တိတ်ဆိတ်နေတဲ့ညစာစားဝိုင်းမှာ ပုံမှန်မဟုတ်တာကြောင့် ဆောနူ ကြက်သီးတွေပါထရသည်အထိ။ မိသားစုညစာစားဝိုင်းသာပြောပါတယ် သူတို့ကြားထဲ လေစိမ်းတွေကတောင် အသာလေးတိုးဝင်လို့ရတဲ့အထိ အာဏာပြည့်ဝနေတဲ့အငွေ့အသက်တို့ကိုလည်း တစ်ပြိုင်နက်ခံစားနေရတာမို့ ဒီညစာစားဝိုင်းက အမြန်ပြီးဆုံးပါစေလို့ပဲ ဆောနူဆုတောင်းနေရတော့သည်။
" နှစ်ဖက်မိဘတွေ့ဆုံပွဲ လုပ်တဲ့အခါကြရင် မဖြစ်မနေတတ်ရောက်ပေးဖို့ တောင်းဆိုချင်ပါတယ် "
ဖအေဖြစ်သူကို ကြည့်တောင်မကြည့်ဘဲ တောင်းဆိုနေတဲ့စကား။ တောင်းဆိုတာတောင် သူ့အနေနဲ့ ဒါကပထမဆုံးလိုဖြစ်နေတော့ ဆောနူတောင်ကြောင်အသွားရသည်အထိ။ ဥက္ကဌအီမှာလည်း မယုံနိုင်သလို စားနေရာမှရပ်ကာ သားဖြစ်သူဆီအကြည့်ပို့လိုက်သည်။
" အဲ့ဒီကောင်လေးနဲ့ တကယ်ပဲ လက်ထပ်မလို့လား "
" ဟုတ်ကဲ့ "
တိတ်ဆိတ်သွားပြန်တဲ့စကားဝိုင်းက အေးစက်နေတဲ့ လေစိမ်းတို့ကိုယူဆောင်လာပြန်သည်။ ဒီနေ့ညနေပိုင်းမှာ ဆောနူရဲ့အမေဖြစ်သူက Pottery class ကို သွားနေတာကြောင့် အခုညစာစားဝိုင်းမှာ ဥက္ကဌအီရယ် သူ့သားအီဟီဆွန်းရယ် ၊ ဆောနူရယ်အပြင်မရှိ။ အမေမရှိတာကြောင့် ဆောနူမှာ ဒီသားအဖနှစ်ယောက်နဲ့အတူတူရှိနေတာကို လန့်နေရတယ်။ ဘယ်အချိန်ထပေါက်မလဲမသိတဲ့ ချိန်ကိုက်ဗုံးနဲ့တူနေတာကြောင့်ဖြစ်သည်။
ဟီဆွန်းဟျောင်းကလည်း ထူးထူးဆန်းဆန်း မနေ့ တစ်နေ့ကညကအိမ်ပြန်လာပြီးတော့ အရင်အိပ်ခန်းမှာပဲအိပ်တဲ့အထိ။ အဲ့ဒီအခန်းကလည်း ဘယ်လောက်တောင်မှ ဟီဆွန်းဟျောင်း အိမ်ကိုပြန်လာလဲမလာလဲ ၊ ပညာတော်သင်ကပြန်လာတုန်းက တစ်ညလောက်ပဲသုံးပြီး နောက်ပိုင်း လုံးဝကိုမသုံးတော့တဲ့အခန်းပင်ဖြစ်နေပြီ။ ဒါပေမယ့်လည်း အမေက အမြဲသန့်ရှင်းရေး လုပ်ပေးထားတတ်တာကြောင့် အခုလိုရုတ်တရက်ကြီးပြန်လာလည်း အေးဆေးဝင်အိပ်နိုင်သည်။
YOU ARE READING
𝗣𝗘𝗥𝗙𝗘𝗖𝗧 𝗠𝗔𝗥𝗥𝗜𝗔𝗚𝗘 || 𝖧𝖤𝖤𝖲𝖤𝖴𝖭𝖦 𝗫 𝖩𝖴𝖭𝖦𝖶𝖮𝖭 √
أدب الهواة• 𝑇ℎ𝑒𝑖𝑟 𝑃𝑒𝑟𝑓𝑒𝑐𝑡 𝑀𝑎𝑟𝑟𝑖𝑎𝑔𝑒 𝑅𝑒𝑣𝑒𝑛𝑔𝑒 • 𝑳𝑬𝑬 𝑯𝑬𝑬𝑺𝑬𝑼𝑵𝑮 𝐗 𝑳𝑬𝑬 𝑱𝑼𝑵𝑮𝑾𝑶𝑵 𝐢𝐧𝐬𝐩𝐢𝐫𝐞𝐝 𝐟𝐫𝐨𝐦 ' 𝐏𝐄𝐑𝐅𝐄𝐂𝐓 𝐌𝐀𝐑𝐑𝐈𝐀𝐆𝐄 𝐑𝐄𝐕𝐄𝐍𝐆𝐄 ' 𝐬𝐞𝐫𝐢𝐞𝐬 ! _a complete story_
