Unicode-
ဇာတ်ပွဲနောက်ဆုံးနေ့ဖြစ်သည်။
နောက်ဆုံးဆိုသည့်အတိုင်း အားလုံးက
လာကြည့်ကြသည်၊နောက်ဆုံးနေ့မှလာကြည့်မည်ဟုဆုံးဖြတ်ထားကြသော
သူများပါရှိနေသဖြင့် ပွဲတွင်လူများ
ကြိတ်ကြိတ်တိုးနေလေသည်။
"ကိုကြီးပုံရိပ်၊ဇာတ်ရုံအပြင်ဘက်မှာကိုကြီးမိုင်းဇခေါ်နေတယ်"
ကလေးတစ်ယောက်၏အပြောကြောင့်
အပေါ့သွားမည်ဟု ခွင့်တောင်းရင်း
ထွက်ခဲ့လိုက်သည်၊
ဇာတ်စင်ပေါ်မှ အသံဟာလဲဆူညံလို့နေသည်။
ဇာတ်ရုံအပြင်ဘက်ထွက်လာတော့
မုန့်ဈေးတန်းဘက်တွင် မိုင်းဇက
ရပ်စောင့်နေလေသည်။
ဆိုင်များတွင်ကလေးများသာရှိသည်၊
အသက်၁၃နှစ်၁၄နှစ်အရွယ်ကလေးများအားဆိုင်စောင့်ထားခဲ့ကာ
မိဘများက ဇာတ်ပွဲသွားကြည့်နေကြသည်လေ။
အပြင်ဘက်မှာတော့မုန့်ထွက်ဝယ်သည့်လူအနည်းစုသာရှိသည်။
"ဘာလို့လဲ ..ခင်ဗျားဇာတ်ပွဲမကြည့်ဘူးလား"
"ကိုယ်နေမကောင်းဘူး၊ဆေးပေးခန်းသွားမလို့"
"ဟင်"
ဒီအချိန်ကြီးနေမကောင်းဖြစ်လျှင်
ခက်ခဲလှသည်၊ မြို့မှာလို အလွယ်တကူကုရန်ခက်ခဲသည်။
ဆေးပေးခန်းမှာ ညဘက်မဖွင့်၊
ယခုဆိုပို၍တောင်ဆိုအုံးမည်၊
"ဆရာဝန်ကပွဲထဲမှာထင်တယ်၊ကျွန်တော်သွားခေါ်လိုက်ရမလား"
"မခေါ်နဲ့.....ဟိုဘက်ရွာမှာမြို့ကဆရာဝန်အသစ်ရောက်တယ်လို့ကြားတယ် အဲ့ကိုသွားရအောင်"
"ဟုတ်လား....ကျွန်တော်မကြားမိဘူး၊
သူလဲဇာတ်ပွဲလာကြည့်ချင်ကြည့်မှာပေါ့"
"ဒါဆိုကိုယ်က ဒီတိုင်းနေရမှာလား"
"........"
"အား....မူးလိုက်တာ၊မေ့လဲတော့မယ်"
"ဟမ်"
"သေတော့မယ်ထင်တယ်၊ အချိန်မမှီရင်ကိုယ်သေသွားလိမ့်မယ်ကယ်ပါအုံး"
ခေါင်းအား ကိုင်ရင်း ရှုံ့မဲ့စွာပြောနေသဖြင့် ပုံရိပ် ပြာယာခတ်သွားတော့သည်။
YOU ARE READING
အညာမြေမှခေါက်ဆွဲပြုတ်
Romance(Mini story) Mine Za Min Yaung+Pone Yeik Che Hnaug Cover artist- Yeik
