#الخطبة
" زهراء امجد "
" أزقة الحب "
لطفاً لتنسون التصويت للبارت
تعليق على الفقرات ترسوا البارت تعليقات
يوزر حساباتي 🤎
Instagram : zz__127_
Telegram: zozaya12_A
Tektok: zahra_12_amjed
* ** *** *** ** *
هذا انه الجنت تمشي بحذافيره
هذا انه البعت كلشي وشفت غيره
بـ قلمي زهـراء أمجَـد
استمر اختفاء ايهاب اكثر من شهرين واهله يدورون عليه ما خلوا مكان ما دوروا بي الخوف اكل گلبي عليه ما انكر شگد خفت وانا افكر الصار سببه اني وابوه
استمرت حياتي بين المد والجزر من ناحية اختفاءه وناحية ثانية وجود نصر ومضايقاته الي بالكلام
كثرت جيات علاء للبيت اللي ما تخلى من كلامه يحشي براس نصر تجاهي
وبيوم كملت الچاي وجاي اخذه لنصر استوقفني كلامه هو وعلاء وگفت استمع الهم
علاء : يمعود همزين خلصنا منه واكفلنا سچين خاصر
نصر : هذا اختفاءه مو شيء عادي وراه نية گشرة لاتفرح هواي
علاء : شيريد يسوي انت حاول تقنع اختك بيّ قبل لايرجع
نصر : شقنع انت شايف لو درى ايهاب يگلب الدنيا على راسنا
علاء : طبه طوب مو بكيفه ، لو الظاهر ما تريد احلام ؟ ترى بيدي اگدر امنعك منها للابد
نصر : اهدأ شوية خليني افكر بطريقة ترى ايهاب عرفوا اهله هو بالموصل وديشتغل ويَّ صديقه يعني ماتعرف بأي يوم يطلع بوجهك
رسـل : اسمع بكلامهم مصدومة لحد ماسكتو طلعت صوت بدخولي خليت الچاي ورجعت طلعت وانا الافكار تاكل بيّ اكل ، معقولة بالموصل وليش هيچ راح فجأة
رجعت لامال بالمطبخ
- امال راح اموت من التفكير
امال : خير شكووو
رسـل : علاء ونصر ديخططون شلون اقبل بعلاء
وعرفت ايهاب رايح للموصل يشتغل هناك
امال : معليچ بكلامهم انت حاولي تتجنبين علاء وجيته وتركي نصر يحچي اللي يريده ، ايهاب الصبر هالسنين يتخلى عنچ ويخليچ تصيرين لعلاء ؟ ما اظن بس من ثولچ خسرتيه
رسـل : لا تزيديها عليَّ ردت اشوف تحمله هم يخذلني بيوم وطلع حاله حال اللي قبله وهاي جبت عمري كله وحيدة وللان وحيدة
مرت الايام بهدوء وايهاب ماكو
دز عليه ابوه وگله تعال ميصير تظل هيچ وبعيد عن البيت لحد ما سمعت رجع .
أنت تقرأ
ازقة الحب
Poetryاحَبّت احدهُم وآخر يُحبها غالَبت التّقاليد والأعرافَ من أجله ظَنًّا مِنها أنّها ستكُون مِن نَصيبَه ليَحاربهُم الجميع على ذلك الحُب المَمنوع هيَ حَاربت من اجِل مَن تُحب بَينما مَن أحَبها حَاربَ حُبها أسيكُون لهَا نَصيبٌ مَع مَن هَوى قَلبُها أم للقدَ...
