ي حلوين انا قررت ان كل اثنين ينزل بارت طويل وبعض الاحيان بنزل لكم بارت هديه بباقي ايام الاسبوع !
واذا ما قدرت انزل الاثنين اعرفوا ان حصل لي ظرف ولا قدرت ، كل غايب عذره معه
يلا اخليكم مع البارت !
رفعت راسي على الباب الي يطرق وصوت يناديني من خلفه
سمعت الخادمة تقول:- ماما يقول انزل تحت
تنهدت بضيق وانا البس عباتي ونقابي فتحت الغرفة وطلعت لهم اول ما نزلت من الدور الأول سمعت أصواتهم برا اكيد يفطرون بالحديقه
طلعت بالحوش الكبير جداً ومقسم لجلسات
جهه فيه جلسات ارضيه وجهه به جلسات كراسي يعني طاولة طعام
فيه مسبح بالجهه الخلفيه وفيه اسطبل خيل
تقدمت لهم بهدوء القيت السلام وجلست الصراحه فيه وجيه جديده علي
رفعت راسي بهدوء وانا اسمع ام مطلق تقول لي بهدوء:- ما قلتي لي وش بتسوين ؟
رفعت كتوفي بمعنى مدري وقلت بضياع:- مدري عجزت القى حل
تكلم اب مطلق وقال بهدوء:- اسمعي ي بنتي انا حسب الي سمعته انك مع مشاكل مع اهلك وزوجك ، عشان كذا زوجك حله الخلع وابوك انا بتفاهم معه وش قولك؟
سكتت لمده قصيره وانا ارتب افكاري اخاف من عواقب الخلع وما ابي ارجع لبوي وبنفس الوقت مقدر اقعد عند ذولا انا حتى أسمائهم ما اعرفها!
بلعت ريقي بشتات حرفياً ولكن قلت بهدوء عكس العواصف الي بداخلي:- شورك وهداية الله !
.
.
.
من عقب الي صار رفعت قضية خلع واليوم اول جلسه ،
وهاذي انا اقف على باب المحكمه يميني عبداللطيف " ابو قرناس" ويساري عبدالعزيز " ابو مطلق" وعمي صقر ومطلق!
قال عبد العزيز :- يلا توكلنا على الله
دخلنا وكل منا جلس بمكانه
احس بتوتر وخوف اول مره تخطوى رجلي للمحاكم واحس بتوتر لا يوصف
رفعت نظري وانا اشوف ابوي وجدي مساعد وعزام وابو عزام!
لا كل شي الا عمي سلطان ، هو اكثر من مسسح يده على راسي بحنيه منذ الطفوله حتى الان! ما ودي اطيح من عينه لني جرجرت ولده للمحاكم!
وابوي ؟ بدل لا يكون مع بنته صار مع زوج بنته ؟ وش النكته الي ما تضحك ، ما قد صارت في الحياه شمعنى تصير معي؟؟ الي يسندوني ما فيهم محرم غير عمي صقر الي سحبه مطلق غصب؟
الصدق مطلق ذا غريب من الفتره الي كلمني فيها بالسياره معد تدخل ولا هرج معي كان ابوه هو الي يكلمني!
محد مهتم
رفعت نظري وانا اشوف المحكمه بدت
بعد ما انهى الشيخ كلامه محاولاً اقناعي ان الخلع مو حل وما اقتنعت معه قال:- طيب ي اخ عزام وش قولك ؟
سكت عزام وقال بعد سكوته الي طال وكانه يفكر وليته ما فكر :- لو جتني وطلبت الطلاق كان جاها بدون عنا ولها ما بغت لكن تدفع لي خمسين الف
قاطعته وانا مصدومه:- بس انت ما دفعت لي مهر وحنا ما كنا زي اي زوجين مجرد فترة خطوبه لا تستهبل معي !
أنت تقرأ
نبتسم رغم الظروف .
Narrativa generaleتجبرها الظروف على الزواج من شاب متزوج ومن السي ان تكون ضحية زواج أنبأ على غلط وتعيش بمجتمع يكرهك بدون سبب وبذنب ليسا ذنبك وتكون يتيم واهلك على قيد الحياة وتواجه امور اكبر من سنك ومع ذالك تبتسم رغم الظروف! . " غسق" بطلة روايتي الجديده . لا تدعوا الرو...
