اول شي ي حلوين
كل عام وانتم بخير وصحه وسلامه وعيدكم مبارك
ثاني شي اعتبروا ذا البارت عيديه لن انا بسحب لبعد العيد وارجع لكم ......
بلعت ريقي وانا اشوف السكين المصدي امامي والأفكار الغبيه تتراقص براسي
مسكته وماهي الا دقائق وكسرته مستحيل افقد اخرتي مثل ما خسرت دنيتي !!
اليوم ابوي عازم خلق الله عشان اخوي المسمى بدر متخرج من مدري وش
تنهدت بضيق من طيف خالتي وسن وجدتي الواضح انهم كرهوني ماله داعي اركض خلفهم زي الغبيه
بعد تفكير عميق اكتشفت ان مالها دخل في موت جدها وان كل اللي صار قضاء وقدر !
عدلت جلستها وهي ناويه تثبت للجميع انها ما تحتاج احد أبدا !
الساعه ٧ المغرب
كنت نايمه ولكن حسيت بدخول احد بالغرفه اللي انا فيها !
فتحت عيوني وشفت عزام الي وقف فوق راسي وقال بقرف:- قومي كل ذا نوم !
عدلت جلستي وانا اناظره انتظره يقول وش يبي
وكانه فهمني وقال:- قومي تجهزي للعزيمه الكل حظر الا انتي !
ناظرت فيه بسخرية ، على اساس احد درى عني اذا بحضر العزيمه او لا !
انا وجودي وعدمه عندهم واحد ....
قلت بعتراض:- ما راح احظر!
قال هو يحاول يقنعها :- غدي بتجي ، تعالي
رديت بنفس الاعتراض:- قلت لا !، مو على اساس ما حد يبيني وش تبي انت الحين !
عقد حواجبه وكان بيتكلم بس طلع بسرعه بدون لا يتكلم ، حتى الباب ما قفله !
فكرت بيني وبين نفسي ليه ما اكشخ والبس افخم الملابس عندي وادخل عليهم بكل ثقه ولا همني احد؟؟؟
ابعدت الفكرة من راسي لا زلت احس بتشتت لتحديد حياتي احتاج شخص يدلني لطريق الصحيح
لكني أخيراً رحت لبست فستان بلون النيلي كان متناسق مع جسمي المرسوم مشطت شعري من حظي انا ناعم وما يبي له وقت بخيت من عطري الفخم لبست عباتي وطلعت لكن سمعت همس جذبني بالحديقه الخلفيه
صرت امشي بخفه نفس مشيت المجرم قبل لا يسوي جريمته
عقدت حواجبي وانا اسمع صوت جدي مساعد يكلم عمي يوسف بهمس يقول:- كيف يعني ما حصلته ؟ ، لا تجلطني ي يوسف وكلم اخوك ماجد يدوره معك لا تجيب لنا الفضيحه !
قربت أكثر احاول أسمع وش الفضيحه الي يتكلمون عنها لن بكل بساطة لو اعرف راح افضحهم !
ان مو بس بعير حاقد انا وصلت لبعد الحقد اتوقع محد بيلومني وانا الي تجرعت الذل والاهانه والقسوه والتفرقه من اهلي !
سمعت عمي يوسف يقول:- الحارس يقول ان مطلق معه احد يساعده بالهروب !
عقدت حواجبي مطلق مين !!!!
وهروب وش!
عقلي ربط بعض الأحداث حارس ومطلق وفضيحه ودوروه وش تعني ؟؟؟
بلعت ريقي من الأفكار الي احتلت عقلي
رجعت للخلف يوم شفت تركي ولد عمي جاء يركض وقال بخوف:- ي جدي مطلق انحااش وش بتسويييييي!
ابتسمت بخبث صحيح مدري وش السالفة لكن اكيد وراهم مصيبه وراح اعرفها .!
لفيت برجع لكن شهقت بخوف وانا اشوف عزام الي يناظر فيني بنظره اول مره اشوفها وللأمانة تخوف !
سحبني بيده وهو يقول بفحيح:- الشي الي سمعتيه مهوب من صالحك وتحملي عواقب لقافتك !
