ازقة الحب

part 26 ||وفاء واحمد

#وفاء_ احمد
" زهراء امجد "
" أزقة الحب "
لطفاً لتنسون التصويت للبارت
تعليق على الفقرات ترسوا البارت تعليقات
يوزر حساباتي 🤎
Instagram : zz__127_
Telegram: zozaya12_A
Tektok: zahra_12_amjed

* ** *** *** ** *

🔴 قلبي من بداية البارت تنويه 🔴
ممنوع تغلطون على اي بطل ممنوع حتى وان تصرفه بهذا البارت زعجكم السبببب والشتم ممنوع ..

صفاء : تعرفين منو راح يتزوج ؟

رسـل : منو ؟

صفاء : سلام ابن خالتي ، واخيراً قبل بعد كل هاي السنين گوه قنعوه وراح يسوي عرسه بالقاعة
بس ما فرحان عبالك حاطين سچين على رگبته يساير بيهم مساير يگلهم نفسي ما طايقها لا تخلوني ابطل

رسـل : صح بداخلي تمنيت هذا يومنا اني وياه بس والله فرحتله لان بقى معند ويَّ امه معتزل عن الزواج كلتلها بيها الخير خطية كبر شينتظر بعد

صفاء : اي ولچ عمره هسه تجاوز الأربعين واللي ماخذينها اله صديقه المقرب هاديها اله والله هوَّ مو بباله الزواج بس صاير الموقف محرج ان يرفض
چان اخوه وياه من هاديها اله قبل لا يحچي هوَّ اخوه منطي الموافقة بداله، يگولون من راجع للبيت أملّخ بسام تملخ  يگله شلون تصرف من كيفك وتعرف كلش زين اني مالي نفس بالزواج وكارهه هذا الموضوع من الأساس يا أخي راح اظلم بنت الناس وياي والله مالي نفس لا عبالك راح اعيش طبيعي وياها لا مستحيل والله گلبي مو الي وانتَ تعرف

بسام اخوه گله عيش حياتك شنو تنتظر مثلا تطلك وترجعلك وهيَّ عندها طفلة ، انتَ من هيَّ بنية ما گدرت تأخذها النوبة متزوجة يا بشر افتهم كافي عيش حياتك مو كلشي بالحب حتى لو تخلفلك طفل يشيل اسمك انتَ مو صغير انتَ تجاوزت الأربعين البي بگدك هسه أولادهم بطوله

ومن اجه سلام يمنه قبل يومين كلش متغير وضعفان مو ذاك سلام ابو ضحكة اللي ما تفارگه بس يصفن وگوّه ناخذ منّه الحچاية حتى تجهيز لعرسه مو هوَّ اللي يجهز مخليها على اهله عناد بأمه، گلها كتلتِ فرحتي لا تطلبين مني افرح
سوي مثل ما تريدين ولا تسأليني شنو اجيب واحط هذا كله ما يهمني عايف البيت حتى ما يروحلهم گاللهم يوم الحنّة من تحددون اجي، مگضيها لو يمنه لو يم بسمة اخته

اجت اريام قاطعت كلامها
اريام :  يلا بنات خلي نصب غده لان كلها صلّت وانتن بس تحچن ما شبعتن

صفاء :  نچبي ولچ

صبينا الاكل وديناه عل سفرة وحدة خليناها على طول الاستقبال وإنجمعنا كلنا، وبيت حسام هم اجو لان حسام عزل بصف بيت اهله، عائلته كبرت ونسوان إثنين والاثنين يخلفن مسويات مزايدة ههههههه

خلصناها ضحك واحنا ناكل، كملنا ولمينه السفرة
وساعدنا صفاء وفطيمة مرت رسول نظفنا المطبخ واخذنا الچاي ورحنا يمهم صفاء تصب ورائد يوزع الهم وصل يمي همسلي