ترفع موبایلها تباوع علی الاسماء تختار سارة تتصل يرن الموبايل مرة ومرتين تجاوب سارة
(تباوع=تنظر)
نور: ها عباس اشونك
سارة: اكلي خرة وصلتي لو لا
نور(تضحك): وچ صار ساعة اني افتر بالكلية وحدي مثل الزمال وينچ
(الزمال=الحمار) (وينچ=این انتٍ)
سارة: اني هسة طلعت من المحاضرة رايحة للسنتر الحگیني
(السنتر=منتصف الجامعة)
(الحگیني=اتبعيني)
نور(تسد المكالمة تروح للسنتر تبقى تباوع الى ان تشوف سارة تروح يمها تباوسها وتگعد)
(تگعد=تجلس)
نور: تف عليچ حیوانة كل مرة اتصل عليچ وهسة رصيدي راح يخلص عود خالتچ الشگرة تحطلي رصيد
(الشگرة=الشقراء)
سارة: اني احطلچ بس افتحيلي كام ورى 12
نور: مو الگحبة مال الخلفوچ
سارة: نصي صوتچ عاد هذولة الحيوانات گاعدین هنا
نور: طبهم تبن...المهم اشونة عبسي
سارة: وچ مااحب هل اسم غیري بشرفچ لاتلحين
نور: هو لأن ما تحبي بيبي...صدگ انتِ اشون تحضرین محاضرات عند هذا المغثة فوگاها تتناقشین و تجاملي وتضحكين ويا
سارة: لو عندك عند الچلب شغلة گلة حجي چلب
نور: چذابة هو انتِ تريديها من الله ام الولد
سارة: مو احسن مما اصير ام البنات
(صوت امرأة بأواسط الاربعين من عمرها گاعدة يمهن و تضحك على كلامهن و هن ما منتبهات عليها انو هي چانت تسمع تباوع سارة عليها تحچي)
سارة: اضحكي خالة اضحكي خوبن انتِ نوعها المفضل (خوبن انتِ=سيما انتِ)
نور(تلزم ايد سارة وتگرصها تباوعلها بغضب ترجع نظرها للمرأة): اسفة خالة بس هذي تحب تتشاقة وشقاها ماصخ
(ماصخ=ليس له طعم)
المرأة(تبقى تباوع على نور وعيونها تلمع..من غير ما تتكلم ترتبك نور توقف تسحب سارة من ايدها وتمشي)
نور: حيوانة انتِ؟؟... كم مرة گلت الچ بطلي تسولفين هل اشیاء وية الرايح والجاي
سارة: ديلا عاد طز بعدين اتفلي بوجهي اذا بعد شفتي هاي المرية
(المرية=المرأة)
نور: اووفف منچ.. امشي امشي حنتأخر على المحاضرة خلي نلحگ نتزقنب
(نتزقنب=نتسمم=نأكل)
تروح نور للكافيتيريا هي وسارة ياكلن و يشربن عصير بعدها يرجعن للقسم يحضرن المحاضرة و كل وحدة ترجع لبيتها .. توقف التكسي بشارع العمارة الي بيها شقة بيت نور تنتبه لسيارات سود 3 واقفات عند باب العمارة ما تهتملهن تصعد نور على درج العمارة حتى توصل لشقتها تروح للمصعد تلگاه عطلان تحچي(اوو وقتك هسة تعطل ديلا على اساس هو انت مشرمها هو انت كل يوم عطلان امري ل الله اصعد هل اربع طوابق) تمشي نور على الدرج تصعد الطابق الاول والثاني والثالث والرابع ينگطع نفسها توصل لباب شقتها وهي تلهث تدخل تصيح
نور: ماما اني اجيت.. المصعد عطلان(تنزع بحذائها وتحچي) وصعدت هل اربع طوابق احس عمري 70 مو 22 لاتشوفين حالي مثل الچلب الهث اخ يابة ظهري انعل ابو الكعب لابو الي يلبسه.. وينچچ ماما
(تدخل للصالة تنصدم بالي تشوفه عيونها نفسها المرة الي چانت بالکلیة گاعدة على الكرسي الي بالصالة حاطة رجل على رجل..نور تبقى تباوع على هل منظر بلا ما تتحرك)
أنت تقرأ
المتاهة
Roman d'amour(القصة باللهجة العامية العراقية والكويتية) تتحدث القصة عن فتاة اُخذت بزمن الحرب الامريكية العراقية من الكويت الى العراق والان وبعد 22 عاماً يجب عليها ان تعود الى الكويت فتواجه التحديات والحب الجديد الذي يغزو حياتها
