#نهاية_الجزء_الاول
" زهراء امجد "
" أزقة الحب "
لطفاً لتنسون التصويت للبارت
تعليق على الفقرات ترسوا البارت تعليقات
يوزر حساباتي 🤎
Instagram : zz__127_
Telegram: zozaya12_A
Tektok: zahra_12_amjed
* ** *** *** ** *
يَاريت هَسه تِجي
ونگعُد سَوه ونبتِسم
ويَاريت ذاكَ الحلِم
يطَلع صّدك مَو حَلم
شَايف جَدار وعَتگ
هَيچ آني جَاي أنّثلم
وبدونَك آني تغّيرت
مَو نَفسي ذيَچ القَبل
وعيوني هَاي إنعَمت
والوجَه هذا الذبل
لا والتَحز بالگلب
گالوّا فَراگك سَهل .
ثاني يوم الصبح سمعت عياط صريخ عفت گلشي بيدي ورگضت لبيت عمي ابو عمار الله يرحمه واني اشوف عمتي ام عمار سلمتها الـ الله ماتت وهيَّ تلهج بأسم عمار إنعادت نفس المعاناة فاتحة تجر فاتحة يا ترى السره الجاي عليمن ؟
توفي عمي ابو عمار ماتوا وراه البقية سبحان من بيده ملكوت كل شيء خلصت الفاتحة واني حملي تعبني واني صرت شبه آله بس تتحرك نسيت شلون افرح شلون اعتني بنفسي صار كل اهتمامي بناتي والخياط اجمع الفلس على الفلس حتى فلاحة فلحت بگاع ابويه وگاع عمي حتى يم بيتي هم فلحت
صرت ما آخذ راحة كرست كل وقتي لشغلي وبناتي اتمرض ما أحچي اسكت اگول ربي يعيني
عيالي شبه نسوني اني وبناتي
حتى من يجون همهم أنفسهم وبس
بيوم چنت اشتغل بالزرع يم بيتي بس اني وبناتي يمي اجه عمي يا دوب سلم وگال
ابو احمد : بابا انتبهي على الزرعات لان ولا فلس ظل عدنا، من تحصدين انطيني خبر حتى اجمع الوارد
إنصدمت منه بدل ما يعيني يطلب مني واني برگبتي بنات إثنين والثالث بالطريق بدل ما يگول عمي محتاجه شيء بناتچ شلونهم خاف مريضة كل همه اجمع فلوس الزرع وادزهن الهم ما علقت على كلامه وعفته يحچي واني ساكتة كمية القهر اللي أحس بيها شگد چان إيهاب شايل عني وما حسسني بشيء اسمه مسؤولية هسه شنو اسوي ما اعرف اباوع عليهم هوَّ وابنه هشام يتمشون بالزرع ولا دايرين بال شلون تعبت بي ويريدون يقاسموني بتعبي
استغفرالله العظيم واتوب
راحوا واني كملت سقي الزرع ورجعت لأهلي، التعب مسيطر عليَّ شافتني نورس اخذت بناتي سبحتهم واني بس غسلت وصليت ظليت گاعدة على السجادة صافنة وين راح توصل بيَّ الدنيا فرتني فر، طبت امال
امال : يلا گومي تغدي شبيچ صافنة ؟
رسـل : اووف ما بيَّ اموله تعبانة ما ظلت عندي قابلية اشوف اي انسان
امال : دگومي گومي تغدي وناميلچ ساعة
على ما تجي ريومه اخذوها للقابلة تطلگ ربي يسهل الها هالمسكينة ابنها ما راح يشوف ابوه شنو ذنبه حسبي الله على اللي كان السبب
صدك شوكت اخذوها
قبل ساعه يلا گومي
تعاي گوميني ما بيَّ حاسّة شايلة بلوكة ببطني مو طفل
أنت تقرأ
ازقة الحب
Poetryاحَبّت احدهُم وآخر يُحبها غالَبت التّقاليد والأعرافَ من أجله ظَنًّا مِنها أنّها ستكُون مِن نَصيبَه ليَحاربهُم الجميع على ذلك الحُب المَمنوع هيَ حَاربت من اجِل مَن تُحب بَينما مَن أحَبها حَاربَ حُبها أسيكُون لهَا نَصيبٌ مَع مَن هَوى قَلبُها أم للقدَ...
