الفصل السادس(موافقة )
ماذا افعل كي انال الغفران ؟!
........
رمشت مياسة بإرتباك وهي تنظر إليه ....كانت مصدومة مما طلبه
-حضرتك بتقول ايه ؟!
طالبته بصدمة ....كان ترتجف من فعل كلماته ولكن نظراته الثابتة عليها أخبرته أنه كان يعني ما قاله...
نهض قصي وقال ببساطة :
-قولتلك عايزة أتجوزك...
هزت رأسها بصدمة وقالت:
-ازاي ... أنا....أنا ....
إصابتها تلك الحالة المزعجة حيث لا تجد أي كلام لتقوله....ظل هو هادئا منتظرا أن تتجاوز صدمتها ليكمل كلامه ....
-اقعدي يا أنسة مياسة خلينا نتكلم ..
-لا يا فندم .مش هنتكلم ...أنا معرفش ليه حضرتك طلبت مني الطلب ده ولا مهتمة من الأساس ...وانا خلاص أي علاقة ليا مع الشركة دي خلصت بورقة استقالتي ...عن إذنك ...
ثم كادت أن تذهب ولكنه بلمح البصر ركض ووقف أمامها بينما يقول وعينيه تضحكان:
-أنتِ ليه دايما كده متعصبة ؟!...أهدي شوية أنا مش هاكلك ولا حاجة. ...أنا بعرض عليكي عرض تقبليه براحتك وترفضيه برضه براحتك ...مش هجبرك...بس اديني فرصة أتكلم معاكي متبقيش متسرعة كده ...
-حضرتك ليه عايز تتجوزني ؟!ممكن اعرف السبب ايه ؟!
صمت لثواني وهو حائر يبحث عن الجواب المناسب ...ولكن احيانا ما نشعر به تعجز الكلمات عن وصفه ...كيف يخبرها أنه يريد حمايتها ...عندما رأى والدها يعتدي عليها بتلك الطريقة غضب بشدة لدرجة أنه أراد أن يتدخل ولكنه خاف أن يسوء الأمر أكثر ...كيف يخبرها أن غضبه من والدها جعله يعجز عن النوم ...هو يحتقر اي رجل تمتد يده على أمرأة ...ذلك الشئ يشعله ...كيف يخبرها أن رؤيتها بذلك الضعف أثار غريزة الحماية لديه...هو يريد حمايتها بأي شكل من الأشكال ....ولكن الحماية ليست السبب الرئيسي .. هو بالفعل تولدت لديه مشاعر نحوها ...قد لا تكون قوية كفاية ولكن ربما في المستقبل سوف يعطيها الحب الذي تستحقه .وينال هو الحب والسكينة التي يستحقها ....
-رد عليا يا قصي بيه ليه عايز تتجوزني ؟!ليه فجأة؟!
وضع كفيه بجيبه وقال بإبتسامة جانبية :
-هو الإنسان بيكون عايز يتجوز ليه يا آنسة مياسة. ..بيتجوز عشان عايز يعمل عيلة ...عايز السعادة اللي بيحسها اي راجل لما يرجع البيت ويحس بالونس مع مراته وعياله ....وأنا مبدئيا في مشاعر من جوايا ناحيتك ...وأنت انسانة محترمة ومثقفة وواثق إننا هنتفاهم مع بعض .....
-ولو رفضت ؟!
-أنسة مياسة محدش يقدر يجبرك على حاجة ...ده هيبقى قرارك أنا مش هضغط عليكي وانا هديلك فرصة تفكري ولو وافقتي هيكون شرف ليا انك تكوني شريكة حياتي ..ولو رفضتي هنسى الموضوع وهتفضلي السكرتيرة المجتهدة في الشركة وعمري ما هضايقك ولا أحسسك بالإحراج ...
كان تنظر إليه وعلى وجهها أمارات الحيرة ...مئات الأسئلة تعصف برأسها ...تكلمت أخيراً بإرتباك وقالت:
-أنا مش عارفة اقولك ايه ...مش عارفة اخد اي قرار ...
نظر إليها بإشفاق وقال :
-القرار هيبقى قرارك والقرار اللي مرتاحة ليه نفذيه ...دي حياتك أنتِ يا مياسة ...والحياة بتتعاش مرة واحدة بس ولو فيه فرصة نعمل الحاجة اللي بتسعدنا ما دام مبتغضبش ربنا يبقى ايه المانع....حتى لو هنكون أنانيين شوية عشان نبقى مبسوطين ...
تنهد وقال :
-أي كان قرارك أنا هحترمه ...بس اعذريني مش هقبل الاستقالة دي ...مقدرش اخسر سكرتيرة مجتهدة زيك ...يالا ورانا شغل كتير ...
.......
بعد انتهاء دوام العمل ....
ولجت أخيراً إلى منزل خالتها وهي شاردة ....تبدو أنها مشوشة للغاية ...لا تفهم ماذا تفعل وماذا تقرر...لم تكن أبدا بهذا الشتات من قبل ...لقد عرض عليها قصي طوق النجاة ...العرض المثالي لتهرب من ماجد ...تسلط والدها وضغط خالتها الذي لا ينتهي ....ولكن هل توافق بتلك السهولة ...ماذا أن جرحها هو أيضاً خاصة وأنها تكن مشاعر له وإن كانت ليست قوية كفاية كمشاعرها العاصفة نحو ماجد ولكنها سوف تتضرر أن حطم قلبها ...ماذا تفعل وماذا تختار ...هي حقاً لا تعرف
-أهلا ..أهلا يا حبيبتي ..
