#الجَوى
" زهراء امجد "
" أزقة الحب "
لطفاً لتنسون التصويت للبارت
تعليق على الفقرات ترسوا البارت تعليقات
يوزر حساباتي 🤎
Instagram : zz__127_
Telegram: zozaya12_A
Tektok: zahra_12_amjed
* ** *** *** ** *
وفاء :
خطيت اول خطوة داخل البيت واني ما أعرف نصيبي شنو راح يكون ، خفيت جرحي اللي سببته السنين وحبي الي انتهى قبل ما يبدأ الشخص الحبيته كان جبان انسحب بإنسحاب علي من امال
اتذكر بـ الفترة اللي انتقلنا بيها بعد حريق البيت چنت ألاحظه على طول يتجادل ويَّ رسل واحس رسل قريبة عليه گمت اخاف منه واني بتفكيري خاف عنده شيء وياها ،
الى ان سمعت يحچيلها عني ويعترف شگد يحبني هنا رجع حرك كل مشاعري الساكنة طول الوقت
حبيته بس ماعرفت شلون ابين اله بحبي ،
ردت اتعلم من رسـل وطريقة تصرفها لان رسـل بحد ذاتها قوية ومتمردة ما تحب احد يفرض شيء عليها حبت سلام واعترفت للكل ما خافت ولا گالت راح تجيني سمعة مو زينة بالعكس جرأتها خلت الكل يتمناها حتى ابويه عرف هيَّ تحب سلام واعترفت اي احبه وحب شريف ما بي اي دغش ،
نقي مثل نقات الثلج تمنيت اعترف لسعد وأگلّه اي اني هم احبك واريد قربك بس اعترف اني ضعيفة الشخصية حتى هيَّ من تتعارك ويَّ ايهاب بيوم گاللها شگد شفت بنات قبل بس مثلچ ما شفت عناد على وكاحة على قوة كلها مخلوطة بيچ ولو بعد الف سنة محد ياخذچ غيري وتصده وتتعارك وياه وتگله ما الك كلمة عليَّ ،
مرات اسأل نفسي اگول ليش هيَّ مميزة بكلشي ؟
حتى من چنّا اطفال بالمدرسة الطلاب والمعلمين كلهم يحبوها ويگولون مستحيل انتن خوات لا شبه ولا مستوى دراسي ولا شخصية نريد صفة وحدة مشتركة بينكم ماكو بس اسم الاب مشترك مرات اغار منها واطلع اي حجّة حتى اتعارك وياها ،
بس آني هسه من كبرت عرفت تصرّف رسل هو الصح حتى الناس تحترمك لازم تصير قوي ، الضعيف ماله مكان.
المهم گمت وين ما اطلع يحاسبني سعد حتى من امشي ويَّ خواته لبسي عباية حبيت اهتمامه بيَّ وحبيت من رسـل تصيحله ابو سمرة لايگة عليه عدَّت السنين واني وسعد واحد يحب الثاني بسكوت
اهله من سالفت امال وعلي ما قبلوا يتقدمون الي
على طاري ما ينطوها ، همَ وين واحنا وين ومن هالحچي الى ان اجه اليوم اللي سمعت بي خطوبة سعد من بنت عمه ،
الخبر من وصل الي گالوا مو بيده انجبر عليها وشگد حاول يخليهم يخطبوچ اله بس متوّبين من سالفة امال وعلي
الايام تركض ركض والسنين تمشي بينه مثل السحاب وصارت وفاة ابويه واجه سعد وزوجته وابنه ،
وگف يمي واخذ من خاطري اجت مرته وكفت يمنا تحسر وعافها ،
وعدت سنة ونص ورى وفاة ابويه وعمي قرر ياخذني اني ورسل الـ ولده ، ايهاب يحب رسل
اني شنو مصيري ؟
لا اني ولا احمد تربطنا علاقة او صداقة بالعكس اشوف ميوله اكثر لرسـل شقه وضحك وصخرته ما عندي ميانة وياه واللي عرفته هو ما يقبل بيَّ شلون رهمها عمي ما أعرف
أنت تقرأ
ازقة الحب
Poetryاحَبّت احدهُم وآخر يُحبها غالَبت التّقاليد والأعرافَ من أجله ظَنًّا مِنها أنّها ستكُون مِن نَصيبَه ليَحاربهُم الجميع على ذلك الحُب المَمنوع هيَ حَاربت من اجِل مَن تُحب بَينما مَن أحَبها حَاربَ حُبها أسيكُون لهَا نَصيبٌ مَع مَن هَوى قَلبُها أم للقدَ...
