#الإستخفَاف
" زهراء امجد "
" أزقة الحب "
لطفاً لتنسون التصويت للبارت
تعليق على الفقرات ترسوا البارت تعليقات
يوزر حساباتي 🤎
Instagram : zz__127_
Telegram: zozaya12_A
Tektok: zahra_12_amjed
* ** *** *** ** *
🔴 قلبي من بداية البارت تنويه 🔴
ممنوع تغلطون على اي بطل ممنوع حتى وان تصرفه بهذا البارت زعجكم السبببب والشتم ممنوع ..
كلها دقايق وطبت ايهاب وعمي ابو قيصر
بس ايهاب ما يتفسر وجهه يخوف من العصبية
يارب سترك
طب عمي وراه و يحچي عليه
ابو قيصر : بابا ما يصير اثنينكم أعصاب لازم واحد يصير بيكم عاقل
ايهاب : عقليش يا عمي تقبلها يطردني من المحل يگول هذا محلي اطلع منه ، ليش مو فلس فلس جمعته ونطيتهن اله لشوكت يظل محاربني بس اسألك شفتني علت وياه مرة ؟
ابو قيصر : لا والله بابا كل عيلة ما عندك بس ابوك ما أعرف شگول ، عوفه هاي الفترة بلكي يرجع على عقله
سكت ايهاب وظل يستغفر ويشرب جگاير صبت غده عمتي
- يمه رسوله طلعي خبز من المجمدة
رحت اطلع الخبز اسمعهم يحچون عليه لا تسوي هيچ گدام مرتك ترى حتى اكل ما تاكل وتباوع عليك وهيَّ حامل شنو ذنبها مشاكلك خليها بينك وبين ابوك لا تبين گدامها انكسارك كلشي ينحل
ايهاب : عمي اني الكاسر ظهري هيَّ واللي ببطنها والله اني مالي عيشة بالعراق مدام ابويه هيچ شلون اتصرف تعبت شسوي ما يعجبه ، يردون اصير موزين ويَّ مرتي يلا يرضون عليَّ واني ما شايف شيء منها ما مأذية احد شنو تسمع ما تحچي ولا يوم وصلتلي حچاية بس اني اعرف اهلي يردون يلغون شخصيتي ويمشوني على مرامهم يالله يفكون ياخة مني ، مو مشكلة أخذ المحل عادي باچر من الصبح الگه شغل اسد نفسي ومرتي بس الى متى ؟
الايام تركض ركض وهيَّ حامل تحتاج من يداريها ويعتني بيها
ايو قيصر : ميخالف بابا انت صير الها السند لا تزيد قهرها اضحك اشاقه اكل گدامها
سكتوا رجعت نطيت الخبز لعمتي ثردت بالمواعين وحمّت الخبز الباقي
- يلا يمه صيحي البنيات واخوانچ گاعدين بالصالة
رحت صحتلهم دخلنا المطبخ ايهاب باوع عليَّ وابتسم گعدت يمه همس
ايهاب : فديت اللي يبتسم اني ، لا تتحارشين ترى جواي بركان اخاف أأذيچ
رسـل : قابلة بكلشي منك، بس اشوف ابتسامتك
ايهاب : گدها تتحملين
رسل : اتحمل بس ابنك ما يتحمل
ايهاب : احرك اهله اللي يحرمني منچ مو عاد ابني هذا ابن المطي خلي يجي ويصير خير ضحكنا
ام قيصر : يلا يمه تغدوا عوفوا الحچي هسه
اكلنا و خلصنا گمت اسوي چاي
رسـل : عمه اني اغسلهن وخري
أنت تقرأ
ازقة الحب
Poetryاحَبّت احدهُم وآخر يُحبها غالَبت التّقاليد والأعرافَ من أجله ظَنًّا مِنها أنّها ستكُون مِن نَصيبَه ليَحاربهُم الجميع على ذلك الحُب المَمنوع هيَ حَاربت من اجِل مَن تُحب بَينما مَن أحَبها حَاربَ حُبها أسيكُون لهَا نَصيبٌ مَع مَن هَوى قَلبُها أم للقدَ...
