#العِقاب
" زهراء امجد "
" أزقة الحب "
لطفاً لتنسون التصويت للبارت
تعليق على الفقرات ترسوا البارت تعليقات
يوزر حساباتي 🤎
Instagram : zz__127_
Telegram: zozaya12_A
Tektok: zahra_12_amjed
* ** *** *** ** *
🔴 قلبي من بداية البارت تنويه 🔴
ممنوع تغلطون على اي بطل ممنوع حتى وان تصرفه بهذا البارت زعجكم السبببب والشتم ممنوع ..
رسـل : عمه على كيفچ اهدي وفهميني
ام قيصر : ولچ يمه روحة الگشرة عليَّ بنتي منار تفتر وتگمز كلها تعرفها ما عدها عقل واختچ وفاء نايمة چفصت ببطنها وخلتها عياطها لسابع جار يسمعها خطية وصار عدها نزيف ركضنا بيها للمستشفى وهسه اختچ تتلوى والنزيف ماخذها
رسـل : عزززه وتالي ؟؟؟
ام قيصر : بس رحمة الله
رسـل : ونعم بالله ،وانتِ ليش تلومين بنفسچ هيَّ طفلة وما عدها عقل ، وبعدين هذا امر الله سبحانه و تعالى واله بي حكمة
اجه ايهاب سلم وگعد
ام قيصر : هاا يمه بشر شلون صارت ؟
ايهاب : والله عمه نوموها باليرموك واحتمال للصبح اذا ما توقف النزيف يدخلوها عمليات ويطلعون الطفل لان اصلاً ممرود الدكتورة گالت
لطمت على افخاذ رجليها وگالت بفزع
ام قيصر : عززه بعيني
رسـل : عمه اسغفري وربچ يحلها
كلمن راح لغرفته وعم الهدوء بالبيت رغم القلق على وفاء رحت لغرفتي وايهاب تمدد نمت بحضنه
- حبيبي وديني عليها
ايهاب : صار عمري الصبح نطلع من وكت
رسـل : منو ظل وياها ؟
ايهاب : بس احمد كلها طلعوها رادت امي تظل لو خالتي ام يوسف بس احمد گلهن اني ابقى انتن روحن
سكتت و بگلبي گلت هذا اكبر عقاب لاحمد بس هيَّ اللي راح تتاذى وتدفع ثمن انانية رجلها غفيت و حسيت على ايهاب يگعد بيَّ وهو يمسح على بطني النوب كبرانه هو ناصب عليَّ راح اطگها عبالك نفاخة
- بطل حباب والله بعدني نعسانة
ايهاب : تدرين توه ضرب ايدي هذا الوكح على امه
رسـل : اي مبين وابو خطية فقير
ايهاب : اني افقر خلق الله
رسـل : يا عيني فدوة شنو هالعقل اللي نزل عليك فجأة
ايهاب : صبري خلي يضربني مرة ثانية
مخلي ايده ويحچي وياه ضحكني وباس بطني
فديتك انتَ وامك
رسـل : حبيبي ربي لا يحرمني منك
ايهاب : يلا گومي كافي كسل خلي نروح للمستشفى
رسـل : اي حبي
گمت رحت غسلت وصليت لان ما گعدت على صلاة الفجر صايرة تنبل مال نوم صعدت لبست دشداشة مال حوامل جابها هوبي ولبست جبة خليجي فتح ما بيها لا سحاب ولا دگم يعني مفتوحة وهوبي بدل نزلنا لگيت عمتي خطية وجهها مغيم من الحزن صبحنا عليهم
أنت تقرأ
ازقة الحب
Poetryاحَبّت احدهُم وآخر يُحبها غالَبت التّقاليد والأعرافَ من أجله ظَنًّا مِنها أنّها ستكُون مِن نَصيبَه ليَحاربهُم الجميع على ذلك الحُب المَمنوع هيَ حَاربت من اجِل مَن تُحب بَينما مَن أحَبها حَاربَ حُبها أسيكُون لهَا نَصيبٌ مَع مَن هَوى قَلبُها أم للقدَ...
