသည် သူမ၏သားဖြစ်သူက အပြင်ကိုထွက်သွားမယ့်ပုံကို မြင်လိုက်တာ​ကြောင့် အလန့်တကြား​မေးလိုက်​တော့တယ်။

ဂျယ်ယွန်းကလည်း အ​မေဖြစ်သူရဲ့အ​မေးကို ​​ဖြေမ​နေချင်ပါ။ သူ့ကို​တောင်အသိမ​ပေးဘဲ ​ဂျောင်ဝန်းနဲ့ဟီဆွန်းတို့ရဲ့ နှစ်ဖက်မိဘ​တွေ့ဆုံပွဲကို တက်​ရောက်​ခဲ့တဲ့အ​မေ့ကိုလည်း မုန်းချင်မိတယ်။ အဲ့လိုအတိုင်းသာဆိုရင် အ​မေကလည်း အဲ့ဒီလက်ထပ်ပွဲကိုသ​ဘောတူ​ပေးချင်​နေတာလား ..

" နှစ်ဖက်မိဘ​တွေ့ဆုံပွဲက​ရော ဘယ်လိုဖြစ်သွားလဲ "

မျက်လုံး​သေ​တွေနဲ့​မေး​နေတဲ့ဂျယ်ယွန်းကို ဟွမ်မီ​ယောင်းက အ​ဖြေပြန်​ပေးဖို့​တောင်မရဲ​တော့ပါ။

" အဲ့ဒါက .. "

" မဖျက်​ပေးနိုင်ခဲ့ဘူးကိုး "

" ဂျယ်ယွန်း. . "

​တွေ့ဆုံပွဲကိုသွားတာ​တောင် လက်ထပ်ပွဲကိုမဖျက်​ပေးနိုင်ခဲ့တဲ့ အ​မေ့ကို ဂျယ်ယွန်းစိတ်နာမိသည်။

" ဒီအတိုင်း နှုတ်ဆက်တာ​လောက်ပဲလုပ်ခဲ့ကြတာပါ ဂျယ်ယွန်း .. ဘာမှလုပ်ဖို့မရှိ​သေး- "

စကား​တောင်ဆုံး​အောင် မ​ပြောလိုက်ရ​သေးဘူး။ ဂျယ်ယွန်းက အ​မေဖြစ်သူကို​ကျောခိုင်းကာအိမ်အပြင်သို့ထွက်သွားပြီဖြစ်သည်။ သားဖြစ်သူကို လှမ်း​ခေါ်​နေခဲ့တဲ့ ဟွမ်မီ​ယောင်းမှာ​တော့ ထို​နေရာမှာတင်ကျန်​နေခဲ့ရသည်။

တစ်ခွက်ပြီးတစ်ခွက်​မော့​သောက်​နေမိတဲ့အခါ ​ဝေဝါးလာရာက​နေ အသိစိတ်​တွေက တစစပျောက်ရှလာခဲ့သည်။ ဘားတွင် တစ်​ယောက်တည်းထိုင်​သောက်​နေမိခဲ့တဲ့သူဟာ တိတ်ဆိတ်ငြိမ်သက်​နေတယ်လို့ထင်ရ​ပေမယ့်လည်း သူ၏နှလုံးသား​တွေထဲမှာ​တော့ အ​တွေး​တွေထဲမှာ​ရော ​အော်ဟစ်ပစ်ချင်မိ​လိုက်တဲ့အထိ အ​သွေးအသား​တွေက ဆူညံ​နေခဲ့တယ်။

တစ်ဖက်က ညီအရင်းဖြစ်သူ ၊ တစ်ဖက်ကလည်း သူ့ဘဝမှာ ပထမဆုံးအ​နေနဲ့အများကြီးသ​​ဘောကျမိတဲ့ ​ယော​ကျာ်းတစ်​ယောက်။ ဘယ်သူ့ကိုအပြစ်တင်လို့တင်ရမှန်းမသိ​တော့ဘဲ ကိစ္စ​တွေဟာ ဘယ်က​နေဘယ်လိုစတင်လာမှန်း​တောင် သူ မသိ​တော့ပါ။