قالتها خالتها بحب وهي تقترب منها وتعانقها ...كان مزاج خالتها رائع للغاية....فمياسة أخيرا سوف تكون زوجة لإبنها ..حلم ابنها بالسعادة سوف يتحقق ومياسة أيضا سوف تكون سعيدة ....ستفعل المستحيل كي تتأكد أن ابنها سوف يسعد مياسة فيكفي ما عانته ...
ابتعد سناء وابتسامته تزداد اتساعاً وقالت :
-ماجد هنا عشان نتفق على الفرح والكلام ده ....
ثم جذبتها دون أن تسمع ردها نحو الصالة حيث يجلس ابنها ...ابتسم ماجد ما أن رأها قادمة وتسارعت دقات قلبه بجنون ...اجلست سناء مياسة وهي تبتسم بسعادة وتقول:
-شوفوا بقا احنا المرة دي مش هنعمل خطوبة نكتب الكتاب علطول ونعمل الفرح وطبعا شرط مياسة أنت هتوافق عليه يا ماجد من غير اي نقاش ...
هز ماجد رأسه وهو يبتسم بينما يفرك كفه وينظر إلى مياسة ...لا يصدق أن حلمه أخيراً سوف يتحقق ...لقد تيقن أنه لم يحب غير مياسة ...هي حبه الأول والأخير ...
نظر إليها بلفهة ولكن لهفته تلاشت عندما رأى جمود ملامحها ولكن عينيها كانت تصرخ بالمشاعر ...كانت يائسة ...حزينة وهذا أوجع قلبه ....
جاهلة بالمشاعر الصامتة التي تدور بين ابنها ومياسة كانت سناء تتكلم بحماس وتقول:
-احنا نروح النهاردة ونجيب فستان الفرح يا ولاد ...هختار ليكي يا مياسة حتة فستان انما ايه قمر و ....
مياسة التي لم تتحمل أي كلمة أخرى نهضت وقالت وهي تلهث بعنف :
-أنا مش هتجوز ...مش هتجوز ماجد يا خالتي ...
سحبت خالتها بينما انقبض قلب ماجد ....
نهضت سناء وقالت:.
-أنت بتقولي ايه يا مياسة ...
-اللي سمعتيه يا خالتي أنا مش هتجوز ماجد...
-يعني مستعدة ترجعي مع ابوكي ...
لم تتردد مياسة عن الإجابة وقالت:
-مش هرجع مع ابويا ولا هتجوز ماجد ...محدش ليه حق يتحكم في حياتي ...لا ابويا اللي رماني بسبب مراته ولا ابنك اللي عايرني زمان وجاي دلوقتي يقولي بحبك ...انا مش لعبة في ايديكم ...
ثم تركتهم وغادرت ....
تنهد ماجد...حسنا هذا كان متوقع ...هي لم تغفر له بعد ويبدو أنها لن تغفر ...
نهض لتقف والدته بوجهه وتقول:
-على فكرة هي بتحبك بس ...
-كفاية بقا يا ماما ...كفاية ...
قالها ماجد بعصبية ثم أكمل :
-خلاص مياسة مش عايزاني ...أنا مقدرش أجبرها ولا أنتِ كمان سيبي البنت في حالها ...خلاص كفاية ...الموضوع انتهى يا ماما وانا مش هحاول اقنع مياسة تاني بحاجة ...مش هاجي على كرامتي اكتر من كده ولا هضغط عليها ولا كمان حضرتك تكلميها سيبيها في حالها لو سمحتي ...
ثم تركها وغادر ...كان يبدو من وجهه أنه كان محطماً ....
-يا حبيبي يا ابني ...هي متستاهلكش والله ما تستاهلك ...ثم ذهبت نحو غرفة مياسة
.......
-خالتي أنا ...
قالتها مياسة بإرتباك عندما دخلت سناء عليها ولكن سناء أوقفتها بإشارة من كفها وقالت:
-ابني غلط صحيح زمان وحاول يصلح غلط ...بس عايزة اقولك أنه فعلا لو اتجوزك هيكون بيكرر غلطه للمرة التانية...مع حبي ليكي يا مياسة بس اسمحيلي اقولك انك متستاهليش ضفر ابني ...وبسبب تفكيرك ده هتبقي طول عمرك وحيدة أو هتقعي في ايد راجل يشربك المرار عشان تعرفي ترفسي النعمة كويس ...
ترطبت عينيها بفعل الدموع وهي ترى نظرات خالتها القاسية لتكمل خالتها بأسف وقالت:
-ابني كان فعلا هيسعدك بس أنتِ حابة تعيشي طول عمرك تعيسة وهبشرك هتبقي تعيسة طول عمرك
ثم تركتها وغادرت لتنفجر مياسة بالبكاء ...
.......
في اليوم التالي ....
-أنا اخدت قراري ...
قالتها مياسة وهي تقف أمام قصي رفع قضية حاجبيه وقال:
-بالسرعة دي ...
هزت رأسها بتوتر فابتسم بأسف وقال:
-أنا اترفضت صح ؟!...
-لا انا موافقة اتجوزك ...بس بشرط ...مش هتجوزك الا لما تحققلي الشرط ده !
يتبع
#هل_أسعدك_قتلي
#سولييه_نصار
