السلام عليكم حلويني
ادري طولت بغيبتي بس كل شخص وعنده ظروفه وانا باذن الله روايه بديتها بكملها ما راح اسحب عليكم أبداً ، وشفت كثير يطلبون مني احدد موعد للتنزيل وانا اشوف انه افضل اني احدد وقت للتنزيل عشان كذا
كل ثلاثاء ينزل لكم بارت اذا كتبته بدري انزله لكم الصباح واذا طولت بنزله لكم بالليل ، وممكن بعض الأحيان يكون به بارت هديه ينزل اي يوم او ينزل بارتين بيوم الثلاثاء
وشكراً على تفهمكم
اتركم مع البارت
ركضت له والدموع تتراقص بعيوني قلت بصدمه واضحه بصوتيي وانا اجلس عنده
:- جدييييييييي
وضميته وانا متجاهلها الكل حتى مطلق . . .
دفني جدي بقوه وهو ياقف ويقول بغضب وهو يهز راسه زي المجنون:- عيب عليك لا تقربين لا لا ، تبيني اموت! ، عيب عليك عيب عليك ! ؟؟
فتحت عيوني على وسعها من طريقة اسلوبه وخوفه وكانه طفل
معقوله فقد عقله صدق مثل ما قال عمي صقر ؟؟
قلت وانا امسك يده والدموع للحين بعيني وانا متجاهله مطلق الي واقف عندي بدون كلام:- جدييي انا غسق حفيدتك عرفتني ؟ جدي تكفى قولي انك عرفتني تكفى !
ما شفت منه ردة فعل غير انه يهز راسه بجنون ويقول برعب مني:- لا لا عيب عليك عيب عليك !
لفيت على الرجال الي واقف وهو يقول بغضب:- وش تسوون بشايب !
قال له مطلق بتبرير:- صل على النبي ي رجال تراه جدها مير فاقد ذاكرته ، تعرف وضع بعض كبار السن !
ناظر الرجل في مطلق بهدوء ثم هز راسه وراح
تجاهلت مطلق الي جلس جنبي وهو يقول:- من ذا ي غسق ، جدك مساعد واعرفه! من ذا ؟؟
قلت وانا امسك يد جدي من جديد متجاهله صراخه ونظرات الناس وكلام مطلق وكل الي يهمني ان جدي يعرفني فيه شي كثيررررر بعلمه فيه ابيه يعرف اشياء صارت بغيابه !
:- ي جدي تكفى ارجع وتعال اسمع مني وش صار بغيابك تعال ي جدي معي لبيتنا شوف من تزوجت عقبك! بالله تعال معي والله بهتم فيك محد بيهتم فيك كثير تكفى تعال !
شفت الهدوء بعيونه ونظرات عجزت افسرها لكن سرعان ما اختفت هاذي النظره وقال بنفس نبرت الخوف:- لا تقربين مني! نادوا ساطي نادوه !
عقدت حواجبي بستغراب من ساطي ؟
وصرخت بوجع اول ما دفني جدي وهو يركض لباب المطعم الي كان وقتها فيه شاب يركض جهتنا وسمعت جدي يقول:- ساطي ساطي تعال تعالللل !
احس اني بدوامه من التسال ودهشه من ان جدي اخر ناسي نساني !
من لي بعده؟
كان املي فيه هو !
انا اخاف اني اعلق امالي بمطلق واخرت الدرب يطلع زي عزام؟؟
انا اخاف واخاف واخاف من كل شي ومن كل حاجبه بدون تحديد !
لفيت على يد مطلق الي قال بهدوء فيه حده:- تعالي ي غسق !
رفعت نظري له وشفت بعيونه عتاب على الموقف الي بنظره محرج امام الناس شتت نظري وانا اناظر جهت الباب الي طلع منها جدي على امل يرجع وهو يقول لي ان الي صار حلم او مقلب !
أنت تقرأ
نبتسم رغم الظروف .
General Fictionتجبرها الظروف على الزواج من شاب متزوج ومن السي ان تكون ضحية زواج أنبأ على غلط وتعيش بمجتمع يكرهك بدون سبب وبذنب ليسا ذنبك وتكون يتيم واهلك على قيد الحياة وتواجه امور اكبر من سنك ومع ذالك تبتسم رغم الظروف! . " غسق" بطلة روايتي الجديده . لا تدعوا الرو...
