مكــتوبلك تـــشقي !

البارت الثالث

البارت الثالث

مكتـــوبلك تَـــشقِـــي ⁦

..
..
..
خرج مسرعا بعد اتصال عقبه له .. ركب سيارته وانطلق ليصل الي المستشفى في غضون دقائق
دخل ليبحث عنه .،، وجده جالسا واضعا يديه على رأسه وأصوات الضجه من حوله لا يبشر بخير أبدا
خالد: عقبة عقبة شمن صار
عقبة رفع رأسه بوجه شاحب ووقف وهو يتنهد : مندريش توا دخلوه بعد ماداروله صدمه وقالو احتمال احتمال يصيبه شلل الولد ولا يموت
خالد : لاحول ولا قوة الا بالله ..  به وين عياله وين بوه
عقبة: انا معنديش رقمهم عياله وامه ..
خالد: امه شن وينها
عقبه : جت معايا وخاشه غادي ف الممر من بكري حالتها حاله وداخت عليهم ومش راضيه تتكلم
خالد : من هما عياله نمشيلهم للحوش انا
عقبة : عرفت متعين ....  الي حولو لطرابلس قبل عام
خالد: ايه اما منهم
عقبة: صلاح تعرفه
خالد: تو نمشي ندور حوشهم ونكلمهم وانت حاول تاخد معلومات من امه
ذهب ولكنه توقف فجأه ونظر لعقبه بإستفسار : صلااح ؟!!!
عقبة بتنهيده: ايه ايه صلاح فوت توا مش وقته

ذهب خالد متجاهلا ما يحدّثه به عقله فقلقه ان تضيع هذه الروح بسبب عقبة لم يترك له فرصه لأن يفكر بأي موضوع آخر
..
..
..
..
أميمه كانت تعد العشاء عندما دخلت امها
اميمه : يمه شن صار كلمتيه ولدك
الام: لا مزال
أميمه: وشنو الي مزال ؟
الام : قاعد هوا مش فاضي وميقعدش ف الحوش تو يجي يوم ونكلمه
أميمه: غير راهو يفوتكم الموضوع وتقعدو
الام: كانها نصيبه والله ما فايتاته
أميمه : فعلا والله ...باهي راهو مرات تجي هيا مي الايام الجاية
الام : مرحبتين بيها تنور الحوش
أميمة: كيف عاد هادي مي بنت خووك .. اخخ ي كبدي ريتها عمتي حتى نا عندها ولد وتبي تخطبني ليه ماجابت الا سجى
الأم: ههههه مش شرط عمتك
أميمه : كييف يعني
الام: طيبي طيبي عشاك وانتي ساكته فيسع قريب يجو خوتك

خرجت وهي مبتسمه تاركةً إبنتها في حيرة من أمرها

..
...
..
...
..
...
في ممر المستشفى كانت تجلس وابرة المغذي لاتزال في يدها رافضه الإبتعاد عن غرفه العمليات التي يمكث فيها إبنها ..
قد تورمت عيناها من شدة بكائها واحمر وجهها وهي تبكي تارة وتدعو الله تارة أخرى فمنظر إبنها وهو غارق بدمائه لا تتزحزح من مخيلتها

تقدم عقبه نحوها وهو مضطرب المشاعر .. بين قلق وخوف وشوق لها
: أسيل
رفعت رأسها وهي تقاوم دموعها ووقفت : نعم
عقبه: إن شاء الله مافيهش ألا العافيه توا كلمت الدحتور وطمني قال حالته بإذن الله مستقرة
أسيل: كيف مستقرة وهوا عنده نزيف ف الدماغ وممكن " اسكتتها عبراتها وهي تقاوم دموعها ...

عقبة بتنهيده: وحدي الله .. نقولك طمني الدكتور وقال اموره تمام وتوا بيديروله عمليه ويجبسوله الكسور ووضعه كويس إن شاء الله .. وأنا أسف حقك عليا والله ما ركزت وكنت سرحان والغلط غلطي وانا نتحمله ومتشيليش هم مصاريفه ولا حتى حاجه 
أسيل : غير ينوض بالسلامه ومانبي منك شي .. كل ما تخش حياتي تخربها وتطلع .. بعد ما افتكيت منك هالسنين وليت وليت امتا بتختفي من حياتي امتا " هاقد انهارت دموعها لتتساقط الواحدة تلو الأخرى في مشهد مؤلم وهو يراقب كل ملامحها ويتألم بعمق "
عقبة : من الي دمر حياة التاني من.. انا الي من بعد ما فتيني حالتي حاله وكرهت الحياه .. انتي عشتي وخديتي وجبتي وانا قاعد على حطت ايدك .. انتي عارفه زين اني مش انا ورا الي صارلك متلومينيش انا ... انا حبيتك من قلبي ومافيش بيناتنا نصيب وهدا شي لاهو بيدي ولا هو بيدك
أسيل بشهقه: انت ماعمرك خليتني في حالي حتى ف احلامي .. غير شن طلعني من حوشنا هداك اليوم بسس وشن قراني ف هديك المدرسه .. ياريتني ماعرفتك ولا شفتك .. نكرهك
عقبه: وانا نسيتك وتم الي بيناتنا من نهار لبستي خوستك .. وهالكلام مش وقته توا انهي امه ومعش تجيبيها السيرة هدي على لسانك ... ريتني انا لا عرفتك ولا لمحت حتى حوشكم كان ندري هكه بيصير ..خسارة عمري الي ضاع والا انتي مليون وحدة تعوضك وتنسيني فيك