احس اني احدد يوم وانزل به رواية امر متعب ويقيدني ويضغط علي!
عشان كذا ما راح انزل بيوم معين وراح اخليه شبيه باليومين او يوم ايه ويوم لا لن ودي اخلص الروايه باسرع وقت ممكن .
رفع راسه وهو يسمع الشيخ ياخذ موافقته على الملكه وتمت الإجراءات كلها وقف وهو يسمع مهند يقول لبدر:- رح ناد اختك تطلع مع زوجها !
وقف بدر وهو يسرع بخطواته لداخل البيت !
طلع مطلق دون اهتمام وتوجه لسيارته.....................
طلعت وهي تجر خلفها الا شي ولا تبي شي أساساً هي مكتفيه بذاتها ! ما اجمل من حب الذات الا الذات ، مشت وهي تثبت لنفسها انها ما تحتاج احد ، لا اب ولا ام ولا اخ ولا احد باختصار! ، ما يبقى لشخص الا نفسه ولا ياقف معك الا انت ! وهاذي قاعده اخذتها من حياتها وعيشتها ،
تثق بمقولة ما بعد الشقى الا الفرج !
متاكده بتاصل لنقطه تنسى فيها كل شي مرت فيه من جمال العوض الي بيجيها !
كملت خطواتها والي يشوفها يقول من وين الثقه عقب طريقة زواجها ؟ ولكن هي من الداخل مكسوره لحد النزف لحد الانكسار والضياع !
لفت بعد ما جااها صوت البنات عقدت حواجبها بستغراب
ابتسمت العنود ابتسامة شماته وقالت:- كل ذا الغرور عشان تزوجتي؟ ي حياتي تراك تزوجتي بشحاده محد طق بابك يبيك! ابوك رماك على الضعيف !
ضحكت وسام وقالت:- محد بيتعنى لها عقب سواد وجهها !
ناظرت فيهم وهي تلف عنهم بتمثيل عدم الاهتمام بينما كلامهم يهز بداخلها كل شي تحاول تبنيه وتقويه عشان تكمل الطريق بحياتها !
كشرت وهي تشوف غدي وغلا جو يركضون لها تحس انها بتكون غبيه اذا فتحت يدينها عشان تضمهم لنها تحس انهم بيدفعونها عشان كذا لملمت باقي كرامتها ومشت بعدم اهتمام
لكن غلا سحبتها بقوه وضمتها وهي تبكي وتقول بصوت باكي:- والله احبكك ، وما حبيت الي صار لك ، تكفينننن انتبهي لنفسك واصنعي من غسق شخصيه تبكيهم كلهمممم !
بلعت ريقها تحاول تمنع الغصه ، ابتسمت وهي تشوف غدي تدف غلا وتسحب غسق لحضنها وتضمها بغصه:- تدرين اني احبك؟ واني ما راح اترك يدك زي ما سوو هم ، مبرررروووككك زواجك ولا تظنينه نهايه سيئه يمكن هو الفرج الي تنتظرينه!
ابتسمت وهي تناظر غدي وغلا ، سبحان الله الشي الي انهز بداخلها بسبب هرج العنود و وسام بكلام غدي وغلاء رجع ثابت !
بعض الكلمات كفيله تسعدك وترمم روحك وتصنع منك شخص سعيد ومتفائل!
بينما بعضها يهزك ويكسرك ويجعلك مكتئب!
هي كلمات من نفس الاحرف ولكن الاختلاف بطريقة نطقها واستخدامها!
كم هو جميل تطيب الخاطر وصنع السعاده على شفاة شخص بمجرد كلمه !
أنت تقرأ
نبتسم رغم الظروف .
General Fictionتجبرها الظروف على الزواج من شاب متزوج ومن السي ان تكون ضحية زواج أنبأ على غلط وتعيش بمجتمع يكرهك بدون سبب وبذنب ليسا ذنبك وتكون يتيم واهلك على قيد الحياة وتواجه امور اكبر من سنك ومع ذالك تبتسم رغم الظروف! . " غسق" بطلة روايتي الجديده . لا تدعوا الرو...
