"အကိုကြီး"
Perth ကျောင်းရှေ့က juice ဆိုင်မှာ Love နဲ့ Milk မှာလိုက်တဲ့ Blue Hawaii soda နှစ်ခွက်ဝယ်ဖို့တန်းစီနေတုန်း ဘူးလေးတစ်ဗူးပိုက်ပြီး အနားရောက်လာတဲ့ သာလိကာလေး.....
"ဘာတုန်း.….အအေးသောက်ချင်လို့လား
ငါဝယ်ပေးမယ်မဟုတ်ရင်မင်းအကြာကြီးတန်းစီနေရလိမ့်မယ်"
"မဟုတ်ပါဘူး သား အကိုကြီးကိုပြောစရာရှိလို့ အဲ့ဒါ သားကို အကိုကြီး အချိန်နဲနဲလောက်ပေးလို့ရမလား"
"ထူးထူးဆန်းဆန်းပါလား.....ရတယ်လေ ဟိုမှာခဏထိုင်စောင့် လာခဲ့မယ်"
"ဟုတ်"
ထူးထူးဆန်းဆန်းဆိုမှ တကယ်ကိုထူးဆန်းနေတာမို့ Perth မျက်ခုံးပင့်မိသွားသည်......
ခါတိုင်းလူတွေ့တာနဲ့ သူများနားထောင်ချင်လားမထောင်ချင်လားမသိ ရေပက်မဝင်အောင် စကားများတတ်တဲ့ကလေးက အခု Perth နဲ့စကားပြောဖို့သေသေချာချာလေးခွင့်တောင်းနေလေရဲ့.......
မျက်နှာလေးကလည်း တစ်ခုခုကိုစိတ်ပူသလိုလို ကြောက်ရွံ့နေသလိုနဲ့ လန်းလန်းဆန်းဆန်းမရှိလှ......
လက်ထဲကဘူးလေးကိုစားပွဲပေါ်တင်ပြီး ကုပ်ကုပ်လေးထိုင်နေတဲ့ကောင်လေးကိုကြည့်ကာ Perth ရင်ပူသလိုပင်ဖြစ်လာလေသည်.......
သေသေချာချာကြည့်လိုက်တော့မှ မျက်ကွင်းလေးတွေညိုပြီး ပါးဖောင်းဖောင်းလေးတွေတောင်အနဲငယ်လျော့ကျနေသလားလို့......
အတန်းထဲမှာ အနိုင်တွေဘာတွေများအကျင့်ခံနေရလားမသိပေ.......
Perth အလှည့်ရောက်တော့ ဒီကောင်လေးအတွက်ပါ strawberry caramel တစ်ခွက်ပိုမှာလိုက်ပြီး မှိုင်တွေတွေလေးထိုင်နေတဲ့ ကောင်လေးစီလျှောက်လာလိုက်သည်......
ဘာလိုလိုနောက်ဆုံးစာမေးပွဲဖြေမယ့်ရက်တောင်နီးကပ်လာပြီမို့ ဒီကလေးနဲ့တွေ့ရမယ့်ရက်တောင်သိပ်မကျန်တော့ပေ......
လူကိုမြင်တာနဲ့ အကိုကြီး ဆိုပြီးအသံပြဲနဲ့ကျုံးအော်တတ်တဲ့ကလေးလေး......
သူ့ကိုသူ သား လို့ချစ်စဖွယ်ကောင်းအောင်သုံးနှုန်းတတ်တဲ့ မျက်နှာဝိုင်းလေး......
တစ်ယောက်ထဲအမြဲတမ်းစကားတွေလုပြောနေတတ်တဲ့ သာလိကာလေး........
Perth ကိုတော်တော်လေးခင်ခင်တွယ်တွယ်ရှိရှာတဲ့ဒီကောင်လေးကို Perth လည်းတကယ်သံယောဇဉ်ရှိပါသည်.......
YOU ARE READING
ချစ်လို့ (Complete)
Fanfictionဘာကြောင့် ဒီလောက်အနိုင်ယူနေရတာလဲ......တဲ့ ဘယ်လောက်တောင်ရယ်စရာကောင်းလိုက်တဲ့မေးခွန်းလဲ အဖြေကရှင်းရှင်းလေးပဲ Fourth ငါ မင်းကို စောက်ရမ်း မုန်းလို့...... #Gemini Norawit Titicharoenrak ဘာကြောင့် ဒီလောက်သည်းခံနိုင်ရတာလဲ....တဲ့ ဘယ်လောက်တောင် လွယ်ကူရိုးရ...
