ازقة الحب

part 9 ||العَودَة

#العَودَة

" زهراء امجد "

" أزقة الحب "

لطفاً لتنسون التصويت للبارت
تعليق على الفقرات ترسوا البارت تعليقات
يوزر حساباتي 🤎

Instagram : zz__127_
Telegram: zozaya12_A
Tektok: zahra_12_amjed

* ** *** *** ** *
يَـ أبو عيون اليلمعن سود

يمتة لگلبي راح تعود ؟
- بقلمـي زهراء أمجَــد .

" انتِ هوسي المنتظر "
" ان لم تدعيني أبحر بكِ سأغرقكِ معي حتمًا "

وبنهاية الورقة بصمة اصبع باللون الاحمر رفعت الورقة اشمها ريحة دم ..

بعدت الورقة واني مشمئزة من ريحة الدم كلمات كانت اشبه بالصاعقة السرت بكل جسمي ورجّفت گلبي

رحعت عقچت الورقة وقبضت چف ايدي عليها
منو هذا الشخص ؟
حيرة التفكير شبه مدمر للانسان .
معقولة سلام ؟ لا لا شيجيبه هنا وهوَّ ببغداد وخصوصاً بعد الاحداث الاخيرة كره امه زاد وصارت تطلق تسمية عليَّ بنت المخبل مو بسهولة يلاحقني هيچ ..

سؤال ظل محيرني منو المهووس يمكن غايته مو اني والمقصد احد خواتي

فزيت من تفكيري بطبطة سلوى على كتفي
- شبيچ بشنو تفكرين ؟
شنو هاي الورقة اللي بإيدچ ؟

اخذتها من ايدي وقرأت المكتوب شهگت بصوت عالي
- عزاا ما ناقصنا بعد بس المخابيل

رسل : شفتِ هالشخص حيرنا، خواتي هم شايفاته قبل وما نعرف سالفته

سلوى : عليش مهتمة يولي امشينا

رجعت لخواتي ونضال عيونهن ما شالنهن عني منتظرات انطق شيء ما حچيت سلوى سولفتلهن

دگت امال على صدرها مصدومة
- بنات معقولة علي ؟

رسل : لا ما اتوقع ، لو هوَّ رجال چان سوى شيء قبل، هسه يطلّع بطولاته

ظلينا بحيرة كلنا ونتلفت على المكان حوالينا ..

سلوى : يلا بنات خل نمشي نترس الشليف حشيش

رسل :

ترسوا الشليف حشيش
الشليف " عبارة عن گونية او كيس طحين فارغ يفتحون تلاثة او اربعة كياسه ويخيطوهن ويسووهن گونية كلش چبيرة يترسوها ويخلوها
على ظهر الحمار "

سلوى : يلا بنات خل نحط الشليف على ظهر المطي

رسل : يولي اسمه حمار يا حمارة

سلوى : الله يطيح حظچ كون، يلا بلا فلسفة
خلصيني

تگابلنا على الشليف وحطيناه على ظهر الحمار خطية گوّه يمشي
- بنات اذا ما الله عاقبكم على هذا الشيء ليش
هو مو روح خطية والله راح ابچي شوفوه شلون يرجف وگوّه يمشي والطريق بعيد