နိုးနေကျမဟုတ်တဲ့အချိန်မှာ ရုတ်တရက်ကြီးနိုးလာခဲ့တယ်လို့ထင်ရပေမယ့် တကယ်ကနိုးလာတာမဟုတ်ဘူး Fourth အိမ်မက်မက်နေတာ.......
ဘာလို့ဆို Fourth နိုးလာတဲ့ နေရာ ကလက်မောင်းတစ်ဖက်ကို Fourth ခေါင်းအောက်လျှိုထည့်ထားပြီး တစ်ဖက်က Fourth ခါးကိုဖွဖွလေးသိမ်းဖက်ကာ အိမ်မောကျနေတဲ့ ကိုကို့ ရင်ခွင်ထဲမှာဖြစ်နေလို့..........
Fourth ပြုံးလိုက်မိသည်ထင်ပါ၏......
ချိုမြိန်လွန်းတဲ့အိမ်မက်လေးကို ကျေးဇူးအထပ်ထပ်တင်စွာ Fourth ကြည်ကြည်နူးနူးပြုံးလိုက်မိသည်ထင်ပါ၏.......
အသက်ရှူသံမှန်မှန်နဲ့အိပ်ပျော်နေတဲ့ ကိုကို့ ထွက်သက်လေးဟာ Fourth နဖူးဆံသားလေးတွေကိုညင်ညင်သာသာထိတွေ့ကျီစယ်လို့နေလေသည်......
မီးရောင်ကိုကျောပေးလဲလျောင်းနေတာမို့ အလင်းဝါဝါနဲ့ထိတွေ့နေတဲ့ကိုကို့ပါးပြင်တစ်ခြမ်းကဝင်းလဲ့ရွန်းအိနေပြီး နှာဖျားလုံးလုံးပြောင်ပြောင်လေးကသံလွင်သီးအမှည့်လေးလိုဝါဝင်းနေလေ၏........
နှုတ်ခမ်းထော်ထော်လေးကတော့ စတော်ဘယ်လို နီနီရဲရဲလေး......
"အဟွန့်"
ကိုကို့ နှာတံထင်းထင်းလေးက Fourth ခေါင်းအုံးပေါ်မှာအရိပ်ထင်နေတာတွေ့တော့ Fourth အသံတိုးတိုးထွက်ရယ်မောမိသွားသည်.......
ချစ်တဲ့သူနဲ့ ကိုယ်ဟာ တစ်ကိုယ်ရည်အသုံးအဆောင်တစ်ခုကို အတူတူမျှဝေသုံးစွဲနေကြတာပါလားဆိုတဲ့အတွေးက Fourth ရင်ကိုပီတိလှိုင်းလေးတွေဘောင်ဘင်လူးလွန့်စေသည်........
အိမ်မက်လေးကသိပ်ကြည်နူးစရာကောင်းတာပဲ......
နဖူးပေါ်ဖြာကျနေတဲ့ဆံနွယ်အိအိတွေကိုသပ်တင်ပေးလိုက်တဲ့အခါ မျက်တောင်လေးတွေညင်ညင်သာသာလှုပ်ခပ်သွားပေမယ့်မျက်ဝန်းအိမ်တွေကပွင့်ဟမလာ........
အိမ်မက်ကအသေးစိပ်ကျလွန်းတာမို့ Fourth ရင်တွေအကြမ်းပတမ်းခုန်ပေါက်လာလေတော့သည်........
Fourth နဖူးပြင်ထက်က ကိုကို့ ထွက်သက်နွေးနွေး.....
Fourth ခါးသွယ်သွယ်ထက်က ကိုကို့ လက်ဖဝါးနွေးနွေး.....
Fourth တစ်ကိုယ်လုံးကိုဖြန့်ကျတ်လွှမ်းခြုံထားတဲ့ ကိုကို့ ရင်ငွေ့နွေးနွေး........
ထိတွေ့ထားသမျှ အနွေးဓာတ်တိုင်းဟာ အရမ်းလက်တွေ့ဆန်လွန်းနေတာမို့ အိမ်မက်မဟုတ်ပဲ တကယ်များဖြစ်နေသလားလို့ပင်ထင်မိလေသည်......
ဒါပေမယ့် အိမ်မက်ဆိုတာသေချာပါသည်..........
ဒီနေ့အိမ်ပြန်မလာဖြစ်ဘူးဆိုတာ ညနေထဲက ကိုကို ဖုန်းဆက်ထားခဲ့သည်မဟုတ်လား........
တကယ်လို့အိမ်ပြန်လာခဲ့ရင်တောင် ကိုကို က Fourth ကိုအခုလိုရင်ခွင်ထဲထည့်ပြီးအိပ်စက်ဖို့ဆိုတာ ဘယ်နည်းနဲ့မှမဖြစ်နိုင်ပေ........
YOU ARE READING
ချစ်လို့ (Complete)
Fanfictionဘာကြောင့် ဒီလောက်အနိုင်ယူနေရတာလဲ......တဲ့ ဘယ်လောက်တောင်ရယ်စရာကောင်းလိုက်တဲ့မေးခွန်းလဲ အဖြေကရှင်းရှင်းလေးပဲ Fourth ငါ မင်းကို စောက်ရမ်း မုန်းလို့...... #Gemini Norawit Titicharoenrak ဘာကြောင့် ဒီလောက်သည်းခံနိုင်ရတာလဲ....တဲ့ ဘယ်လောက်တောင် လွယ်ကူရိုးရ...
