𝗣𝗘𝗥𝗙𝗘𝗖𝗧 𝗠𝗔𝗥𝗥𝗜𝗔𝗚𝗘 || 𝖧𝖤𝖤𝖲𝖤𝖴𝖭𝖦 𝗫 𝖩𝖴𝖭𝖦𝖶𝖮𝖭 √

1

တံခါးအပြင်ဘက်က အနမ်းစစ်ပွဲအသံ​တွေကို ကြားရ​လေ သူ့ရဲ့မျက်လုံးအိမ်​တွေထဲက အရည်တချို့ကတားဆီးလို့မရနိုင်​အောင်အထိဖြစ်ရ​လေပဲ။ ဒူး​ပေါ်က ဆုပ်ထားတဲ့လက်သီး​တွေမှာလည်း ပြင်းထန်တဲ့အားတို့ထည့်ထားမှု​ကြောင့် နီရဲ​​နေလျက်ရှိ​နေပြီ။ သူ့နှလုံးက အစိတ်စိတ်အမွှာမွှာကွဲ​ကြေသွားသလို ခံစား​နေရ​ပေမယ့်လည်း သူ ထိုအ​​ခြေအ​နေမှာ ဘာမှမလုပ်နိုင်ခဲ့​ပေ။

ချက်ချင်းပဲ တံခါးကိုဆွဲဖွင့်ပြီး ​အော်ဟစ်​သောင်းကျန်းပစ်လိုက်ရမှာမျိုး ၊
မဟုတ်ရင် ဒါက ဘာအ​ခြေအ​နေ​တွေလဲလို့ သူချစ်ရတဲ့အစ်ကိုအရင်းနဲ့ သူသိပ်ချစ်ရတဲ့သူစိမ်း​ယောကျာ်းကို သူ​မေးရမှာ ..
မျက်လုံး​တွေနဲ့ တပ်အပ်မြင်ပြီးတာ​တောင် ဘာကိုမှနားမလည်ချင်​ယောင်​ဆောင်ပြီး သူချစ်ရတဲ့လူနှစ်​ယောက်ရဲ့ရှင်းပြချက်ကို နား​ထောင်ချင်မိ​သေးတာ။
ပြီး​တော့ ဘာလို့ သူ့ကိုဒီလိုလုပ်ရပ်ကြတာလဲဆိုပြီးလည်း ​အော်ဟစ်​မေးလိုက်ရမှာ။

သို့​ပေမယ့်လည်း အခန်းငယ်​လေးထဲမှာ အသံတိတ်မျက်ရည်​တွေကျဖို့ပဲ သူတတ်နိုင်ခဲ့တယ်။

​အောင့်သက်လာတဲ့ နှလုံး​တွေမှာ သူ့ကိုအသက်ရှူ​တွေပါရပ်​စေတယ်။ ​ဝေဝါးလာတဲ့မျက်လုံးအိမ်​တွေနဲ့အတူတူ သူ့ရဲ့အ​တွေး​တွေထဲမှာ မ​ကောင်းတဲ့အရာ​တွေချည်းပြည့်နှက်​နေတယ်။

အကြည့်​တွေမှာ အနည်းငယ်ဟထားတဲ့တံခါးဆီ ပြန်ရောက်သွားချိန် သူသိပ်ချစ်ရတဲ့လူနှစ်​ယောက်မှာ အနမ်းတို့ပျက်လပ်သွားကြပြီဖြစ်တယ်။

" ပတ်​ဆောင်းဟွန်း မင်း အဆုံးထိကိုပဲ "

​​ဆောင့်တွန်းခံလိုက်ရတဲ့ ​ဆောင်းဟွန်းခန္ဓာကိုယ်မှာ ​ဘေစင်နဲ့သွား​ဆောင့်တယ်။ ဂျယ်ယွန်းက ​​ဆောင်းဟွန်းကိုမျက်နှာ​ထောင့်နီ​တွေနဲ့ကြည့်ပြီး ထွက်သွားတဲ့အချိန် ​ဆောင်းဟွန်းကအားမလိုအားမရဖြင့် ​ဘေစင်နားက အမှိုက်ပုံကို ​ဆောင့်ကန်ကာရန်ရှာ​နေတယ်။ ပြီး​နောက် ဂျယ်ယွန်းအ​နောက်ကိုလိုက်သွား​ချေပြီ။

ထိုအခါမှ အခန်း​လေးထဲမှထွက်လာတဲ့ ​ဂျောင်ဝန်းက ​ဘေစင်ဆီကမှန်ထဲ၌ သူ့ပုံရိပ်ကိုယ်သူပြန်ကြည့်တယ်။