نبتسم رغم الظروف .

6

من عقب الملكه والحوسه الي صارت وانا حبيست ذي الغرفه ما ابي اطلع ولا هم يبوني اطلع تنهدت بضيقه من حالي الخطه الي كنت راسمتها للهروب تكنسلت لني حسيت ماني قدها امس سمعت البنات الي كانن واقفت عند غرفتي الي واضح متعمدين ياقفون سمعتهم يقولون:- جدي يقول ان مطلق فرح ان حفيدته تزوجت وما راح ترجع تنشب له بالقريه لن وضعه المادي مره ماش والمره ذيك ابتلش فيها !
معقوله جدها ابو سن قال كذا؟
ما انكر ان وضعه المادي ماش بس ما اهقى يقول كذا اكيد ذا كلام من عندهم حتى يخربون العلاقه بيننا!
بس انا كنسلت الخطه لن خايفه يطلع كلامهم صحيح!
اذا جدي ابو ابوي ما يحبني ليش ما اتوقعها من جدي ابو امي؟ كلهم ماش!
مسكت بطني وانا احس بجوع اهرب دايم للمطبخ اخر الليل اجيب اكل يكفي نص يوم امس وارجع الغرفه اقفل الباب
والغريب محد تعرض لي لا بخير ولا بشر حتى زوجة ابوي ما شفتها!
انا اعيش بقصر جدي مساعد وجدتي ومعهم عمي صقر بجناح وعمي سلطان مع أهله بجناح وعمي ماجد بجناح بعد بنفس البيت وعمي يوسف يعيش بحاره جنب حارتنا اما ابوي فا بيته ملصق في بيت جدي مساعد وكذا كل العائله ملتمه حول بعض بس الغريب عمي يوسف ليش مقلوع لخر الحاره؟
وعمتي نجلاء ذي خلني اشوفها عشان اعرف وين تعيش
ماش كل شي ماش!
نزلت بهدوء بعد ما حسيت ان الكل رقد باقي على زواج السيد عزام بسيده العنود اسبوع!
مطيت شفايفي وانا دايم ادعي انه يصير شي يكنسل ملكتنا قبل زواجهم دخلت المطبخ وأخذت لي سندويش لن مالي نفس اسوي اكل واخذت كوب عصير ورجعت لقوقعتي......
....
.....
.......
اصبح الصبح وصوت قطرات المطر يشعرك براحه ورغبه للحياه ابتسمت بعبوس وهي تبعد شعرها الطاير من الهواء المصاحب للمطر
تنهدت بضيق لو تقدر تطلع وتلعب بذا المطر!
سرعان ما جلست وهي تمسك بطنها بقوه!
من يوم صحت الفجر والام مصاحبها!
ما تاكل زين والبرد ذي الايام زايد وهي ما عندها غير لبستين تبدل بينهم رغم الثراء الفاحش الي يعيش فيه اهلها الا انهم تكلفوا يجيبوا لها شي !
ابتسمت بغصه من هدية عمها صقر وعمها سلطان وزوجته يالله شكثر لطيفين تذكر يوم عطاها عمها سلطان ومعه ابنته غلاء الي حسيت اني حبيتها
تذكر الموقف
..
سلطان:- هاذي هدية رجوعك لنا وهدية زواجك من اكبر عيالي وليكون بعلمك انك بحسبة ابنتي غلاء كان لي بنت وحده وهالحين صار لي ثنتين!
ابتسمت غلا بمزاح:- من قدك صرتي اختي!
ناظرت هديتهم كانت عباره عن عطورات وأشياء بنات من زينه وغيره ..
كيف تتزين وهي ما عندها غير لبستين؟
ضاقت من ذي النقطه لكن سرعان ما قاطع أفكارها طراقت الباب وقفت بسرعه بتوتر وخوف من الطارق  صار لها ثلاث اسابيع محد طرق بابها لدرجة حست انهم نسوها قالت بخوف:- من !
سرعان ما ارتحت وهي تسمع الشغاله تقول:- افتح باب انا كندره!
ابتسمت بفهاوه وهي تفتح الباب وتدخل الشغاله قالت كندره بسرعه وهي تعطيها الكيس :- ماما جميله يقول انتا البس هذا البس اهل انتا في اطلع مزرعه وفيه عزيمه!
تكلمت بفهاوه وهي تمسك الكيس :- عزيمة وش!
تكلمت كندره بنفس السرعه وهي تطلع:- مافي معلوم...
كشرت بوجهها ما فيه احد يهرج معها غير ذي الكندره ي حظها الطايح حتى كندره ما تسولف بيصيبها توحد شهقت وهي تشوف غلاء داخله عليها كانت تاركه الباب فاتح من بعد كندره وذي سوت تسجيل دخول !
تكلمت غلاء بابتسامة كالعادة وتكلمت بسرعه اقوى من سرعة كندره بالكلام :- معليششش دخلت عليك دون استأذن بس ما طمعت شفت الباب فاتح قلت ادخلل !
اسمعي ي قلبي اليوم به عزيمه بيجي بها كل قرايبنا حفله للعنود توديع عزوبيه وفيه رجال اكيد يسوون لعزام نفس الشي وبعد انتي بتحظرين تقهرين عيون الناس وراح اكشخك!
مسكت الكيس الي بيد غسق وهي تفتحه وتطلع الفستان وشهقت بقرف:- جدتي تبي تفشلك جايبه لك فساتين من بسطة خمسه ريال!
اقول كنت حاسه وقلت لبابا وشريت لك فستان بطللل وحسيته يناسب لون عيونك الرصاصي الغريب الي طحت بغرامه
