#مشهد
" زهراء امجد "
" أزقة الحب "
لطفاً لتنسون التصويت للبارت
تعليق على الفقرات ترسوا البارت تعليقات
يوزر حساباتي 🤎
Instagram : aw.wio
Telegram: zozaya12_a
Tektok: anteka12
* ** *** *** ** *
غيرت يوزرات حساباتي حبايب تابعوني على اليوزرات الجديدة مو تيهوني
وشوفوني اقوى تفاعل وصلو تصويت الفين تصويت ورجعو صوتو لكل البارتات قلبي
مشهد من الجزء الثاني ..
بتركيا تحديداً الأوضاع ما تبشر بخير بالنسبة للاجئين الموجودين بتركيا، گاعدة بمكان عملي اني وصديقتي المقربة غيداء نضحك ونسولف اغلب العمال من الجالية العراقية احس بين اهلي وناسي بالعمل واحد يسمع هم الثاني واسباب هجرته
ثواني واجاني اتصال على تليفوني من رقم غريب حسيت نخمش گلبي من الرقم اخذت التليفون وگمت شوية بعيد عنهم فتحت خط
- السلام عليكم حضرتچ رسـل ؟
رسـل : وعليكم السلام نعم تفضل منو وياي ؟
-اني مدير الهجرة وحضرتچ عندچ مقابلة يوم الأثنين الساعة ٩ صباحاً ، لازم يحضر معاچ اولادچ البالغين فقط
رسـل : تمام استاذ ان شاء الله احضر بالوقت المحدد شكراً لحضرتك
سديت الخط ورجعت لمكاني والخوف مبين على ملامحي كل الموظفين انتبهوا عليَّ
غيداء : هاا سوسو منو اتصل عليچ ؟ ليش وجهچ مخطوف اكو شيء ؟
رسـل : مدير الهجرة اتصل گال عندچ مقابلة يوم الأثنين
غيداء : اي احسن حتى تفهمين شنو مصيرچ وما تظلين عايشة بقلق وخوف وان شاء الله خير
رسـل : غدوو والله داأحس بخوف خاف اترحل ، اموت والله اول شيء أولادي تعودوا على هاي الحياة ثانياً كلية نغم هاي اول سنة الها اخاف تروح عليها اذا نطوني رفض ورحلوني شلون اتصرف أدمّر اني وعائلتي وارجع على نفس المعاناة ، القال والقيل ما اريد ارجع ، افضل اشتغل هنا عمري كله بس اهم شيء راسي بارد ومرتاحة شلون بيَّ گوليلي
غيداء : يا عمري گولي يا الله ان شاء الله ربي يبرد گلبچ وما ينطوچ رفض
رسـل : يا رب يسمع منچ
سامر وطاهر اسطة وخلفة العجانة مال الحلويات جابوا الريوگ وقاطعونا
سامر : يلا بنات تعالوا تريگوا
گعدنا كلنا العمال
رسـل : بس چاي اريد
طاهر : مو عوايدچ تحبين البقچة والسميد ؟
ليش حسيت الاتصال غيرچ ، اكو شيء ؟
غيداء : اي اتصلوا عليها دائرة الهجرة عدها مقابلة الأثنين و خايفة
سامر وطاهر : ان شاء الله خير ليش الخوف ماكو شيء بعدين انتِ مو اول مرة تقابلين عدة مرات قابلتِ ليش هسه تخافين ؟
أنت تقرأ
ازقة الحب
Poetryاحَبّت احدهُم وآخر يُحبها غالَبت التّقاليد والأعرافَ من أجله ظَنًّا مِنها أنّها ستكُون مِن نَصيبَه ليَحاربهُم الجميع على ذلك الحُب المَمنوع هيَ حَاربت من اجِل مَن تُحب بَينما مَن أحَبها حَاربَ حُبها أسيكُون لهَا نَصيبٌ مَع مَن هَوى قَلبُها أم للقدَ...
