ယောက်ျားကြိုက်တော့ ဆိုက်ဆိုက်လာ
မိန်းမကြိုက်တော့ မျှော်လိုက်တာ......တဲ့
ကြိုက်တယ်ဆိုတာထက် အဆပေါင်းထောင်သောင်းမက မြတ်နိုးတွယ်တာမိတဲ့အခါ မိန်းကလေးတစ်ယောက်မဟုတ်သည့်တိုင် Fourth ဟာ သောကြာနေ့ညနေတိုင်း အဆောင်ကနေအိမ်အထိ ဆိုင်ဆိုက်မြိုက်မြိုက်ပြန်လာမယ့် ကိုကို့ ကို ရွှေလည်တိုင်ခွေယိုင်ကျိုးမတတ်မျှော်ရပါသည်.......
M_5 တစ်နှစ်ပြီးလို့ M_6 စာသင်နှစ်တောင်တစ်ဝက်ကျိုးလာခဲ့ပေမယ့် ကိုကို မရှိတဲ့တစ်မိုးအောက်မှာ Fourth အတွက်တော့လွမ်းဆွတ်ရခြင်းတွေဟာ နေသားကျဖို့ခက်လွန်းလှသည်......
ပွေ့ပိုက်ချီပိုးပေးမယ့်လက်မောင်းတွေမရှိတဲ့အခါ စာကြည့်ခန်းလေးကအရင်ကလောက်အိပ်ငိုက်ချင်စရာမကောင်းတော့ပေ.....
စာလုပ်နေရင်းကအထီးကျန်လာတဲ့အခါ ကိုကို စိတ်ရှည်လက်ရှည်ရှင်းပြနေကျ သင်္ချာပုစ္ဆာတွေသာ Fourth အတွက်နှစ်သိမ့်ရာဖြစ်လာသည်......
"သုံးဇွန်းပဲစားရမယ်နော်".....လို့တားမြစ်တတ်တဲ့အသံဩဩလေးကိုလွမ်းတဲ့အခါ Fourth မှာ Oreo ice cream ခွက်လေးအရည်ပျော်သွားတဲ့အထိ တစ်စိမ့်စိမ့်ငေးကြည့်ရင်း လွမ်းတဲ့စိတ်ကိုကြိတ်မှိတ်ဖြေရသည်.......
အသည်းအသန်သတိရမိတဲ့ညနေတွေဆို ကုန်းကျော်တံတားလေးကိုအရှေ့အနောက်အခေါက်ရေပေါင်းများစွာလျောက်ရင်း ကိုကို့ နှုတ်ခမ်းလေးတွေသိပ်နူးညံ့ကြောင်း အဖန်တစ်ရာတေအောင်ပြန်တွေးမိတာ အထပ်ထပ်အခါခါပင်.....
ကိုကို့ ကိုလွမ်းတိုင်း Fourth တစ်ယောက် စာပိုလုပ်ဖြစ်တဲ့အကြောင်းကိုဖြင့်
ခရေပင်အောက်ကသစ်သားခုံလေးတွေတော့ သိကောင်းသိကြမည်ထင်ပါသည်.....
ဘာပဲဖြစ်ဖြစ်ဒီညနေတော့ ကိုကို နဲ့တွေ့ရတော့မည်......
ဒီနေ့က Fourth အရမ်းကြိုက်တဲ့သောကြာနေ့.....
🎶🎶🎶🎶🎶.......
ရုတ်တရက်မြည်လာတဲ့ဖုန်းသံလေးကြောင့် Fourth ရဲ့အတွေးစတွေပျတ်တောက်သွား၏.....
ဒီနံပါတ်တစ်ခုထဲအတွက်သီးသန့် ringtone ထည့်ထားတာမို့ Taylor swift ရဲ့ crazier သီချင်း chorus အပိုဒ်လေးကြားလိုက်တာနဲ့ ကိုကို့ ဖုန်းမှန်း Fourth တန်းသိပါသည်.......
YOU ARE READING
ချစ်လို့ (Complete)
Fanfictionဘာကြောင့် ဒီလောက်အနိုင်ယူနေရတာလဲ......တဲ့ ဘယ်လောက်တောင်ရယ်စရာကောင်းလိုက်တဲ့မေးခွန်းလဲ အဖြေကရှင်းရှင်းလေးပဲ Fourth ငါ မင်းကို စောက်ရမ်း မုန်းလို့...... #Gemini Norawit Titicharoenrak ဘာကြောင့် ဒီလောက်သည်းခံနိုင်ရတာလဲ....တဲ့ ဘယ်လောက်တောင် လွယ်ကူရိုးရ...