دفني بقوه على الارض امام جده!
وعمه يوسف و ولد عمه تركي وقال بحده:- سمعت كل شي !
رفعت نظري وشفتهم كلهم مصدومين ومساعد ماسك قلبه بقوه وقال برجفه:- تصرفوا !
حسيت بلذه وشعور جميل وانا اشوف ضعفهم!
قال عزام بجديه :- خلو غسق علي وانتم اهتموا بالباقي !
لفيت له برجفه للامانه احس ان ذا وجهه الثاني اللي ما عمري شفته ولا فكرت ان له وجه ثاني !
قال تركي:- وش بتسوي ؟
ابتسم عزام:- بحطها ببيتنا المهجور الاشياء اللي بتشوفها في البيت بتخليها تفقد عقلها وتصير مهبوله وقتها راح تنسى كل شيء ما راح نخاف منها ، ولا راح تصير مصدر تهديد لنا !
للحظه حسيت اني سمعت غلط !
ذا عزام ولا استبدلوه ؟؟
سحبني عزام بعد ما شاف الرضا من جده و عمانه !
بديت اصرخ بخوف و بشكل عشوائي واخمش يدينه باظافري واصيح بصوت عالي
حط يده على فمي عشان يكتم صوتي ،
انا متاكده ان في احد سمع صوتي ولكن ذي العائله ما تهتم ولو انحرق قدامهم ما حد يفكر يطفي النار ابدا !
ركبني السياره واغلق الباب وانا بدات اضرب النافذة بشكل عشوائي واصرخ باعلى صوتي اعل و عسى احد يجي يساعدني !
سكت فجاه اول ما شفت الدكتور مطلق يناظر بسياره ثم طنش وهو يركب سيارته
الصراحه ما ادري وش يسوي ذا هنا لكن اللي يقهرني انه ما جاء يساعد !
بديت اضرب الباب من جديد اطلب المساعده
حركت السياره مبتعده وهو يتوجه للبيت المهجور البعيد عن بيت جدي مساعد !
بعد دقائق وقف امام بيت مهجور مخيف مرعب اكثر من الدير المهجوره اللي رماني فيها ابوي !
فتح باب السياره ومسك يدي بقوه وسحبني خلفه بعنف
بديت اصرخ:- لااااا عزام تكفىىىى عزاممم لا تدخلني تكفىىىى
فتح باب البيت ودفني فيه بقوه متجاهل ترجياتي!
قفل الباب بالمفتاح مرتين بديت اضرب الباب بقوه وقلت بنهيار :- عزاممممممم امانه افتح الباب تكفى انا اخاففففف والله ما اعلم احددد أساساً انا ما سمعت شييييي تكفىىىىىى عزاممممم
لكن لا حياه لمن تنادي اختفى صوته ما عاد اسمع الا صوت سيارته اللي ابعدت معلنه عن رحيله
جلست على الأرض بخوف اكره الظلمه والله القبو الي كنت فيه أرحم ضميت نفسي وانا ابكي ما قد جاء ببالي ان عزام انسان قاسي القلب وسيي!
شهقت وانا اسمع صوت الباب الخلفي يطرق بقوه كبيره وكان احد يحاول يكسر الباب
كل عظمه فيني صارت ترقص بخوف
عجزت اقف او ادور على شيء ادافع فيه عن نفسي
وكاني باللحظه ذي اعلنت استسلامي واللي يصير يصير !
...
...
...
...
يتبعععععع
اعتذر على قصر البارت بس اليوم صيام وتعب العوض بالايام الجايه
تعليق
نجمه
دمتم بخير
أنت تقرأ
نبتسم رغم الظروف .
General Fictionتجبرها الظروف على الزواج من شاب متزوج ومن السي ان تكون ضحية زواج أنبأ على غلط وتعيش بمجتمع يكرهك بدون سبب وبذنب ليسا ذنبك وتكون يتيم واهلك على قيد الحياة وتواجه امور اكبر من سنك ومع ذالك تبتسم رغم الظروف! . " غسق" بطلة روايتي الجديده . لا تدعوا الرو...
