ازقة الحب

part 14 || الأنتِـحار

#الأنتـحار
" زهراء امجد "
" أزقة الحب "
لطفاً لتنسون التصويت للبارت
تعليق على الفقرات ترسوا البارت تعليقات
يوزر حساباتي 🤎
Instagram : zz__127_
Telegram: zozaya12_A
Tektok: zahra_12_amjed

* ** *** *** ** *

رديت اون تعبانه من روحي
شيصير لو بحجايتك هديتلي جروحي

بقلمي زهراء امجد

ايهاب :
عفت رسل وطلعت بوجهي للمستشفى حتى اتناوب ويَّ احمد خطيه تعب ، طبيت لگيت احمد واگف
- هاا أحمد بشّر شلون صار عمي

احمد : والله ياخويه الدكتور ما يبشر بخير يگول الكُلى اول وحدة اللي زرعناها اله قبل سنتين منتهية وهسه هاي الثانية مُهددة بالرفض يعني جسمه مدايتقبلها يگول اسبوع وطلعوه للبيت انتم ونصيبكم اذا الله كتبله عمر يعيش يعيش واذا لا الله ارحم الراحمين

فرك وجهه بحيرة
- ايهاب : وهسه شلون نتصرف نطلعه ، نبقيه ، لو شلون ؟

گعد على الكرسي يرفع شعره ليوره نظراته على ايهاب
- احمد : والله يا ايهاب اني هم مثلك حاير هاي ثاني كُلية نزرعها اله وما فاد بعد شبيدنه عليه

ايهاب : الله كريم وهسه تروح انتَ لو تبقى يم عمي

احمد : لا اني اروح تعبت من البارحة على وگفتي كل شويه اگول راح تطلع روحه لان الجهاز يأشر بصوت عالي ويجون يرگضون هو تعب ، واهله تعبوا ، احنا هم تعبنا الله يعينه
يلا اني رايح انطيني سويچ السيارة

- نطيته السويچ وراح احمد ظليت صافن على عمي صاير مجرد هيكل عظمي وبس النفس يصعد وينزل بي
الله يشافيه ياررب .

رسل : عافني وگام اعصابي انهارت من تصرفه اليوم ما ابقى هنا لازم ارجع للبيت بعد ، اشوف
منو يوديني عمي او خل يرجع احمد المهم اروح ما أظل هنا قبل لا يجي الخبل .
نهضت من مكاني ومسحت دموعي وطلعت ادور على عمي
- خالة عمي وين؟

ام ايهاب : عمچ طلع ليش

رسـل : ماكو شيء بس اريد اروح لأهلي واريده يوديني صار اسبوعين هنا اخواتي وحدهم هناك

ام ايهاب : اي خالة بس انتِ بعد عندچ جلسة ويَّ شيخ ناصر ما يصير توقفينها

رسـل : خالة ما أگدر بعد اريد اروح اليوم حتى لو بالليل يوديني .

ام ايهاب : اصبري يمه هسه يجي عمچ واخلي يجيب شيخ ناصر يكملّچ وروحي

رسـل : خالة والله ما أريد بعد نفسي ما تتقبل هذا الشراب

ام ايهاب : اي يمّه بس ما يصير ، شفتّ آخر مرة ما طلع شيء من معدتچ ان شاء الله العمل البيچ راح يطلع وترتاحين ، بعد ماكو وجع معدة ولا توگعين وانتِ تمشين وهسه فوتي يم اختچ اكليلچ لگمة كلنا تريگنا ظليتِ انتِ وياها .