الفصل الرابع(فقد ثقتها)
....
وأني أمسكت بيدك وظننت أنك طوق النجاه ولكنك بيدك ألقيتني للجحيم.....
..........
-ابنك ؟!هو حضرتك متجوز؟!
قالتها مياسة بصدمة ليطرق برأسه ويقول بتجهم:
-كنت ...عن أذنك ..
ثم تركها دون كلمة أخرى وولج للمقبرة....ظلت مياسة تنظر الى اثره بذهول وهي لا تفهم هذا الرجل ...ولكن داخلها شعرت بالأسى عليه ...من الواضح انه لا يريد ان يتكلم أكثر عن الموضوع ...تنهدت بتعب وهي تسير للطريق الرئيسي......
.....
وصلت للمنزل وهي مرهقة قليلا ....توقفت شاحبة وهي ترى ماجد جالس على طاولة الطعام ...
ابتسمت خالتها بوجهها وقالت:
-تعالي يا حبيبتي عشان تاكلي ....
هزت مياسة رأسها وقالت بلطف بالغ:
-لا يا خالتي مليش نفس كلي انتِ ...
ولكن خالتها لم تسمح لها أن تلوذ بالفرار لغرفتها ..بل وقفت في طريقها وقال:
-بلاش سخافة يالا تعالي عشان تاكلي يالا .....
-أنا ماشي ..
قالها ماجد بتوتر عندما شعر بضيق مياسة ...تمنت مياسة في تلك اللحظة ان يذهب فعلا ولكن خالتها تدخلت وقالت:
-أقعد أنت كمان متمررش علينا اللقمة !!!
لم ترغب مياسة ان تحدث مشكلة بينهما لذلك أجبرت نفسها على الابتسام وقالت:
-خلاص يا خالتي هغير واجي عشان أكل ..
-هنستناكي يا حبيبتي ...
قالتها خالتها بلطف وهي تجلس على الطاولة ...
بسرعة ذهبت مياسة الى الغرفة لتبدل ثيابها وتخرج ....
....
-مكانش لازم أجي ...شكلها مش مرتاحة بوجودي يا ماما ...باين عليها اتضايقت ...
-بس يا واد يا عبيط انت ...ده الحل الوحيد اللي هيخليها ترجعلك ...معنى انها اتوترت واتضايقت يبقى لسه بتحبك ...مع شوية ضغط مننا هتوافق تتجوزك...
هز ماجد رأسه بتعب وقال:
-بس أنا مش عايز اضغط عليها يا أمي ...عايزاها تقبل تتجوزني من غير ما تكون مجبورة ...
شدت على كفه وقالت:
-ومين قال انها هتتجوزك غضب عنها ؟!احنا بس هنحاول نقنعها بطريقة غير مباشرة ...انت تظهر قدامها وتحاول تفكرها بأيامكم سوا ...والست متقدرش تنسى حبها الأول ...
...
من خلف الجدار كانت مياسة تقف وهي تفرك عينيها بتعب ...خالتها عنيدة للغاية ...كيف تخبرها انها بالفعل لم تعد تحب ابنها...لماذا تضغط عليها ...؟!
تنهدت وابتسمت بلطف وهي تخرج ...
-وادي طل القمر ..
قالتها سناء مبتسمة بحب ...
جلست مياسة على المقعد بحيث لا تواجه ماجد وبدأت بالأكل في هدوء شديد .....
ابتسمت خالتها وبدأت بالكلام ؛
-مش النهاردة قابلت ام.روفيدة جارتنا القديمة وشوفت بنتها روفيدة زي القمر والله ...أول ما شوفتها حسيت انكم هتكونوا لايقين على بعض يا ماجد...
نظر ماجد الى والدته بحيرة لتنظر سناء الى مياسة بخبث وتقول:
-بجد لو شوفتيها يا مياسة هتحبيها البنت حتة كيكة كده هوريكي صورتها وتقولي رأيك عشان نجوزها لماجد ...
ابتسمت مياسة لخالتها بلطف وقالت:
-وانا اشوف صورتها ليه ؟!ماجد اللي هيتجوزها يا خالتي مش أنا ...هو يشوف صورتها وان شاء الله ربنا يجمع بينهم ...
تلاشت ابتسامة سناء ونظرت الى مياسة بصدمة التي اتسعت ابتسامتها وبدأت تأكل ....
........
كانت مياسة جالسة على فراشها في غرفتها وهي تنظر للفراغ بتعب ....خالتها لن تهدأ الا عندما تزوجهما سويا ..وهي لا تريد هذا ...لذلك يجب أن تفعل ما بوسعها لكي تخرج من هذا المنزل ...
......
-ايه اللي أنتِ بتعمليه ده يا أمي ...البنت بسببك مكملتش اكلها...
قالها ماجد بضيق بالغ وهو يقف على باب المنزل مستعد للمغادرة...
تنهدت والدته وقالت:
-لما بكرة تنجح خطتي وتتجوزوا هتشكرني ...أنتوا الاتنين بتحبوا بعض وانا هعمل المستحيل عشان تتجوزوا....
