#المُرَاوَغَة
بقلمي " زهراء امجد "
" أزقة الحب "
لطفاً لتنسون التصويت للبارت
تعليق على الفقرات ترسوا البارت تعليقات بتفاعلكم الحلو
متابعة حسابي الواتباد واهم شي شاركو القصة وصممو فيديواتكم
Instagram : zz__127_
Telegram: zozaya12_A
Tektok: zahra_12_amjed
ولعوووو الدنيااا بتفاعلكم ورفعو راسي كدام البطلات 🔥🔥🔥🔥
رسل :
گعدت من النوم جسمي بايد تعبانة باوعت على مكان آمال فارغ الظاهر راحوا من الفجر وانا تأخرت بنومتي گمت من فراشي عفت وفاء نايمة بس تشوفني گاعدة تگعد حتى لو بعدها نعسانة علمود ما اشتغل
مشيت بخطوات هادئة ناحية الحوش طلعت بره صرت گبال البوري ناصي وطالع من الحايط مرات نشكل الصوندة بيه حتى نغسل الطرمة دنگت اغسل وجهي غسلت و رفعت راسي للسماء سحبت نفس عميق بارد وزفرته وانا مغمضة فتحت عيني اجت على المكان اللي طاح منة حسن صفنت اتذكر ذاك اليوم حسيت بحرارة دموعي على خدي مشتاقتله هم ياخذني وهم يجيبني
لحد ما وصلت بتفكيري لسلام زادت الدموع على خدي وانا اشوف عجزنا اثنينا انا المرض مسيطر عليَّ بسبب بُعد سلام عني وهوَّ حاير بيني وبين امه
بس كل هذا ما استسلم وانسحب مني زين ليش هيچ شنو السر ورى رفض امه الي حُبنا نقي ما اذينا احد، رجعت خطواتي وانا حيلي مهدود گعدت على المرجوحة تچيت ظهري للخلف وغمضت عيوني بنفس عميق اخذني تفكيري استرجع ذكريات ذاك اليوم
گاعدة اتغده واجت مرت ابوي
علياء : العصر اروح للسوگ منو منچن محتاجة شيء تروح وياي
رديت عليها وانا امضغ باللگمة
رسل : انا يمه عندي نقص بهواي اشياء
هزت راسها بالموافقة وراحت كملت غده وغسلت المواعين وسبحت وبدلت جاي أرتب وجهي ودخلت وفاء عليَّ
وفاء : جيبي وياچ كحل خلص
هزيت راسي وانا اجاوبها
رسل : خوش
مر الوقت وصار العصر
طلعنا انا ومرت ابوي صار ايهاب بوجهنا الضحكة انرسمت بوجهه سلم علينا وگال
ايهاب : ها عمّه وين رايحين
وعيونه ناحيتي
علياء : للسوگ محتاجين شغلات ما نتأخر ونرجع
ايهاب : اي انا اخذكم هم الي روحة هناكَ
مرت ابوي كيفت ومشت وياه اخذنا تكسي وگعد ليگدام وانا وياها گعدنا ورى انتچيت على الجامة وعيني على الطريق عيون ايهاب ما فارگتني شگد انزعج من نظراته صح هوَّ مو نذل مثل رسول بس يضوجني ما أريده ومعتبرته مثل اخوي مرات يحترم قراري ويغلس ومرات يتعمد يحقر وياي
أنت تقرأ
ازقة الحب
Poetryاحَبّت احدهُم وآخر يُحبها غالَبت التّقاليد والأعرافَ من أجله ظَنًّا مِنها أنّها ستكُون مِن نَصيبَه ليَحاربهُم الجميع على ذلك الحُب المَمنوع هيَ حَاربت من اجِل مَن تُحب بَينما مَن أحَبها حَاربَ حُبها أسيكُون لهَا نَصيبٌ مَع مَن هَوى قَلبُها أم للقدَ...
