#النَهُوَة
بقلمي " زهراء امجد "
" أزقة الحب "
لطفاً لتنسون التصويت للبارت
تعليق على الفقرات ترسوا البارت تعليقات بتفاعلكم الحلو
متابعة حسابي الواتباد واهم شي شاركو القصة وصممو فيديواتكم
Instagram : zz__127_
Telegram: zozaya12_A
Tektok: zahra_12_amjed
* * *** * *** * *
لسان حال آمال
هسه لو جاسك الشوك
نكول رد مشتاك لينه
ليش يااخر محطات المدينه
تروح فرهود من ادينه
بقلمي زهراء امجد
تقربت بخوف خليت ايدي على مقبض الباب وفتحته وايدي ترجف دخلت وتقربت يمّه
- هاا بويه اجيت
رفع عيونه عليَّ احس عيونه تريد تطلع خفت منّه حيل وهوَّ يگول
علوان : انتِ شعندچ ويَّ رسول ؟
صفنت بوجهه وانا اتذكر كلام رسول وتهديده معقولة نفذه بهذهِ السرعة ! فزيت بعيطة ابوي
علوان : احچي شبيچ ساكتة ؟
بلعت ريگي بصعوبة والقلق أكل گلبي أكل
آمال : لا يابة والله ماعندي شيء وياه
علوان : هسه قبل لا ارجع للبيت ابو رسول طلبچ لإبنه وكلام رسول وثقته يدل انو اكو شيء بينكم ؟ بابا امال احچيلي الصدك صاير شيء وياچ من چنّا بالمزرعة ؟ هذا النذل مسويلچ شيء ؟
رغم خوفي من ابوي بس حسيت بطمأنينة بنهاية كلامه تماسكت روحي وردت اقوي نفسي ما گدرت انهاريت بچي وحچيت
آمال : يابه والله ما اريده ما اريده خلصني منه لو اعرف تموتني اصير چثة وتاليتي لگبري ولا اصير اله
احچي واشهگ من الخنگة دموعي تسيل والله من اشوفه حوليه احس تنقبض روحي وانت تگلي عندچ شيء وياه نزلت على رجل ابويه اترجاه مديت اديّه لإديه ابوسها واحچي فدوة اروحلك يابه لا توافق وتجبرني عليه فدوة اروحلك
دنگ عليَّ ورفعني ناحيته وگفت على حيلي ملامح وجهه تغيرت من العصبية الكسرة والقهر عليَّ سحب نفس قوي وزفره بحسرة وگال
علوان : گومي بوية گومي خلص اللي تردينه يجرالچ عمچ باچر يجي وانا احاچيه يسد الموضوع وخلص بعد ينتهي الامر و روحه ويانه لديالى ويَّ اخوي ماكو ، تظلين هنا يم خواتچ لان نيته مو صافية تجاهچ مسحي دموعچ يبعد ابوچ
دفنت نفسي بحضن ابوي وانا ابچي مسح على راسي بحنية وايده الثانية تطبطب على ظهري يحسسني بالامان ابتعدت من حضنه ومرت ابوي واگفة مقابيلنا حاسة بكسرتي سحبت نفسي امشي بخطوات هزيلة متعوبة طلعت من الغرفة تلگني خواتي لزمت اديهن بقوة ومشينا كلنا لغرفة امي الله يرحمها ملجأنا الوحيد گعدت وگابلني خواتي
أنت تقرأ
ازقة الحب
Poesieاحَبّت احدهُم وآخر يُحبها غالَبت التّقاليد والأعرافَ من أجله ظَنًّا مِنها أنّها ستكُون مِن نَصيبَه ليَحاربهُم الجميع على ذلك الحُب المَمنوع هيَ حَاربت من اجِل مَن تُحب بَينما مَن أحَبها حَاربَ حُبها أسيكُون لهَا نَصيبٌ مَع مَن هَوى قَلبُها أم للقدَ...