ابتسمت غسق على ذي البنت ما عطتها مجال تسولف!
تكلمت غسق بهدوء:- مو رايحه مالي لزوم انتي قلتيها حفله للعنود وعزام باي حق
قاطعتها غلاء بحده:- انكتمي ماما اصرت اني اسحبك معي انتي تدرين ان ماما ما تحب العنود وفرحت فيك عشان كذا تبغاك تجين معنا وتقهرين حسادك حتى ماما اختارت معي الفستان الي يناسب طولك ونحف خصرك حتى اني صحت ابي مثله بس ما فيه مقاسي !
جت بتعترض بس انصدمت وهي تشوف ام غلاء دخلت بابتسامه بعد ما درعمت زي بنتها:- ما تجهزتييي !
اقول ي غلاء انا بحط لها مكياج جيبي الادوات! وجيبي معك الفستان الي شريته لها
هزت راسها بخجل وهي تشوف غلاء طلعت بسرعه نفس السرعه الي دخلت فيها:- ي عمتي انا ..
قاطعتها بحده:- مبي اعتراض
سرعان ما كملت كلامها بابتسامه:- انا ما احب العنود وامها بس وافقت عشان جدك مساعد من يوم عزام صغير وهو مشبكه مع العنود لين صاروا لبعض ومحد عارض حتى صاحب الشأن وما فرحت لعزام بس عشان مشيت الوضع بس ما تدرين اني فرحت فيك رغم طريقة الزواج الغريبه! صدقيني عزام راح يحبك وقلبه مو مع العنود زي ما تسمعين!
حاولي تكسبينه لك ودايم اثبتي وجودك عشان كذا راح تكشخين اليوم وتقهرين اعدائك بجمالك الذابح!
هزت راسها بعجز عن البنت وامها لكن تحبهم!
....
وقفت بتافف:- عزام شفيك ياخي ترا فستان ليش التدقيق!
تكلم بحده:- كاشف الظهر واليدين كيف امي تشتريه لها وفوقها ماخذه عدة المكياج ذي ناويه تخربشين على وجهها وتعدمين ملامحها؟
تافتت من اخوها:- ترا العنود لو تشوف فستانها يكشف اكثر من الي يستره لا تحجر على البنت حتى ما به وقت تشتري جديد مشيها ذي المره!
هز راسه على مضض وهي يقول بتوعد:- بمشيها ذي المره وراح اتفاهم معكم عقب الملكه بلاه تخربون البنت!
مشت بسرعه غلاء وما اهتمت لكلام اخوها
.....
تكلمت بضجر:- يامي ترا عزام نشب لي لو ما طلع بوجهي كان ما تاخرت!
هزت راسها بتوعد:- نقلعي تجهزي حسابك بعدين!
جلست وهي تاخذ من ادوات التجميل:- بتجهز هنا ما ابي افوت فخامة غسق !
بعد الحوسه من التجهيز انهت كشختها وهي تلبس الخاتم الناعم الي جاها هديه من عمها صقر وتبخ من العطر الي عطتها اياه ام غلاء الحين وهي تقول:- خذ ذا العطر شريته خصيصاً لك من نفس النوعيه الي يحبها عزام !
ابتسمت وهي تشوف نظرات الإعجاب من غلاء وامها !
طق الباب ودخل سلطان و ولده الصغير رعد بعد ما سمحت لهم ام غلاء بدخول حست بفشله وحرج بذي الملابس أمام عمها رغم انه ساتر لكنها حست بحرج
وهي تسمع مدح عمها المبالغ فيه جلست امام رعد الي قال ببراه:- شعرك حلو احسن من شعر غلاء الدبه !
ضحكت وهي تشوف غلاء تهاوشه تحس بحب لذي العائله ما تحس بغربه معهم ابد !
اختفت ملامح وجهها وهي تسمع صوت عزام قريب من الغرفه ينادي و وقف عنها التنفس وزاد مغص بطنها وهي تسمع امه وابوه يقولون له يدخل وفعلاً دخل !
وقفت بصدمه وحرج اول مره يشوفها وجه لوجه دون عبايه دون نقاب !
لفت بتروح وهي تحس انه بيغمى عليها من الحرج وقفت وهي تسمعه يمسي عليها ردت ودخلت غرفتها بعد ما تعذرت انها بتكمل تجهيز
عقدت حواجبها وهي تسمع صوت عزام الغاضب:- ليش اللبس الكاشف ذا الظهر واليد وضيق على الجسم!
كمل بغضب والغيره ذبحته وهو يشوفها بذا الشكل قدام ابوه واخوه وحتى ولو صغير:- والله إن
قاطعه ابوه بهدوء:- عزام لا تحلف مشيها اليوم ولبسها هي عند الحريم خلاص عاد تاخرنا!
طلع بغضب ما قدر يكتمه يحس بشعور غريب جداً رغم انه دايم العنود تلبس اكشف من كذا لكن عمره ما اهتم ودايم العنود تتحجب ولا اهتم بس ليش كل ذا الانفعال لغسق ؟ الي بس طلعت قدام ابوه؟
ابتسم على شكلها يوم شافته وفوقها جمالها من وين يبدأ من عيونها الي ذبحته من اول لقاء وخلته يصمل على الزواج عقب ما كان متردد؟
ولا على جسمها الفاتن وشعرها الكثيف الطويل الي خلاه الحين يصمل على زواجهم القريب؟

....
...
تافاعلو معنا نكمل