#المُنَافَسَةُ
" زهراء امجد "
" أزقة الحب "
لطفاً لتنسون التصويت للبارت
تعليق على الفقرات ترسوا البارت تعليقات
يوزر حساباتي 🤎
Instagram : zz__127_
Telegram: zozaya12_A
Tektok: zahra_12_amjed
* ** *** *** ** *
يكاسرني گسر شتريد اسويلك
انا المهدود حيلي وحيل منطيلك
بـ قلمي زهـراء أمجَـد
لحظات وندك الباب مسحت دموعي وگمت من مكاني رحت افتح الباب
اول ما فتحته وآني مصدومة ..!
صار بوجهي عمي ابو احمد وولده احمد وايهاب شجابهم
ابو احمد : شلونچ بابا
رسل : هلا عمي تفضل فوتوا
ابو احمد : ابوچ موجود بنيتي ؟
رسل : لا والله طالع
ابو احمد : وين راح
رسل : والله عمي ما أعرف گال ساعة وارجع ، دخل عمي صار بوجهي ايهاب
ايهاب : اي شلونچ فرفورتي ان شاء الله بخير !
خزرته ونترت بوجهه
- چنت زينة بس هسه لا
ايهاب : ليش شفتِ جني مثلاً؟
رسل : لا شفتك انتَ
ايهاب : يجي يوم واكسر غرورچ ، دائماً احاجيچ بهدوء واحترام ، ليش تخليني اصير بارود وأحرگچ
احمد واگف ورى ايهاب حتى يدخلون سوى صار بصفه
أحمد : هاا بديتوا مثل توم وجيري وبعدين وياكم ما تكبرون انتو ؟
رسل : هلا أحمد شلونك
احمد : بخير الحمد لله شلون نبقى واگفين بره ؟
رسل : لا لا تفضل طب ، اصلا ماكو احد بس احنا ابويه طالع وزوجته يم اهلها ، دخلوا بين ما اسويلكم چاي طبوا ورحت اسوي چاي امال وفاء يمهم گاعدات ادندن ويَّ نفسي ، گمزت بأنفاس ايهاب يم رگبتي وهوَّ يهمس بإذني
ايهاب : اي فرفورتي شوكت ترجعون لبيتكم مو كافي لو عاجبچ الوضع هيچ ؟
نداريت عنه وابتعدت شوية
- شو انتَ ماخذ راحتك شعندك جاي وراي
اتصور چنت گاعد يمهم لو ما تگدر تلزم نفسك لازم تزعجني يالله ترتاح ؟
ثاني شيء اقنع عمك اذا انت گدها ، اني احب ارجع لبيتنا هنا متقيدة ما أگدر اطلع واروح لأي مكان فمو من حقك تحاسبني
ايهاب : انتِ ليش شايفة نفسچ عليَّ ، بابا اني تاج راسچ فهمتِ لو لا ؟
رسل : لا ما افتهم ولا تحچي ويَّ تاج راسك
ايهاب : الظاهر انتِ لسانچ طولان هنا ، تعرفين بيَّ الف وحدة تتمناني وتتمنى اشارة مني بس عايفهم ومتعذب بنارچ
رسل : انت گلتها بلسانك الف وحدة ، بس اني مو من ضمن الألف !!
رفعت اصبعي أشرت عليه لا انتَ ولا مليون واحد مثلك يحرك ساكن عندي.
فهمت يااا ابن العم اني ماطخ راسي بس لربي
من اسجد اله فلا تتعب نفسك بناري ،
وروح دور على وحدة من الالف اللي يردنك وكاتلات نفسهن عليك خوش
ويلا الچاي كمل اذا تريد تشرب
طلعت وعفته رحت صبيت چاي للكل وعمي مستمر يحچي
أنت تقرأ
ازقة الحب
Poezieاحَبّت احدهُم وآخر يُحبها غالَبت التّقاليد والأعرافَ من أجله ظَنًّا مِنها أنّها ستكُون مِن نَصيبَه ليَحاربهُم الجميع على ذلك الحُب المَمنوع هيَ حَاربت من اجِل مَن تُحب بَينما مَن أحَبها حَاربَ حُبها أسيكُون لهَا نَصيبٌ مَع مَن هَوى قَلبُها أم للقدَ...
