مكــتوبلك تـــشقي !

البارت الخامس عشر

البارت الخامس عشر

مكتوبلكـ تشقــي

ننقانهه:

خــبّارة خير تـفرحنا ٫

        في عــازتها تــوا نحـنا ❤️

ترمش بعينيها تعبيرا عن صدمتها : أوو ماي قاد

أمل : هههههههه ، هدا الي طلع معاك غير او ماي قاد ليا ساعة نقنع فيك

سجى تنظر ليديها وهي تضحك : مرعشتيني شوفي

أمل : الي يسمع يقول حددت العرس تي هو سؤال وجواب متعبينيش معاك

سجى أمسكت جديلتها الطويلة بدلع  : لين نفكر

أمل ضربتها بخفه على رجلها : تفكري عينك بنقوله موافقه قالت غير تعال نطلعلك بعبايتي

وقفت لتمسك بها سجى وتقف معها : ماتقولي شي ردي بالك خلاص قوليله موضوعك وصل وبس

أمل : هو يبي جواب كنك انتي

سجى تفرك يديها بتوتر : قصدي منعرفش شن بنقوله تو ومستحيل نرد عليك بكلمه يعني القرار النهائي بيكون لأمي وبويا والي نعرف نقوله إن الموضوع وصلني وبدا عندي علم والباقي على النصيب

أمل ابتسمت : تم خلاص الي يريحك ويااااارب يالله يجمعكم مع بعضكم عن قريب

سجى برعب : هي شن عن قريب هادي راجي لين نستوعب بالشوية عليا 

امل تعدل  وشاحها : هههههههه سقدي روحك ي ماما الراجل شاد حيله ويدور في خدمه ويوتي في روحه

سجى تدفع بأمل ناحيه الباب : خيتي أطلعي مصاريني صبيتيهم انتي وخوك .. موضوع ماكانش في حسباني بكل بكل بكل

أمل : ههههههههه باهي طالعه معش تلزي ، بعدين مردودتلك هاللزة تو يبانلك

..
..
..
..
..
..
..

تجلس في منتصف غرفة المعيشه تأكل المكسرات وهي منسجمة مع هاتفها المحمول تراقبه بصمت حتى دخل هو ولم تنتبه له إلى أن جلس

عقبة : شنجو

منى بإبتسامه : هلاا تمام

" ههههههههههههههه "

عقبه نظر لها بصدمه : سكنهم مساكنهم خيرك

منى : هههههههه لا لا شي تفكرت حاجه

عقبة إبتسم وهو ينظر للأسفل ويتذكر موقفه بالأمس مع تلك المجهولة التي لم يسبق له رؤيتها ، لكن ملامحها ارتسمت في ذاكرته بوضوح كامل

منى نظرت لعقبه وهي تضع هاتفها جانبا : عقبة غدوة نبيك ترفعني للكليه

عقبة : علاش الباص مش جايك ولا شن

منى : اي غدوة قال بتوقف الباص مافيش بنزينه ف بتضر إنت يا أخي العزيز توصلني

دخلت الأم وهي تحمل صينيه الشاي وتجلس بين عقبه ومنى : العشية ترفعنا لحوش خالك محمد ؟