" ကင်မ်ဆောနူ မင်းက မခိုင်းတာကိုလည်း လုပ်တတ်တာပဲနော် ၊ အရာအားလုံးကို မင်းသဘောနဲ့မင်း ဘာမှလုပ်ပိုင်ခွင့်ရှိမနေဘူး ! "
" ဟျောင်း .. "
သူ့မျက်လုံးတည့်တည့်ကိုစိုက်ကြည့်ပြီး ပြောနေတဲ့ ဟီဆွန်းဟျောင်းက သူ့အပေါ်ကို ဒေါသထွက်နေခြင်းပင်။
ဂျောင်ဝန်းအမေကိစ္စကို သူ့ခွင့်ပြုချက်မရှိဘဲ ဂျောင်ဝန်းကိုပြောလိုက်တာ သိသွားပြီး အခု ဆောနူကို အော်ငေါက်နေခြင်းဖြစ်တယ်။
" ဂျောင်ဝန်းနီးက ဟျောင်းကို အခုဘာပြောနေလို့လဲ "
ထိုအခါ ဟီဆွန်းက ဆောနူကိုဘာမှပြန်မပြောတော့။
အမှန်တော့ ဂျောင်ဝန်းက သူ့ကိုဒီကိစ္စနဲ့ပတ်သတ်ပြီးဘာမှမပြောသေးပေမယ့် သူကိုယ်တိုင်ကကို ကြောက်လန့်နေတာ။ အခုအချိန်အထိ သူဖုံးကွယ်ထားခဲ့လို့ သူ့ကိုဂျောင်ဝန်းကမုန်းသွားမှာကို သူသိပ်ကိုကြောက်နေမိတာ။ ထို့ကြောင့် ဆောနူကိုပဲ အပြစ်တွေပုံချနေသလိုမျိုးဖြစ်ခဲ့တယ်။
" နောက်တစ်ခါ ငါမခိုင်းတဲ့အရာတွေကို မင်းသဘောနဲ့မင်း လက်လွတ်စပယ်မလုပ်နဲ့ ကင်မ်ဆောနူ "
ဆောနူ သက်ပြင်းခပ်ဖွဖွချလိုက်သည်။
အစ်ကိုဖြစ်သူက ဘယ်တော့မှ သူလုပ်နေတဲ့အရာတွေကို အသိအမှတ်ပြုပေးမှာလဲ။ သူ ဒီလောက်လိုက်လုပ်ပေးနေတာတောင်မှ အစ်ကိုဖြစ်သူက သူ့ကိုအမြဲတမ်းအပြစ်တင် ဒေါသပဲထွက်နေခဲ့တာလေ ။ အရင်တုန်းကတော့ ဆောနူစိတ်ထဲဘယ်လိုမှမထားခဲ့ပေမယ့် အခုကိစ္စမှာတော့ ရုတ်တရက်ကြီး ဆောနူဝမ်းနည်းချင်လာမိသည်။
" ကျွန်တော်က အခုလိုလုပ်ရင် အခြေအနေတွေပိုပြီးကောင်းလာမယ်ထင်မိလို့ပါ တောင်းပန်ပါတယ် "
ဟီဆွန်းက ဂျောင်ဝန်းကို အခုကိစ္စအား မသိစေချင်သည့် အကြောင်းအရင်းမှာ နောက်တစ်ခုထပ်ရှိနေသေးသည်။ အကယ်၍ ဂျောင်ဝန်းရဲ့အမေက ကိုမာဖြစ်ရာကနေ မတော်တဆသေဆုံးသွားခဲ့မယ်ဆိုလျှင် ဂျောင်ဝန်းရဲ့မျှော်လင့်ချက်တွေဟာ ပိုပြီးဆုံးရှုံးသွားရမှာဆိုးတာကြောင့် မရှိတာကို မရှိတဲ့အတိုင်း ထားစေချင်မိတော့တာ။ အကယ်လို့ ဂျောင်ဝန်းကိုပြောပြရမယ်ဆိုရင်တောင်မှ အမေဖြစ်သူက သတိရလာမှပြောဖြစ်မည်။
YOU ARE READING
𝗣𝗘𝗥𝗙𝗘𝗖𝗧 𝗠𝗔𝗥𝗥𝗜𝗔𝗚𝗘 || 𝖧𝖤𝖤𝖲𝖤𝖴𝖭𝖦 𝗫 𝖩𝖴𝖭𝖦𝖶𝖮𝖭 √
Fiksi Penggemar• 𝑇ℎ𝑒𝑖𝑟 𝑃𝑒𝑟𝑓𝑒𝑐𝑡 𝑀𝑎𝑟𝑟𝑖𝑎𝑔𝑒 𝑅𝑒𝑣𝑒𝑛𝑔𝑒 • 𝑳𝑬𝑬 𝑯𝑬𝑬𝑺𝑬𝑼𝑵𝑮 𝐗 𝑳𝑬𝑬 𝑱𝑼𝑵𝑮𝑾𝑶𝑵 𝐢𝐧𝐬𝐩𝐢𝐫𝐞𝐝 𝐟𝐫𝐨𝐦 ' 𝐏𝐄𝐑𝐅𝐄𝐂𝐓 𝐌𝐀𝐑𝐑𝐈𝐀𝐆𝐄 𝐑𝐄𝐕𝐄𝐍𝐆𝐄 ' 𝐬𝐞𝐫𝐢𝐞𝐬 ! _a complete story_
