ازقة الحب

part 19 ||الصَدمة

#الصَدمة
" زهراء امجد "
" أزقة الحب "
لطفاً لتنسون التصويت للبارت
تعليق على الفقرات ترسوا البارت تعليقات
يوزر حساباتي 🤎
Instagram : zz__127_
Telegram: zozaya12_A
Tektok: zahra_12_amjed

* ** *** *** ** *

هالليلة كلش ثَمل
گابلت محبوبي
شيلمني طاير فرح و مسودنة دروبي
لتواخذون الگلب
لَـ ارگص و اهوّس غَزل و ادبچ و ادگ چوبي
هالليلة كلش ثَمل و عيونــه مشروبي

نفض ايدي ونزل ، اشّرت لعمار يلحگه واني لازمة گلبي من الخوف راح بإتجاه سيارة احمد ووفاء فتح باب الصدر على ابوه .

صار مصايح بينه وبين ابوه ياربي والله اني مو حمل مشاكل ، ابد مو وقتها إلتموا عمار واصدقائه يدفعون بي من سيارة ابوه اللي ظل يسب بي
وزاحوه لسيارت الزفة وصعدوا وصعد عمار من يمه بچيت من الخوف والتوتر ما عندي طاقة تتحمل ابسط شيء ، أشر عمار لابو السيارة يطلع فداسلها ومشت سريع

رادت تلوف من سرعتها صارت السيارة جوى تريلة گدامنا غمضت عيني حيل
رسـل : دخيلك يا الله تشاهدت بس الله سترنه وگدر ابو السيارة يلحگ يفلت من التريلة
خوف على بچي عشت لحظات من الرعب

همس قريب على اذني قشعر جسمي
ايهاب : كافي بچي ترى اعصابي نار لا تبچين فدوة اروحلچ

سكتت بقيت بس اناشغ لزم ايدي
ايهاب : كافي عمري اسف لان خليتچ ونزلت هاي فرحتنا لا تضوجيني اني مو عصبي عليچ على تصرف ابويه اللي ما عجبني

عمار حب يلطف الجو
عمار : رسوله انت مو طلبتِ اغنية كاظم الساهر مبروك عليك بنت الحلال مبروك عليك ملكة جمال

شغلوها ويغني ويرگص ويهلهل وخالتي گاعدة مثل نايب ضابط لا حس ولا نس وصلنا وگفنا بالباب مال شقة الجادرية

ونزلوا كلهم يرگصون على الطبل حتى إيهاب رگص، اصدقاءه يغنون اليوم يومك يا بطل إلعب على الچرباية، عزززه ولا يستحون وهو يگلهم اي والله اليوم يومي كملوا رگص ومشوهم كلهم ظل حسام وعمار ومشتاق

واكو إثنين من جماعته هم بقوا طببونه وطبت امه ويانه اخذنه صور اكو جماعية واكو وحدنا كملنا وطلعوهم واحنا دخلنا كل واحد انطوه مفتاح الشقة گايدني ونمشي بالحديقة بدلتي كل شوية وچلبت بالورد لو فدشي اكو واحد من جماعته شايل الجنطة بيده ويمشي ورانه چلبت بدلتي ايهاب لزمها من جهة والولد خطية دنگ سحبها من الورد لحد ما وصلنا للشقة ..

وفاء :
بعد ما نزلت خالتي من سيارتنا بسبب عمي اللي  چان مصعد صديقة العائلة وشاكين بينهم علاقة ما عجبها خالتي وراحت لسيارة ايهاب من شفت نظرات ايهاب ومصايحه على عمي وخوفنا لا تكبر المشاكل لكن عدَّت على خير واحمد ساكن ولا كأنه العريس طول الطريق طبيعي لاحزن ولافرح ، وصلنا وكلمن راح للشقة مالته