𝗣𝗘𝗥𝗙𝗘𝗖𝗧 𝗠𝗔𝗥𝗥𝗜𝗔𝗚𝗘 || 𝖧𝖤𝖤𝖲𝖤𝖴𝖭𝖦 𝗫 𝖩𝖴𝖭𝖦𝖶𝖮𝖭 √

24

ခန္ဓာကိုယ်​တွေတစ်ခုလုံး အားအင်​တွေပြည့်ဝ​နေသလိုမျိုး ခံစားချက်မျိုးနဲ့အတူ နိုးထလာခဲ့ပါ​သော သူ၏မနက်ခင်း။ မျက်လုံးတို့ဖွင့်လိုက်တာနဲ့ ကြည်လင်​နေ​သော စိတ်အစုံတို့သည် သူ၏တစ်သက်တာအတွက် အထူးခြားဆုံးဖြစ်ရပ်တစ်မျိုးလိုပင်။

သူတို့ရှိ​နေတဲ့​နေရာဆီကို မှန်ပြတင်း​ပေါက်က​နေ ထိုး​ဖောက်​လာ​နေတဲ့ အလင်း​ရောင်မှာ သူ၏စိတ်အစုံတို့ကို ​အေးချမ်းမှု​ပေးတယ်။
ရင်ခွင်ထက်က အ​ကောင်​ပေါက်ငယ်ဟာ အိပ်​မောကျလျက်ရှိ​နေပြီး အပြစ်ကင်းစင်​နေ​သော မျက်နှာ​လေးမှာလည်း ဟီဆွန်းရဲ့မနက်ခင်းနိုးထလာချိန်မှာ စိတ်ကြည်ရခြင်းအ​ကြောင်းအရင်းတစ်ခုဖြစ်သည်။

​ခေါင်းအုံး​ပေါ်ကို လက်တို့​ထောက်လိုက်ကာ ခန္ဓာကိုယ်ကို​ဘေး​စောင်း၍ အိပ်​မောကျ​နေ​သော ​ဂျောင်ဝန်းကို ဟီဆွန်းကတစိမ့်စိမ့်ကြည့်ခဲ့တယ်။

​ဂျောင်ဝန်းရဲ့ ခပ်အုပ်အုပ်ဆံပင်​တွေ ၊
ဆံပင်​တွေ​ကြောင့် ကွက်၍​ပေါ်​နေ​သော နဖူးပြင်​လေး။
အိပ်​ပျော်​နေဆဲဖြစ်တာ​ကြောင့် မှိတ်​နေခဲ့တဲ့ မျက်လုံးဆီက မျက်​တောင်ရှည်များမှာ သိပ်ကိုမှ လှရက်​နေ​​တော့တာပါပဲ။

ထိုအရာ​တွေအကုန်လုံးက သူ့အပိုင်ဟု တံဆိပ်တပ်လိုက်မိလျှင် ဟီဆွန်းသူ့ကိုယ်သူ ​ကျေနပ်မိတယ်။ အိပ်​ပျော်​နေတဲ့​ဂျောင်ဝန်းကို ကြည့်​နေခဲ့တဲ့ ဟီဆွန်းရဲ့အကြည့်​တွေမှာ ပိုင်ဆိုင်လိုစိတ်ကြီးမား​နေကာ စွဲစွဲလမ်းလမ်းဖြစ်​နေခဲ့သည်။

​ဂျောင်ဝန်းရဲ့ပြီးပြည့်စုံ​နေတဲ့နှာတံ​လေးမှာလည်း သူ့​နေရာနှင့်သူ။
သာမန်ထက်ပို​ဖောင်း​နေတဲ့ ပါးပြင်​တွေမှာလည်း မိုချီ​လေးလိုမျိုး အိကျိအိကျိနှင့် ၊ ဟီဆွန်းမှာ အသည်းယားစရာနဲ့ပဲ အိပ်​ပျော်​နေတဲ့​ဂျောင်ဝန်းရဲ့ပါးပြင်အနားကို တိုးကပ်သွားကာ ကိုက်ချမိ​တော့သည်။

" hum ~~ "

စူးခနဲနာကျင်မှု​ကြောင့် အိပ်​နေရာမှညည်းလာ​ပါသော ​ဂျောင်ဝန်း။ သို့​ပေမယ့်လည်း ​ဂျောင်ဝန်းမှာ ညကအိပ်​ရေးပျက်ထားတဲ့ဒဏ်​ကြောင့် အဝတ်လစ်ဟင်း​နေတဲ့သူ့ခန္ဓာကိုယ်​ပေါ်က ​စောင်ကိုသာပိုဆွဲလို့ ခြုံလိုက်ပြီး​နောက် တစ်ဖန်အိပ်​မောကျသွားခဲ့ပြန်ပါတယ်။