නොනිමි සඳ

" Chapter 28 "

" Good morning sir.."

" Morning. "

" Staff එකේ අයත් එක්ක friendly වෙන්න ඕනේ නැද්ද අයියේ ඔයිට වඩා.."

" විකාර කියවන්නේ නැතුව වරෙන් යන්න.."

ශාක්‍ය අයියා මගේ අතිනුත් ඇදගෙන එයාගේ hospital room එකට ගියා.. room එකට ආවම මන් නිකන් මගේ දේපල වගේ ගිහින් පැත්තක තිබ්බ සෝෆා එකකට කබරයා පොලේ ගැහුවා වගේ වැටුනා.. හරි මහන්සියි.. මේ මගුලේ lift එකේ මොකක්ද මගුලක් කියලා ඒක හදනකන් පඩිපෙලෙන් උඩට එන්න තියනවා කිව්වේ..

ඕක අහලා ශාක්‍ය අයියට මල යකා ආවේස උනා.. එතනත් ටිකක් වෙලා වැඩ කරන මනුස්සයෙක්ට බැනලා බැනලා තට්ටු හතරක් පඩිපෙලේ බඩගාගෙන උඩට ආවේ.. ශාක්‍ය අයියගේ බැනිල්ල කොහොමද කිව්වොත් ඒ මනුස්සයා වෙව්ල වෙව්ල කිව්වේ ' අද දවස ඇතුලත අනිවාරෙන් හදනවා සර් ' කියලා..

මන් දැකලම නැ එයාට එහෙම තරහා යනවා.. මාත් එක්ක ඉන්න character එක නෙවෙයි එතන හිටියේ.. මෙහෙමයි මන් එක්ක ඉද්දිත් පොරට තරහා යනවා.. ඒත් මේක වෙනස්.. කොහොමහරි ඒකෙන් පස්සේ අපි දෙන්නා හති දාමාගෙන එද්දි මගදි හම්බුනු නර්ස් අක්කා කෙනෙක්ටත් රවාගෙනම ශාක්‍ය අයියයි මායි ගමනාන්තයට ආවා.. ඒ කියන්නේ hospital room එකට..

" මෙතනින් ඉන්න.. මන් වෝඩ් ටුවර් එක ගිහින් එන්නම්.."

මන් හා කියන්න ඔලුව වැනුවා.. ස්ටෙත්කෝප් එකත් අරන් බෙල්ල වටේ දාගත්තු ශාක්‍ය අයියා කොහෙවත් යන්න එපා කියාගෙනම දොරත් වහන් එලියට ගියා..

ඉන්න හැමතැනම කොහොමද අෆ්⁣ෆා මනුස්සයෙක් මෙහෙම පිලිවෙලට ඉන්නේ.. ගෙදරත් පිලිවෙලයි කන බොන විදියත් පිලිවෙලයි.. මේ මනුස්සයට මොකක් හරි ලෙඩක්ද කියලත් වෙලාවකට හිතෙනවා..

Hospital එකේම තිබ්බ room එකක් උනත් මාරම clean එකට නීට් එකට හැමදේම තිබ්බා. ⁣වැඩිය ලොකු උනේ නැතත් ඕනේ කරන හැමදේම මේ පොඩි ඉඩේ තියෙනවා කියලා මට තේරුනේ ටිකක් ඔලුව කරකෝල් වටේ පිටේ බලන්න ගත්තම..

මන් වාඩි වෙලා ඉන්න සෝෆා එක සින්ගල් එකක්. ඒ වගේ තව එකක් මට එහා පැත්තෙන් තිබ්බා.. ශාක්‍ය අයියගේ table එකයි එතනම ඉස්සරහා තිබ්බ චෙයාස් දෙකයි ඇරුනම කාමරේ කොනට වෙන්න තව කබඩ්ස් දෙකක් තිබ්බා..