نبتسم رغم الظروف .

1

جلست والضجر يعبي ملامح وجهها وهي تذكر الكلمه الي سمعتها من جدتها وهي تقول ابوها  " اذبحها او ارميها بعيد بس قول للناس انها ماتت قضاء وقدر حتى نفتك منهم !"
ما تدري هي وش سوت حتى ابوها يكرههاه هالكثر !
امها ميته من يوم عمرها ٥ او ٤ سنوات  وابوها مباشره تزوج وحده ثانيه وربا عيالها احسن من تربيتها هي!
ابوها ما يحبها ومن هي صغيره يضربها على الطلعه والنزله واخر شي طلع منه رماها بقريه مهجور وهو يقول بكل بساطه " انا من ذي اللحظه ما اعرفك ولا اشوفك بنتي ، على بلاطه انا بقول للناس انك متي فلا اشوف رقعت وجهك طول ما انا حيي "
بلعت غصتها الى اي درجه هو قاسي كذا !
رفعت نظرها الليل بدا يظلم والمكان مهجور وقفت وهي تسحب خلفها الخيبه من كل شي حولها ، محد وقف بوجه ابوها وقال الا غسق!
بالعكس تحسهم يبون الفكه منها !
ناظرت المزرعه القريبه منها دخلتها بكل هدوء وهي تجلس تحت الشجره وتكتم الغصه وما تردد الا ي رب !
~~
اصبح الصبح وصوت العصافير يعلن عن بداية يوم جديد وحياه جديده وقفت وهي تحاول تثبت نفسها بنفسها وتسعد نفسها بنفسها الحياه ما توقف على احد ليش تركض خلف اهلها وهم بكل بساطه موتوها ؟
طلعت من المزرعه وهي تشوف شاحنه على الطريق اعتلا وجهها ملامح السعاده أخيراً لقت بذي المنطقه انسان! ، سرعان ما كشرت بخوف من انه يصير شي لها ؟ لكن تشجعت لن الخايف ما يعش لا بد من الحذر فحسب اقتربت وهي تقول لصاحب الشاحنه:- ي عم !
لف لها بهدوء وهو معقد حواجبه:- بسم الله وش انتي ؟ المنطقه مهجوره ليش انتي هنا ؟
مستحيل تقول عن الي صار لها حتى ذا الرجل لا يستغل الفرصه لصالحه وبذكاء قالت باول فكره جت ببالها:- كنا كاشتين انا واهلي وضيعتهم واكيد هم يبحثون عني الان ياليت توصلني للمدينه اكون لك من الشاكرين !
هز الرجل راسه بهدوء وهو يقول بتحذير:- انا بري من اي شي يحصل لك اتمنى ما تجيبي لي المشاكل !
هزت راسها بهدوء وهي تحس بسخافة كلام ذا الشايب من بيهتم لها ويجيب له المشاكل ؟
ركبت وهي تناظر المكان من حولها لو تبقى فيه راح تصبح جثه بيومين بالكثير !
مسكت بطنها وهي تحس بحرج من صوت بطنها الجاع!
ابتسم الرجل الشايب:- ي ابنتي واضح انك تعانين من شي وكذبتك ما مشت علي ، انا ي ابنتي اعيش مع زوجتي العجوز وابنتي الصغير لوحدنا وانا اشتغل بالبيع والشراء والوضع على قد حالنا! والحين من انتي ؟
مطت شفايفها وهي تقول بكل بساطه وكانها ارتاحت لذا الشايب :- عشت مع ابوي وزوجة ابوي الي يكرهوني ويميزون اخواني علي وعشت حول عماني الي يكرهوني وجدي الي يضربني بكل جمعه عائلية وعماتي الي يهرجون بكلام كبير على امي وأشياء كثيرة ما تنصدق امي ماتت وهي مبتسه رغم انه ما فيه شي سعيد يستاهل انها تبتسم !
اهل ابوي يكرهون اهل امي ومع ذالك مدري ليش تزوجوا من بعض ويوم امي ماتت تحول الكره لي متخيل كان عمري ٥ سنوات ! معقوله يحقدون على طفله بذا العمر ؟
سكتت والغصه ذبحتها عمرها الحين ١٦ لا تزال طفله ولا تزال باول مراهقتها!
تكلم الشايب وهو يحس بصوتها الباكي:- دايم الاطفال هم ضحايا الزواج الغلط او زواج الانتقام او غيرها من الزوجات الي انبنت على غلط مع ذالك ي ابنتي الدنيا مهما كشرت بوجهك مصيرها تبتسم خليك ايجابيه دايم!
شوفيني الحياه مردغتني لين حسيت بسخافة الناس الي يضحون ما فيه شي يضحك بالحياه ليش الضحك؟ مع الايام صرت اضحك بشكل يومي صحيح فقدت اهلي بحادث وعشت بقريه على اطيافهم لكن بنية اسره هاديه وصغيره وبكون سعيد ان انظميتي لنا !
افتحت عيونها بدهشه وش تنظم لهم ؟ وش موقعها من الاعراب ؟ هزت راسها برفض :- لا ي عمي انا
قاطعها بهدوء ؛- زوجتي وبنتي ما راح يقولون شي وانتي صغيره على انك تعيشين لوحدك تعالي حتى تكبرين وتواجهين الحياه جربي اسبوع معنى ما عجبك الله معك ي ابنتي !
هزت راسها بهدوء غصب عنها بتوافق والله يعين !

.

.

نكمل بكره ببارت جديد باذن الله .
اعتذر عن القصر ب البارت بس البارت تجريبي بكمل ومها كانت النتائج بكمل الروايه !