هز ماجد رأسه بيأس وهو يقبل رأس والدته ويقول :
-رينا يهديكي يا أمي ...
ثم تركها وذهب
ذهبت سناء مسرعة الى غرفة مياسة لتجدها جالسة على الفراش بهدوء وهي غارقة بتفكيرها ...اقتربت وجلست بجوارها ...انتبهت مياسة لها ....
-هو أنتِ فعلا نسيتيه؟!فعلا بطلتي تحبيه ؟!
قالتها سناء وهي تراقب تعابير وجهها بقلق ...ابتسمت مايسة دامعة وقالت:
-في يوم من الايام حبيت ماجد وحبيته كتير كمان اكتر من حياتي لدرجة اني قولتله عن كل حاجة ...قولتله عن خوفي ...عقدي ..ومعاملة أبويا ليا ...حتى عن أمي وقد ايه هي وحشاني...حسيت ان ماجد هو العوض اللي انا مستنياه ....مترددتش دقيقة عشان اقوله شرطي ....
أطرقت وقالت وهي تمسح دموعها التي طفرت من عينيها:
-مزعلتش منه لانه رفض لان ده حقه ...اللي زعلني انه عايرني بعقدي...الأنسان اللي اديتله ثقتي وعريت ألمي ليه...هو نفس الإنسان اللي خان ثقتي ومع أول مشكلة عايرني بيه ....
شدت على كف خالتها واكملت:
-خالتي انا بحبك ...بعد أمي مبقاش ليا غيرك ..حتى ابويا مبقاش عاوزني ولا أنا أهمه ...بس أنا مقدرش أقبل بماجد ...مقدرش اثق فيه تاني ...وبالتالي مقدرش احبه تاني ...الموضوع مش بإيدي ..أنا اسفة ...
........
في اليوم التالي ....
-فين عقد شركة الأسيوطي؟!
قالها قصي وهو ينظر الى مياسة التي ابتسمت بإرتباك وقالت:
-أسفة يا فندم أنا نسيت الملف في البيت ...اخدته معايا بالغلط والله و ...
-أفندم بتقولي ايه ؟!.
قالها والرماد يشتعل بعينيه بطريقة جعلت قلبها يقصف داخل صدرها ....
-أنا ممكن اروح ...
ضرب على المكتب بقوة بطريقة جعلتها تنتفض من مكانها برعب. ...
نهض وقال:
-حضرتك دي شركة مش زريبة ولازم يكون فيه نظام ...ازاي اصلا تأخدي معاكي ملف البيت ...بأي حق تطلعي أي ورق من الشركة !!!
طفرت دموعها وقالت:
-انا أنا ...أنا ...
كانت الكلمات تأبى أن تخرج من فمها بينما نشيج حار انفلت من بين شفتيها وكل ما فعلته انها غطت كفيها بوجهها وأنفجرت بالبكاء ....
انسحب اللون من وجهه واختفى غضبه وحل محله الصدمة وهو ينظر اليها بينما تبكي بتلك الطريقة ....ارتبك اكثر عندما ازداد بكاؤها فنهض من على مقعده وهو يقول :
-انسه مياسة اهدي لو سمحتي ...أنا بعتذر منك بس .....
-ممكن متزعقليش !!
قالتها بصوت مختنق وهي تبعد كفيها عن وجهها فرد :
-أنا مبزعقش ...
-وطي صوتك ومتزعقليش تاني....
أخفض صوته وقال بهدوء؛
-انا مبزعقش والله و ...
ولكنها أوقفته.بكفها مسحت دموعها تقول:
-أنا.بعتذر لحضرتك اني نسيت الملف ...بس والله اخدته بالغلط وكنت هجيبه فعلا النهاردة بس برضه نسيت ....كده كده بعد دقيقتين هيكون بريك الغدا هروح بسرعة اجيبه من البيت ...
هز قصي رأسه وقال:
-طيب وأنا هوصلك و ...
هزت رأسها وقالت:
-لا لا هركب مواصلات و...
-هتتبهدلي في المواصلات يا آنسة....واظن بيتك بعيد ومش هتقدري تجيبي الملف على الوقت أنا هوصلك بسرعة ونجيبه ...
-خلاص هاخد تاكسي ...
قالتها في محاولة أخيرة ليضحك بذهول ويقول:
-يا ستي اعتبريني تاكسي ...وبعدين أنتِ تعرفيني على الأقل ...يالا جهزي نفسك هنتحرك ...
......
في سيارة قصي .
كانت تفرك كفيها بتوتر وهي جالسة بالمقعد الخلفي ...تلوم نفسها لأنها قد سمعت كلامه واستقلت معه سيارته...لو رأهما احد لن يكون الوضع جيدا ...
......
أخيراً وصلا الى البناية الخاصة بخالتها...خرجت بسرعة ووقفت مقابله وهي تقول بإرتباك :
-هروح اجي.....
ولكنها قطعت كلماتها عندما سمعت احدهما يزعق بإسمها :
-مياسة !!!
نظرت للخلف لتجد والدها يقف والنيران تندلع من عينيه؛!
يتبع
#هل_أسعدك_قتلي
#سولييه_نصار
