#ليلة_سقوط_بغداد
" زهراء امجد "
" أزقة الحب "
لطفاً لتنسون التصويت للبارت
تعليق على الفقرات ترسوا البارت تعليقات
يوزر حساباتي 🤎
Instagram : zz__127_
Telegram: zozaya12_A
Tektok: zahra_12_amjed
* ** *** *** ** *
🔴 قلبي من بداية البارت تنويه 🔴
ممنوع تغلطون على اي بطل ممنوع حتى وان تصرفه بهذا البارت زعجكم السبببب والشتم ممنوع ..
مشت السيارة وهوَّ لازم ايدي من الجام تحركت وإنهدت ادينا عن بعض نمشي بالطريق والصواريخ توگع منا ومنا من يمنه عبرنا منطقتنا وما نشوف بس الجثث مال الجنود مشمرة يا رب الطف شكو قاعده عسكرية مستهدفة من غير اكو جنود يركضون وينزعون ملابسهم العسكرية وضع مرعب وين ما نباوع دخان وطيارات مستمرة بالرمي
وصلنا لأهلي وعمامي كلهم مجموعين ببيت ابويه ، مو هالگد ويَّ مرت عمي ابو حسام ما تحبهم نزلنا تلگتني امال اخذت نغم مني وتبچي على بچيي
باوعت بأستغراب وملامح حيرة عيونها تدور ورى رسـل سألت بخوف
امال : لعد ايهاب وين ، ولچ ؟
جاوبتها بحيل مهدود ودموع تجري
رسـل : ظل هناك ظل گال اني اجي ولچ خايفة عليه گلبي ما مرتاح لظلته ورانه
امال : الله يحفظه ويرجع سالم ويحفظنا من الجاي
رسـل : اخذت نغم ودخلت جوه ظليت گاعدة بالطرمة والگراج مال البيت وكلها ملتمة جوّه اشوف الضرب والدخان صوت الانفجارات تزيد ما تنقص گلبي انكمش وتزايد الخوف بداخلي يا ربي سترك احفظ امة محمد ظليت گاعدة ابچي لحد ما اجه احمد گعد بصفي
احمد : ليش تبچين ؟ اطمئني ايهاب سبع هسه يرجع
رسـل : وين يرجع شوف الانفجارات والطيارات ياهو اللي تشوفه تقصفه اخوك ما يتعاند شلع گلبي بعناده
احمد : شنو اللي خلاه مميز عندچ غير عناده
رسـل : ما فهمت ؟
احمد : هيچ ، عموماً هسه يجي لا تخافين عليه
رسـل : عافني وگام احمد ظليت برّه قبل لاتغورب الدنيا بشوية شفت سيارة وگفت گبال الشارع مال بيت اهلي نزل ايهاب منها بيده الرشاشة مالته نطوهيا هدية من لبس احتياط ومحتفظ بيها حتى شاجورها ذهبي وعمار هم وياه اجو گبل علينا
شافني شلون عيوني مورمة من البچي
ايهاب : وهذا اني اجيت ليش البچي يابوية ؟
عمار : زين بس عليَّ بچيتِ ؟
ظليت اضحك وابچي همَّ عدهم كلشي شقه متت من خوفي عليه
رسـل : كلكم خفت عليكم احمد الله على رجعتكم سالمين ..
عدت يومين واستمر القصف والرمي والدنيا احتركت ببغداد لحد ما سقطت بيد الأمريكان وبدت الهمرات تفتر بمنطقة اهلي منظرهم مرعب بحد ذاته مشيتهم مخيفة ، يفوتون ويمشون بسرعة موجهين اسلحتهم على اوجه الناس
أنت تقرأ
ازقة الحب
Poetryاحَبّت احدهُم وآخر يُحبها غالَبت التّقاليد والأعرافَ من أجله ظَنًّا مِنها أنّها ستكُون مِن نَصيبَه ليَحاربهُم الجميع على ذلك الحُب المَمنوع هيَ حَاربت من اجِل مَن تُحب بَينما مَن أحَبها حَاربَ حُبها أسيكُون لهَا نَصيبٌ مَع مَن هَوى قَلبُها أم للقدَ...
