ازقة الحب

part 29 ||كارثة الغدر

#كارثة_الغدر
" زهراء امجد "
" أزقة الحب "
لطفاً لتنسون التصويت للبارت
تعليق على الفقرات ترسوا البارت تعليقات
يوزر حساباتي 🤎
Instagram : zz__127_
Telegram: zozaya12_A
Tektok: zahra_12_amjed

* ** *** *** ** *

المتبقي بارت واحد فقط  يفصلنا عن الجزء الاول ومن بعدها استراحه فترة وابلش بالجزء الثاني .. ♥️
البارت الجاي بارت 30 هوا اخر بارت بالجزء الأول

* * * * * * * * * *

شفت تليفون إيهاب أخذته ورحت للصالة اگلب بي شفت اسم لفت انتباهي الصادرة آخر اتصال چان
وياه المن هذا الرقم دخلت على الرسائل بصدمةة
بنية وتحچي ويَّ ايهاب كأنما عندها علاقة وياه
ظليت فاتحة حلگي على الرسائل الف فكرة اجت براسي

ايهاب مرة مجاوب ومرة لا، ظليت افكر بحكمة اخر شيء توصلت اله انو اتأكد يالله احچي شيء بطبعي ما احب اتعارك وغيرتي محكمة ما اظهرها بهذه المواقف كرامتي فوك كل اعتبار بالمقدمة سديت الجهاز ورجعت للغرفة بهدوء حتى ارجعه ، رجعته
وتمددت صارت الساعة 8 سويت ريوك وگعدتهم
كملنا وبدلت لبناتي وهوَّ هم بدل ، اما اني بس لبست رداء بسرعة وطلعنا وصلنا المستوصف ودخلت على الدكتورة، طلبت تحاليل فحوصات كملت ورحت عليها

الدكتورة : ماما انتِ حامل راح اسويلچ سونار حتى اتأكد شگد الچ
صعدت على السدية وسوتلي سونار و كملت

الدكتورة : ماما الچ شهرين ونص، وكل عشرين بالشهر تكملين شهر ، راح انطيچ مقويات لان عندچ فقر دم والتهابات استمري عليه وكل شهر تعاي اچيكچ

رسـل : تمام دكتورة
تشكرتها وطلعت إيهاب گاعد بالسيارة والبنات يمّه صعدت يمّه

ايهاب : هاا حبيبتي بشري
ظليت على الصامت

ايهاب : شبيچ متحچين شگالت الدكتورة؟
نطيته التحليل

رسـل : شوف بعينك شاف السونار وضحك

ايهاب : والله گدها فدواته الحامل اني تگومين بسلامة عمري بس ليش حزينة

رسـل : مو حزينة ولا معترضة على رزق ربي الف الحمد وشكر لله بس دلع بعدها صغيرة ويحتاجون رعاية أكثر واهتمام واني من غير شيء اعصابي تلفانة وانتَ تعرف شگد اني صعبة بولادتي اشوف الموت يلا اگوم على حيلي

باوع عليَّ بلمعة فرح ولزم ايدي وگال
ايهاب : حبيبتي اني يمچ ما راح اتركچ وحدچ ، نتساعد ان شاء الله و يشرف مثل ما شرفوا اخواته ولچ اني اريد درزن وانتِ إثنين وچسيتِ، شبيچ خايبة يضحك ويغمز

راح على اهله دخلنا وسلمنا وچلبوا على الغده بشّر امه

ايهاب : يمه راح يجي الثالث ان شاء الله

ام احمد : اي يمّه بالخير عليك ان شاء الله ولد مو بنية

ايهاب : ان شاء الله يمّه بس تگوم فرفورة بسلامة بنية ولد الحمدلله